خبر نامہ نمبر3260/2026
کوئٹہ24 مارچ:۔وزیر اعلیٰ بلوچستان میر سرفراز بگٹی نے انسان دوست اقدام اتھاتے ہوئے گھریلو حادثے میں جھلسنے والے کم سن بچے حسنین ولد عبدالخالق کے علاج کے تمام اخراجات حکومت کے ذمہ لینے کے احکامات جاری کیے ہیں حسنین گزشتہ روز اپنے گھر میں جھلس کر شدید زخمی ہوگیا تھا۔ بچے کے والد، مغربی بائی پاس کوئٹہ کے محنت کش عبدالخالق علاج کرانے سے قاصر تھے، تاہم وزیر اعلیٰ بلوچستان کی ہدایت پر بچے کو فوری طور پر سی ایم ایچ کوئٹہ منتقل کر کے علاج معالجہ شروع کر دیا گیا حکومتی بروقت اقدام اور ماہر طبی ٹیم کی کوششوں کے نتیجے میں معصوم بچے کی جان بچائی گئی اور وہ اب روبہ صحت ہے۔ وزیر اعلیٰ بلوچستان نے بچے کی جلد صحت یابی کے لیے دعائیں کیں اور نیک خواہشات کا اظہار کیا حسنین کے والدین نے وزیر اعلیٰ میر سرفراز بگٹی کا دل کی گہرائیوں سے شکریہ ادا کیا اور ان کے لیے دعاؤں اور نیک تمناؤں کا اظہار کیا۔
خبر نامہ نمبر3261/2026
موسیٰ خیل24 مارچ:۔ملک بھر کی طرح ضلع موسیٰ خیل میں یومِ پاکستان 23 مارچ 2026 نہایت ہی سادہ، پُروقار اور روایتی جوش و جذبے کے ساتھ منایا گیا۔ ضلعی انتظامیہ کے زیرِ اہتمام منعقدہ تقریبات کا مقصد تحریکِ پاکستان کے مقاصد کی تجدید اور ملکی استحکام کا اعادہ کرنا تھایومِ پاکستان کا آغاز مساجد میں نمازِ فجر کے بعد ملک کی سلامتی، استحکام اور پاک فوج کی کامیابیوں کے لیے خصوصی دعاؤں اور قرآن خوانی سے ہوا۔ دن کی مرکزی تقریب ڈسٹرکٹ کمپلیکس میں منعقد ہوئی، جہاں ڈپٹی کمشنر موسیٰ خیل نے سبز ہلالی پرچم لہرایا۔ اس موقع پر پولیس کے چاق و چوبند دستے نے پرچم کو سلامی پیش کی۔ تقریب میں ایس پی پولیس، ضلعی افسران، قبائلی عمائدین اور سماجی کارکنوں کی بڑی تعداد نے شرکت کی پرچم کشائی کے بعد ڈپٹی کمشنر کی قیادت میں ایک عظیم الشان ریلی نکالی گئی، جس میں شہریوں اور سرکاری ملازمین نے بھرپور شرکت کی۔ شرکاء نے بینرز اور قومی پرچم اٹھا رکھے تھے اور پاکستان کے حق میں نعرے لگائے ریلی سے خطاب کرتے ہوئے ڈپٹی کمشنر نے کہا 23 مارچ ہماری تاریخ کا وہ سنگِ میل ہے جب برِصغیر کے مسلمانوں نے ایک آزاد ریاست کا خواب دیکھا۔ آج ہمیں اسی اتحاد اور نظم و ضبط کی ضرورت ہے تاکہ ہم ملک کو ترقی کی راہ پر گامزن کر سکیں علاوہ ازیں یومِ پاکستان کی مناسبت سے نوجوانوں کے لیے ایک دوستانہ فٹسال میچ کا انعقاد کیا گیا، جس میں کھلاڑیوں نے بہترین کھیل کا مظاہرہ کیا۔ اس کے علاوہ ایک مقامی ثقافتی میلے کا بھی اہتمام کیا گیا، جس میں روایتی کھیل کبڈی کے مقابلے ہوئے، جنہیں حاضرین نے بے حد سراہا۔
خبر نامہ نمبر3262/2026
کوئٹہ 24مارچ:۔یومِ پاکستان 23 مارچ کے موقع پر ضلعی انتظامیہ کوئٹہ کی جانب سے لائنز ڈیپارٹمنٹ کے تعاون سے ڈپٹی کمشنر کمپلکس سے ایک شاندار اور پُروقار ریلی کا انعقاد کیا گیا۔ ریلی میں مختلف سرکاری محکموں کے افسران، اہلکاروں، طلبہ، اساتذہ اور شہریوں کی بڑی تعداد نے شرکت کی۔ شرکاء نے قومی پرچم اٹھا رکھے تھے اور وطنِ عزیز سے محبت کے اظہار کے لیے نعرے لگائے۔ریلی کا آغاز ڈی سی کمپلکس سے ہوا اور یہ شہر کی مختلف اہم شاہراہوں سے گزرتی ہوئی اپنے اختتام کو پہنچی۔ راستے میں شہریوں نے ریلی کا بھرپور خیرمقدم کیا اور قومی جوش و جذبے کا مظاہرہ کیا۔ سکیورٹی کے بھی مؤثر انتظامات کیے گئے تھے تاکہ تقریب پُرامن طریقے سے مکمل ہو سکے۔اس موقع پر ضلعی انتظامیہ کے افسران نے یومِ پاکستان کی اہمیت پر روشنی ڈالتے ہوئے کہا کہ 23 مارچ 1940ء کو قراردادِ پاکستان پیش کی گئی، جو برصغیر کے مسلمانوں کے لیے ایک علیحدہ وطن کے قیام کی بنیاد بنی۔ انہوں نے کہا کہ یہ دن ہمیں اتحاد، ایمان اور نظم و ضبط کے اصولوں پر کاربند رہنے کا درس دیتا ہے۔میونسپل کمیٹی کے افسران نے بھی اس موقع پر شہر بھر میں یومِ پاکستان کے حوالے سے بینرز آویزاں کیے اور مختلف مقامات کو خوبصورتی سے سجایا تاکہ شہریوں میں قومی شعور اور حب الوطنی کو فروغ دیا جا سکے۔ضلعی انتظامیہ نے اس عزم کا اعادہ کیا کہ وہ عوامی فلاح و بہبود کے لیے اپنی خدمات جاری رکھے گی اور قومی دنوں کو بھرپور انداز میں منانے کی روایت کو برقرار رکھے گی۔
