22-12-2024

خبرنامہ نمبر 7929/2024
کوئٹہ 22 دسمبر: گورنر ہاؤس اینڈ سیکرٹریٹ کوئٹہ کے ایک اعلامیہ کے مطابق سوشل میڈیا ایکس(X) پر گورنر بلوچستان جعفرخان مندوخیل سے منسوب ایک حالیہ ٹویٹ کی غلط تشریح کی گئی ہے اور اسے سیاق و سباق سے ہٹ کر لیا گیا ہے۔ پاکستان کے ایک معروف صحافی حامد میر نے سابق وزیراعظم عمران خان کی حکومت کے پانچ سال پرانے انٹرویو کا حوالہ دیا ہے. ماضی کی سابق حکومت سے متعلق انٹرویو کو موجودہ حکومت نے منسلک کرنا مناسب نہیں ہے. گورنر بلوچستان ہمیشہ ذمہ دارانہ صحافت اور حقائق کو مکان و زمان کے مطابق پیش کرنے پر زور دیتے ہیں تاکہ غلط معلومات پھیلانے سے گریز کیا جا سکے۔