خبر نامہ نمبر3263/2026
دکی 24مارچ:۔ملک بھر کی طرح ضلع دکی میں بھی یوم پاکستان 23 مارچ کے حوالے سے پارلیمانی سیکرٹری سردار مسعود خان لونی اور سردار خوشدل خان لونی کی خصوصی ہدایت پر ایک تاریخ ساز ریلی نکالی گئی جس میں علاقے کے عمائدین، سیاسی و سماجی شخصیات، نوجوانوں، بزرگوں اور مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔ ریلی کا آغاز لونی ہاؤس سے ہوا جہاں شرکاء قومی پرچم اٹھائے، پاکستان زندہ باد اور یومِ پاکستان کے حوالے سے نعرے لگاتے ہوئے اپنے جذبہ حب الوطنی کا اظہار کر رہے تھے۔ریلی مختلف اہم شاہراہوں سے گزرتی ہوئی مسجد روڈ میں پڑاؤ ڈال دیا جہاں سکیورٹی کے انتظامات کیے گئے تھے تاکہ ریلی پُرامن طریقے سے اپنے اختتام کو پہنچے۔مسجد روڈ پر ریلی کے اختتام پر ایک جلسے کا انعقاد کیا گیا، جہاں مقررین نے یومِ پاکستان کی تاریخی اہمیت پر روشنی ڈالتے ہوئے کہا کہ 23 مارچ 1940 وہ دن ہے جب برصغیر کے مسلمانوں نے ایک علیحدہ وطن کے حصول کا عزم کیا، جو بعد ازاں قائداعظم محمد علی جناح کی قیادت میں پاکستان کی صورت میں پورا ہوا۔ انہوں نے کہا کہ پاکستان اللہ تعالیٰ کی ایک عظیم نعمت ہے جس کی قدر کرنا ہم سب پر فرض ہے۔مقررین نے اس بات پر بھی زور دیا کہ پاکستان عالمِ اسلام کاواحد ایٹمی طاقت رکھنے والا ملک ہے، جس کی وجہ سے مسلم دنیا کو ایک مضبوط سہارا حاصل ہے۔ انہوں نے نوجوانوں کو مخاطب کرتے ہوئے کہا کہ وہ تعلیم، اتحاد اور محنت کے ذریعے ملک کی ترقی میں اپنا کردار ادا کریں اور قائداعظم کے اصولوں ”ایمان، اتحاد، تنظیم” کو اپنی زندگی کا حصہ بنائیں۔آخر میں ملکی سلامتی، استحکام اور ترقی کے لیے خصوصی دعائیں کی گئیں اور اس عزم کا اعادہ کیا گیا کہ ہم ہر حال میں اپنے پیارے وطن پاکستان کی حفاظت اور خوشحالی کے لیے متحد رہیں گے۔
خبر نامہ نمبر3264/2026
لورالائی 24مارچ:۔ڈپٹی سیکرٹری محکمہ صحت حمیداللہ ناصر نے ٹیچنگ ہسپتالورالائی کا مختصر دورہ کیا۔اس موقع پر ڈپٹی ڈی ایچ او ڈاکٹر شاہ زمان حمزہ زئی آپریشن تھیٹر کے انچارج ڈاکٹر جعفر خان غلزئی،سپروائزر اسحاق خان ناصر نے انہیں ہسپتال کے مختلف شعبے دکھائے، ہسپتال کے مسائل سے انہیں آگاہ کیا اور ماہ رمضان اور عید کے موقع پر کئے گئے اقدامات کے متعلق تفصیلات فراہم کیں ڈپٹی سکریٹری حمید اللہ ناصر نے ہسپتال کے مختلف شعبوں کا معائنہ کیا ور ڈیوٹی روسٹر سے آگاہی حاصل کی۔اس موقع پر ڈپٹی انہوں نے کہا ہے محکمہ صحت نہایت اہمیت کا حامل ہے جس کا واسطہ دکھی انسانیت سے ہے اس سلسلے میں کسی بھی قسم میں کوتاہی برداشت نہیں کی جائیگا۔اور اچھی کام کے سلسلے میں حوصلہ افزائی کی جائیگی۔
خبر نامہ نمبر3265/2026
ہرنائی 24 مارچ:۔ یومِ پاکستان کے تاریخی موقع پر ضلع ہرنائی میں روایتی سادگی مگر پورے وقار کے ساتھ تقاریب کا انعقاد کیا گیا۔ گورنمنٹ بوائز ماڈل ہائی سکول ہرنائی میں منعقدہ مرکزی تقریب میں ڈپٹی کمشنر ارشد حسین جمالی نے قومی پرچم لہرایا اور پولیس کے چاک و چوبند دستے نے قومی پرچم کو سلامی پیش کی، جس میں ضلعی انتظامیہ کے اعلیٰ حکام نے شرکت کی۔اس سادہ اور پُراثر تقریب کے مہمانِ خصوصی ڈپٹی کمشنر ارشد حسین جمالی تھے، جن کے ہمراہ ایڈیشنل ڈپٹی کمشنر محمد سلیم ترین بھی موجود تھے۔ تقریب کا آغاز تلاوتِ کلامِ پاک سے ہوا، جس کے بعد ڈپٹی کمشنر نے اپنے ہاتھوں سے پرچم کشائی کی اور پولیس دستے کی جانب سے دی گئی سلامی کا معائنہ کیا۔ اس موقع پر ڈسٹرکٹ ایجوکیشن آفیسر غلام حیدر ترین، ایس پی پولیس عبدالحفیظ جکھرانی، ڈی ڈی او مشتاق احمد اور پرنسپل شمس الدین سمیت سول سوسائٹی اور اساتذہ بھی شریک تھے۔مقررین نے 23 مارچ 1940ء کی تاریخی اہمیت اور بانیِ پاکستان قائدِ اعظم محمد علی جناحؒ کی عظیم جدوجہد کو خراجِ تحسین پیش کیا۔ طلباء اور شرکاء کو تحریکِ آزادی کے قائدین کے افکار سے روشناس کراتے ہوئے اس بات پر زور دیا گیا کہ موجودہ حالات میں ملک کی ترقی کے لیے اتحاد، ایمان اور تنظیم کے سنہری اصولوں کو مشعلِ راہ بنانا ناگزیر ہے۔تقریب کے اختتام پر ملکی سلامتی اور استحکام کے لیے خصوصی دعائیں مانگی گئیں۔ ڈپٹی کمشنر اور دیگر افسران نے اس عزم کا اظہار کیا کہ بابائے قوم کے افکار پر عمل کرتے ہوئے ہی پاکستان کو ترقی و خوشحالی کی راہ پر گامزن کیا جا سکتا ہے۔ سادگی سے منائی جانے والی اس تقریب نے نئی نسل میں حب الوطنی کا نیا جذبہ بیدار کیا اور اس عہد کی تجدید کی گئی کہ وطنِ عزیز کی تعمیر و ترقی میں ہر فرد اپنا بھرپور کردار ادا کرے گا۔
خبر نامہ نمبر3266/2026
شاہرگ / ہرنائی24مارچ:۔ گورنمنٹ بوائز ہائیر سیکنڈری اسکول شاہرگ میں 23 مارچ 1940 کی تاریخی قراردادِ پاکستان کی یاد میں ایک پروقار اور پرجوش تقریب کا انعقاد کیا گیا۔ پرنسپل محمد یونس ملازئی کی زیرِ صدارت منعقدہ اس تقریب میں اساتذہ، علاقائی عمائدین اور طلبہ کی بڑی تعداد نے شرکت کر کے تحریکِ پاکستان کے شہداء کو خراجِ عقیدت پیش کیا۔تقریب کا باقاعدہ آغاز تلاوتِ کلام پاک اور ہدیہ نعت سے ہوا، جس کے بعد اسکول کے احاطے میں قومی پرچم لہرایا گیا۔ اس موقع پر طلبہ نے ملی نغموں پر ٹیبلوز پیش کیے اور اپنی خوبصورت آواز میں ”دل دل پاکستان” جیسے گیت گا کر سماں باندھ دیا۔ مختلف مقررین نے اپنے خطاب میں 23 مارچ کی اہمیت پر روشنی ڈالتے ہوئے کہا کہ یہ دن ہمیں برصغیر کے مسلمانوں کی اس عظیم جدوجہد کی یاد دلاتا ہے جس کے نتیجے میں ہمیں ایک آزاد وطن نصیب ہوا۔پرنسپل محمد یونس ملازئی نے اپنے صدارتی خطاب میں طلبہ پر زور دیا کہ وہ تعلیم کے زیور سے آراستہ ہو کر ملک کی نظریاتی سرحدوں کی حفاظت کریں۔ انہوں نے کہا کہ شارگ کے نوجوانوں میں بے پناہ ٹیلنٹ موجود ہے اور ایسی تقریبات کا مقصد نئی نسل کو قیامِ پاکستان کے اصل مقاصد سے روشناس کرانا ہے۔ مقررین نے اس بات پر بھی زور دیا کہ ملک کی ترقی کا دارومدار اتحاد، تنظیم اور یقینِ محکم پر ہے۔تقریب کے اختتام پر نمایاں کارکردگی دکھانے والے طلبہ میں انعامات تقسیم کیے گئے اور ملکِ پاکستان کی سلامتی، خوشحالی اور بلوچستان کی ترقی کے لیے خصوصی دعا کی گئی۔ تقریب کے شرکاء نے اس عزم کا اعادہ کیا کہ وہ وطنِ عزیز کی تعمیر و ترقی کے لیے کسی بھی قربانی سے دریغ نہیں کریں گے۔
خبر نامہ نمبر3267/2026
لورالائی 24مارچ:۔ملک بھر کی طرح لورالائی میں بھی یومِ پاکستان ملی جوش و جذبے کے ساتھ منایا گیا۔ اس سلسلے میں ڈی آئی جی آفس لورالائی میں ایک پُروقار تقریب کا انعقاد کیا گیا، جس میں ڈپٹی انسپکٹر جنرل آف پولیس لورالائی رینج جنید احمد شیخ نے بطور مہمانِ خصوصی شرکت کی۔تقریب میں ایس ایس پی لورالائی ڈاکٹر فہد احمد، ایس ڈی پی او کریم مندوخیل، افضل اتمان خیل (فرزند ایم پی اے حاجی طور)، پولیس افسران، جوانوں اور دیگر معززین نے بڑی تعداد میں شرکت کی۔ تقریب کا آغاز تلاوتِ کلامِ پاک سے ہوا، جس کے بعد قومی ترانہ پیش کیا گیا۔اس موقع پر پولیس کے چاق و چوبند دستے نے مہمانِ خصوصی کو سلامی پیش کی، جبکہ قومی پرچم لہرایا گیا۔ فضا پاکستان زندہ باد کے نعروں سے گونج اٹھی اور شرکاء نے وطنِ عزیز سے اپنی والہانہ محبت کا اظہار کیا۔اپنے خطاب میں ڈی آئی جی جنید احمد شیخ نے 23 مارچ 1940 کی تاریخی اہمیت پر روشنی ڈالتے ہوئے کہا کہ یہ دن برصغیر کے مسلمانوں کے لیے ایک واضح منزل کے تعین کا دن تھا، جس نے آگے چل کر پاکستان کے قیام کی بنیاد رکھی۔ انہوں نے کہا کہ آج کا دن ہمیں اس عہد کی تجدید کا موقع فراہم کرتا ہے کہ ہم قائداعظم کے سنہری اصولوں ”اتحاد، ایمان اور نظم و ضبط” پر عمل پیرا ہو کر ملک کو ترقی کی راہ پر گامزن کریں۔انہوں نے پولیس افسران اور جوانوں پر زور دیا کہ وہ عوام کی خدمت کو اپنا اولین فرض سمجھیں اور قانون کی بالادستی کو یقینی بنانے کے لیے ہر ممکن اقدامات کریں۔ ان کا کہنا تھا کہ امن و امان کا قیام، عوام کے جان و مال کا تحفظ اور انصاف کی فراہمی پولیس کی بنیادی ذمہ داریاں ہیں، جنہیں دیانتداری، فرض شناسی اور پیشہ ورانہ مہارت کے ساتھ انجام دینا ناگزیر ہے۔ڈی آئی جی لورالائی رینج نے مزید کہا کہ موجودہ حالات میں پولیس کا کردار پہلے سے کہیں زیادہ اہم ہو چکا ہے، اور ہر اہلکار کو چاہیے کہ وہ اپنی ذمہ داریوں کو احسن طریقے سے نبھاتے ہوئے عوام کا اعتماد بحال رکھے۔تقریب کے اختتام پر ملک کی سلامتی، استحکام اور ترقی کے لیے خصوصی دعا کی گئی، جبکہ شہدائے پاکستان کو خراجِ عقیدت پیش کیا گیا۔ شرکاء نے اس عزم کا اعادہ کیا کہ وہ ملک کی خدمت اور امن کے قیام کے لیے ہر ممکن کردار ادا کرتے رہیں گے۔
خبر نامہ نمبر3268/2026
لورالائی 24مارچ:۔یومِ پاکستان (23 مارچ) کے موقع پر یونیورسٹی آف لورالائی میں ایک پروقار اور شاندار پرچم کشائی کی تقریب کا انعقاد کیا گیا، جس میں حب الوطنی کے جذبے کو بھرپور انداز میں اجاگر کیا گیا۔تقریب کے مہمانِ خصوصی ڈائریکٹر یونیورسٹی آف لورالائی اسلم زیب تھے، جبکہ ان کے ہمراہ معزز شخصیات میں فرزندِ حاجی طور افضل اوتمانخیل اور ایس ڈی پی او کریم مندوخیل بھی شریک تھے۔ اس موقع پر یونیورسٹی کے اساتذہ، انتظامی عملہ اور دیگر اسٹاف کی بڑی تعداد نے شرکت کی۔تقریب کا آغاز تلاوتِ کلامِ پاک سے ہوا، جس کے بعد قومی ترانہ پیش کیا گیا۔ مہمانِ خصوصی نے قومی پرچم لہرایا، جس پر ش رکاء نے بھرپور جوش و خروش کے ساتھ سلامی پیش کی۔ اس دوران لورالائی پولیس کے چاق و چوبند دستے نے قومی پرچم کو باقاعدہ سلامی دی، جس نے تقریب کی شان کو مزید بڑھا دیا۔اپنے خطاب میں اسلم زیب نے یومِ پاکستان کی تاریخی اہمیت پر روشنی ڈالتے ہوئے کہا کہ 23 مارچ ہمیں اتحاد، ایمان اور تنظیم کے اصولوں پر کاربند رہنے کا درس دیتا ہے۔ انہوں نے طلبہ اور نوجوانوں پر زور دیا کہ وہ ملک کی ترقی اور خوشحالی میں اپنا مثبت کردار ادا کریں اور تعلیم کے میدان میں نمایاں کامیابیاں حاصل کریں۔تقریب کے اختتام پر ملک کی سلامتی، ترقی اور خوشحالی کے لیے خصوصی دعا کی گئی، جبکہ شہدائے پاکستان کی قربانیوں کو بھی خراجِ عقیدت پیش کیا گیا۔ شرکاء نے اس عزم کا اعادہ کیا کہ وہ وطنِ عزیز کی خدمت اور استحکام کے لیے ہر ممکن کوشش جاری رکھیں گے۔تقریب خوشگوار ماحول میں اختتام پذیر ہوئی، جس نے شرکاء میں حب الوطنی کا نیا جذبہ پیدا کر دیا۔
خبر نامہ نمبر3269/2026
لورالائی24مارچ:۔یومِ پاکستان کے موقع پر ڈپٹی کمشنر آفس لورالائی میں ایک پروقار اور باوقار پرچم کشائی کی تقریب کا انعقاد کیا گیا، جس میں سرکاری افسران، تاجروں اور معزز شہریوں کی بڑی تعداد نے شرکت کی۔تقریب کے مہمانِ خصوصی ایڈیشنل ڈپٹی کمشنر لورالائی نور علی کاکڑ اور ایس ایس پی لورالائی ڈاکٹر فہد احمد تھے، جنہوں نے قومی پرچم لہرایا۔ اس موقع پر اسسٹنٹ کمشنر میختر یحییٰ چرمئی، فرزند حاجی طور افضل اوتمانخیل، ضلعی افسران اور انجمن تاجران کے نمائندگان بھی موجود تھے۔تقریب کے دوران لورالائی پولیس کے چاق و چوبند دستے نے قومی پرچم کو سلامی پیش کی، جس سے تقریب کا ماحول حب الوطنی کے جذبے سے سرشار ہوگیا۔ شرکاء نے قومی ترانہ بھی پیش کیا اور پاکستان کی سالمیت، ترقی اور خوشحالی کے لیے خصوصی دعا کی گئی۔مہمانِ خصوصی نے اپنے خطاب میں یومِ پاکستان کی تاریخی اہمیت پر روشنی ڈالتے ہوئے کہا کہ 23 مارچ کا دن ہمیں اتحاد، ایمان اور تنظیم کے اصولوں پر کاربند رہنے کا درس دیتا ہے۔ انہوں نے اس عزم کا اعادہ کیا کہ ملک کی ترقی اور امن کے لیے ہر سطح پر مشترکہ کوششیں جاری رکھی جائیں گی۔تقریب کے اختتام پر ملکی سلامتی کے لیے خصوصی دعائیں کی گئیں اور شرکاء نے اس عہد کا اعادہ کیا کہ وہ پاکستان کی تعمیر و ترقی میں اپنا بھرپور کردار ادا کرتے رہیں گے۔
خبر نامہ نمبر3270/2026
لورالائی24مارچ:۔ غیر قانونی شکار کے خلاف کارروائی، 5 ملزمان گرفتار، 5 کونج برآمد
لورالائی میں غیر قانونی شکار کے خلاف تھانہ صدر پولیس اور محکمہ جنگلات کی مشترکہ کارروائی کے دوران پانچ افراد کو گرفتار کر لیا گیا، جبکہ ان کے قبضے سے پانچ عدد کونج/پرندے برآمد کر لئے گئے۔تفصیلات کے مطابق صوبائی حکومت کی جانب سے عائد شکار پر مکمل پابندی کی خلاف ورزی پر یہ کارروائی عمل میں لائی گئی۔ پولیس حکام کے مطابق گرفتار ملزمان کونج کے غیر قانونی شکار میں ملوث تھے، جن کے خلاف متعلقہ دفعات کے تحت مقدمہ درج کر کے قانونی کارروائی کا آغاز کر دیا گیا ہے۔حکام کا کہنا ہے کہ علاقے میں غیر قانونی شکار کی روک تھام کے لیے مزید سخت اقدامات جاری رکھے جائیں گے، جبکہ نگرانی کے عمل کو بھی مؤثر بنایا جا رہا ہے۔ڈویژنل فارسٹ آفیسر نے اس حوالے سے بتایا کہ سیکرٹری جنگلات و وائلڈ لائف عمران گچگی کی ہدایات پر صوبہ بھر میں شکار پر مکمل پابندی عائد ہے۔ انہوں نے واضح کیا کہ پابندی کی خلاف ورزی کرنے والوں کے خلاف بلا امتیاز سخت قانونی کارروائی عمل میں لائی جائے گی۔
خبر نامہ نمبر3271/2026
شیرانی 24مارچ:۔یومِ پاکستان کے موقع پر ضلعی ہیڈ کوارٹر شیرانی ٹاؤن ستنو راغہ میں ایک پروقار اور شاندار تقریب کا انعقاد کیا گیا، جس میں مختلف شعبہ ہائے زندگی سے تعلق رکھنے والے افراد نے بھرپور شرکت کی۔ تقریب کے مہمانِ خصوصی ڈپٹی کمشنر شیرانی حضرت ولی کاکڑ تھے۔تقریب کے آغاز سے قبل ڈپٹی کمشنر شیرانی حضرت ولی کاکڑ کی قیادت میں ایک شاندار ریلی نکالی گئی، جس میں قومی جذبے، حب الوطنی اور یومِ پاکستان سے والہانہ وابستگی کا بھرپور اظہار کیا گیا۔ بعد ازاں ڈپٹی کمشنر نے قومی پرچم کشائی کی، جبکہ اس موقع پر پولیس کے چاک و چوبند دستے نے سلامی پیش کر کے تقریب کو مزید باوقار بنا دیا۔ اس پروقار تقریب میں تمام سرکاری محکموں کے افسران، اہلکاران، قبائلی عمائدین، اساتذہ کرام، طلباء اور مختلف طبقہ ہائے فکر سے تعلق رکھنے والے افراد نے بڑی تعداد میں شرکت کی۔ تقریب کے اسٹیج سیکرٹری کے فرائض عبدالوہاب شیرانی نے نہایت خوش اسلوبی اور احسن انداز میں سرانجام دیے۔ یومِ پاکستان کی تاریخی، قومی اور نظریاتی اہمیت کو اجاگر کرنے کے لیے مختلف تعلیمی اداروں کے طلباء نے نہایت پرجوش اور ولولہ انگیز تقاریر پیش کیں، جنہیں حاضرین نے بے حد سراہا۔ مقررین نے قیامِ پاکستان کے عظیم مقاصد، اسلاف کی قربانیوں اور وطنِ عزیز کے استحکام و ترقی کے لیے اتحاد، ایمان اور نظم و ضبط کی اہمیت پر روشنی ڈالی۔ تقاریر میں نمایاں پوزیشن حاصل کرنے والے طلباء میں انعامات بھی تقسیم کیے گئے منعقدہ تقریب سے خطاب کرتے ہوئے ڈپٹی کمشنر شیرانی حضرت ولی کاکڑ نے کہا کہ 23 مارچ یومِ پاکستان کی تاریخی اہمیت پوری پاکستانی قوم کے لیے فخر، وقار اور اعزاز کا باعث ہے۔ انہوں نے کہا کہ یہ دن ہمیں برصغیر کے مسلمانوں کی جدوجہد، قربانیوں اور عزمِ صمیم کی یاد دلاتا ہے، جن کی بدولت ہمیں ایک آزاد وطن نصیب ہوا۔ انہوں نے مزید کہا کہ اس عظیم دن کی قدر کرنا، اس کے تقاضوں کو سمجھنا اور قومی یکجہتی، اتحاد اور حب الوطنی کے جذبے کو فروغ دینا ہم سب کا قومی اور ایمانی فریضہ ہے۔ تقریب کے اختتام پر ملک کی سلامتی، ترقی، خوشحالی، امن اور استحکام کے لیے خصوصی دعائیں بھی مانگی گئیں۔
خبر نامہ نمبر3272/2026
لورالائی 24مارچ:۔ پاکستان مسلم لیگ کے صوبائی رہنما و رکن صوبائی اسمبلی حاجی محمد خان طور اوتمانخیل نے عیدالفطر کے پُرمسرت موقع پر اپنے حلقہ انتخاب میں عوام کے ساتھ بھرپور انداز میں عید کی خوشیاں منائیں۔تفصیلات کے مطابق عید کے موقع پر مختلف علاقوں سے تعلق رکھنے والے شہریوں کی بڑی تعداد نے ان کی رہائش گاہ اور عید ملن مقامات پر حاضری دی، جہاں انہوں نے حاجی محمد خان طور اوتمانخیل سے ملاقات کر کے عید کی مبارکباد پیش کی۔ اس موقع پر رہنما مسلم لیگ نے بھی عوام سے پرتپاک انداز میں گلے مل کر عید کی خوشیاں بانٹیں اور نیک خواہشات کا اظہار کیا۔عید کے اس پُرخلوص اور خوشگوار ماحول نے علاقے میں بھائی چارے، محبت اور یگانگت کی فضا کو مزید فروغ دیا۔ عوامی حلقوں نے اس موقع پر اپنے مسائل سے بھی انہیں آگاہ کیا، جس پر انہوں نے فوری توجہ دینے کی یقین دہانی کروائی۔میڈیا سے گفتگو کرتے ہوئے حاجی محمد خان طور اوتمانخیل کا کہنا تھا کہ عیدالفطر ہمیں اخوت، رواداری، محبت اور اتحاد کا درس دیتی ہے، اور ان اقدار کو ہمیں اپنی عملی زندگی میں اپنانا چاہیے۔ انہوں نے کہا کہ عوام کے ساتھ براہِ راست رابطہ رکھنا اور ان کے مسائل کو سننا ان کی سیاسی ذمہ داری کا اہم حصہ ہے۔انہوں نے مزید کہا کہ اپنے حلقے کی ترقی، خوشحالی اور بنیادی سہولیات کی فراہمی ان کی اولین ترجیحات میں شامل ہے، اور اس سلسلے میں جاری ترقیاتی منصوبوں کو مزید تیز کیا جائے گا۔ ان کا کہنا تھا کہ سڑکوں کی تعمیر، پینے کے صاف پانی کی فراہمی اور تعلیم و صحت کے شعبوں میں بہتری کے لیے عملی اقدامات جاری ہیں۔اس موقع پر پارٹی کارکنان اور عمائدینِ علاقہ نے بھی شرکت کی اور پارٹی قیادت پر اپنے اعتماد کا اظہار کیا۔ شرکاء نے اس عزم کا اعادہ کیا کہ علاقے کی ترقی کے لیے اجتماعی کوششیں جاری رکھی جائیں گی۔آخر میں حاجی محمد خان طور اوتمانخیل نے تمام اہلِ علاقہ اور پوری قوم کو عیدالفطر کی دلی مبارکباد پیش کرتے ہوئے دعا کی کہ اللہ تعالیٰ اس بابرکت موقع کو ہم سب کے لیے امن، خوشحالی اور ترقی کا ذریعہ بنائے اور ملک پاکستان کو استحکام عطا فرمائے۔
خبر نامہ نمبر3273/2026
پنجگور 24 مارچ: ڈائریکٹر کالجز و ہائر ایجوکیشن بلوچستان، پروفیسر محمد حسین بلوچ نے گورنمنٹ گرلز انٹر کالج تسپ پنجگور کا سرکاری دورہ کیا۔دورے کے دوران انہوں نے کالج کے تمام اہم شعبہ جات کا تفصیلی معائنہ کیا جن میں کلاس رومز، لیبارٹریز اور انتظامی دفاتر شامل تھے۔ اس موقع پر انہوں نے تعلیمی ماحول اور ادارے کی مجموعی کارکردگی کا بھی جائزہ لیا۔معائنہ کے دوران ڈائریکٹر نے بعض ضروری سہولیات کی کمی کی نشاندہی کی اور کالج انتظامیہ کو یقین دہانی کرائی کہ ان ضروریات کو ترجیحی بنیادوں پر پورا کیا جائے گا تاکہ ادارے کی کارکردگی کو مزید بہتر بنایا جا سکے۔انہوں نے محدود وسائل کے باوجود کالج انتظامیہ کی جانب سے ادارے کو مؤثر انداز میں چلانے کی کوششوں کو سراہا۔دورے کے اختتام پر کالج کے پرنسپل پروفیسر مشتاق احمد گچکی نے ڈائریکٹر کا دورہ کرنے، رہنمائی فراہم کرنے اور تعاون پر شکریہ ادا کیا۔
انتقال پر ملال
کوئٹہ 24مارچ:۔مرزا مسعود احمد (ریٹائرڈ انجینئر بی ڈی اے)کی اہلیہ طویل علالت کے بعد 30 رمضان المبارک بروز جمعۃ الوداع، راولپنڈی میں انتقال کر گئیں۔ مرحومہ کی تدفین راولپنڈی ڈی ایچ اے قبرستان میں کر دی گئی۔مرحومہ، ایڈووکیٹ مرزا احسان الحق مرحوم کی بہو، مرزا لقمان مسعود ایڈووکیٹ، مرزا سلیمان مسعود، میجر عدنان مسعود کی والدہ، مرزا ہمایوں (عسکری بینک) اور عظمت اللہ درانی کی خوش دامن، میجر مرزا مقبول احمد مرحوم، مرزا محمود محبوب احمد، مرزا محمود احمد (ریٹائرڈ ڈپٹی کمشنر) اور مرزا منصور احمد (ریٹائرڈ پروفیسر) کی بھابھی،پروفیسر مرزا نیاز مرحوم، محسن مرزا (ریٹائرڈ محکمہ ایریگیشن) اور مرزا مراد مرحوم (الائیڈ بینک) کی ہمشیرہ تھیں۔مرحومہ کی فاتحہ خوانی 25 مارچ کو صبح 10 بجے سے 27مارچ تک جامع مسجد عمر فاروق ریلوے نزد سول سیکرٹریٹ میں ادا کی جائے گی احباب سے شرکت کی استدعاہے۔
خبر نامہ نمبر 2026/3274
کوئٹہ 24 مارچ:۔صوبائی مشیر ماحولیات و موسمیاتی تبدیلی نسیم الرحمن خان ملاخیل نے کہا ہے کہ پاکستان کا عالمی سطح پر امن کے فروغ میں کردار نہایت قابلِ فخر اور قابلِ تحسین ہے۔ انہوں نے کہا کہ حالیہ پیش رفت پاکستان کی متوازن خارجہ پالیسی، مؤثر سفارتی حکمتِ عملی اور خطے میں دیرپا امن و استحکام کے لیے اس کے غیر متزلزل عزم کی واضح مظہر ہے۔انہوں نے کہا کہ پاکستان نے ہمیشہ عالمی اور علاقائی تنازعات کے حل کے لیے مثبت، تعمیری اور ذمہ دارانہ کردار ادا کیا ہے، جو اس کی سفارتی بصیرت اور امن پسندی کا عکاس ہے۔صوبائی مشیر نے اس اہم کامیابی پر وزیرِ اعظم پاکستان میاں شہباز شریف اور چیف آف آرمی اسٹاف فیلڈ مارشل سید عاصم منیر کی قیادت کو خراجِ تحسین پیش کرتے ہوئے کہا کہ ان کی دانشمندانہ قیادت اور بروقت اقدامات کے باعث پاکستان عالمی سطح پر ایک مؤثر ثالث کے طور پر ابھر رہا ہے۔نسیم الرحمن خان ملا خیل نے مزید کہا کہ ان مذاکرات کی کامیابی سے نہ صرف خطے میں کشیدگی میں کمی آئے گی بلکہ عالمی برادری میں پاکستان کا مثبت تشخص مزید مستحکم ہوگا۔ انہوں نے اس امید کا اظہار کیا کہ پاکستان آئندہ بھی امن، استحکام اور مثبت مکالمے کے فروغ میں اپنا فعال کردار جاری رکھے گا اور ایک ذمہ دار ریاست کے طور پر دنیا میں اپنی پہچان مزید مضبوط بنائے گا۔
خبرنامہ نمبر3275/2026
کراچی، 24 مارچ:وزیر اعلیٰ بلوچستان میر سرفراز بگٹی نے صوبائی وزراء اور رفقاء کے ہمراہ پاکستان پیپلزپارٹی کی سینئر مرکزی رہنما سینیٹر شیری رحمان کی رہائشگاہ پر جا کر ان سے ان کی بیٹی کے انتقال پر دلی تعزیت کا اظہار کیا وزیر اعلیٰ بلوچستان نے اس افسوسناک سانحے پر گہرے دکھ اور رنج کا اظہار کرتے ہوئے سوگوار خاندان کے ساتھ مکمل یکجہتی کا اظہار کیا۔ انہوں نے کہا کہ ماں کے لیے اولاد کا غم ناقابلِ تلافی صدمہ ہوتا ہے اور اس دکھ کی شدت کا اندازہ لگانا بھی مشکل ہے اس موقع پر مرحومہ ماروی خورشید ملک کے ایصالِ ثواب کے لیے فاتحہ خوانی کی گئی اور اللہ تعالیٰ سے دعا کی گئی کہ وہ مرحومہ کو اپنی جوارِ رحمت میں اعلیٰ مقام عطا فرمائے اور پسماندگان کو صبرِ جمیل نصیب کرے وزیر اعلیٰ میر سرفراز بگٹی نے کہا کہ غم کی اس گھڑی میں حکومت بلوچستان اور پوری صوبائی قیادت سوگوار خاندان کے دکھ میں برابر کی شریک ہے اور ان کے ساتھ مکمل ہمدردی کا اظہار کرتی ہے۔ انہوں نے دعا کی کہ اللہ تعالیٰ مرحومہ کے درجات بلند فرمائے اور اہلِ خانہ کو یہ صدمہ برداشت کرنے کی ہمت عطا کرے۔
خبرنامہ نمبر3276/2026
کراچی، 24 مارچ:وزیر اعلیٰ بلوچستان میر سرفراز بگٹی کراچی میں سابق وزیر مملکت اور بزرگ سیاستدان میر نصیر مینگل کی رہائش گاہ گئے اور ان کی عیادت کی۔ اس موقع پر وزیر اعلیٰ نے میر نصیر مینگل کی خیریت دریافت کی اور ان کی صحت یابی کے لیے نیک تمناؤں کا اظہار کیا وزیر اعلیٰ بلوچستان نے کہا کہ میر نصیر مینگل بلوچستان کی سیاست میں ایک معتبر اور تجربہ کار شخصیت ہیں جن کی خدمات قابلِ قدر ہیں۔ انہوں نے دعا کی کہ اللہ تعالیٰ انہیں جلد صحت کاملہ عطا فرمائے تاکہ وہ دوبارہ بھرپور انداز میں عوامی خدمت کا سلسلہ جاری رکھ سکیں اس موقع پر پاکستان پیپلزپارٹی کے رہنما اور قومی اسمبلی کے حلقہ این اے 256 خضدار سے امیدوار میر شفیق الرحمان مینگل بھی موجود تھے۔ ملاقات کے دوران باہمی دلچسپی کے امور اور مجموعی سیاسی صورتحال پر بھی تبادلہ خیال کیا گیا۔
خبرنامہ نمبر 3277/2026
لورالائی 24مارچ:ضلع لورالائی میں عوامی مسائل کے حل اور فلاحی اقدامات کے فروغ کے لیے ایک اعلیٰ سطحی وفد نے نئے تعینات ڈپٹی کمشنر حسیب شجاع سے خصوصی ملاقات کی۔ ملاقات خوشگوار اور تعمیری ماحول میں منعقد ہوئی جس میں ضلع کو درپیش اہم انتظامی و ترقیاتی امور پر تفصیلی تبادلہ خیال کیا گیا۔وفد کی قیادت ضلع کے معروف عوامی رہنما و رکن صوبائی اسمبلی حاجی محمد خان طور اوتمانخیل نے کی۔ وفد میں چیئرمین ڈسٹرکٹ کونسل اصغر خان اوتمانخیل، چیئرمین میونسپل کمیٹی لورالائی طاہر خان ناصر، سردار عبدالناصر جوگیزئی، عبید اللہ اوتمانخیل اور ٹھیکیدار بختیار کبزئی سمیت دیگر اہم سیاسی و سماجی شخصیات شامل تھیں۔ملاقات میں ضلع لورالائی کو درپیش دیرینہ مسائل، بالخصوص پینے کے صاف پانی کی فراہمی، صحت و تعلیم کی سہولیات، سڑکوں کی خستہ حالی، صفائی کے نظام اور امن و امان کی صورتحال پر تفصیلی گفتگو کی گئی۔ اس موقع پر ایم پی اے حاجی محمد خان اور دیگر نمائندوں نے اس بات پر زور دیا کہ منتخب نمائندوں اور ضلعی انتظامیہ کے درمیان مؤثر رابطہ اور ہم آہنگی کے ذریعے ہی مسائل کا پائیدار حل ممکن ہے اور لورالائی کو ایک مثالی ضلع بنایا جا سکتا ہے۔ڈپٹی کمشنر حسیب شجاع نے وفد کی جانب سے پیش کی گئی تجاویز کو سراہتے ہوئے یقین دہانی کرائی کہ عوامی مسائل کا حل ان کی اولین ترجیح ہے۔ انہوں نے کہا کہ ضلعی انتظامیہ عوام کو بنیادی سہولیات کی فراہمی کے لیے تمام دستیاب وسائل بروئے کار لائے گی اور ترقیاتی منصوبوں میں شفافیت کو یقینی بنایا جائے گا۔مزید برآں، ڈپٹی کمشنر نے اعلان کیا کہ جلد ہی ضلع بھر میں صفائی مہم، انسداد تجاوزات آپریشن اور سرکاری اداروں کی کارکردگی بہتر بنانے کے لیے خصوصی اقدامات کا آغاز کیا جائے گا۔ انہوں نے تعلیم و صحت کے شعبوں میں بہتری کے لیے متعلقہ محکموں کو ہدایات جاری کرنے کا بھی عندیہ دیا۔اسکے علاوہ ضلعی سطح پر مشترکہ ورکنگ گروپ تشکیل دینے کی تجویز بھی زیر غور آئی ہے، جس میں منتخب نمائندے اور انتظامی افسران مل کر ترقیاتی منصوبوں کی نگرانی اور عوامی شکایات کے فوری ازالے کو یقینی بنائیں گے۔شہری حلقوں نے اس ملاقات کو خوش آئند قرار دیتے ہوئے امید ظاہر کی ہے کہ اس کے مثبت نتائج سامنے آئیں گے اور ضلع لورالائی میں ترقی اور خوشحالی کے ایک نئے دور کا آغاز ہوگا۔
خبرنامہ نمبر 3278/2026
لورالائی۔24,مارچ:ضلع لورالائی بھر کے مسائل کے حل اور عوامی فلاح و بہبود کے لئے ایک اعلیٰ سطحی وفد نے نئے تعینات ڈپٹی کمشنر حسیب شجاع سے خصوصی ملاقات کی۔اس اہم ملاقات کی قیادت حلقے کے عوامی رہنما ایم پی اے حاجی محمد خان طور اوتمانخیل نے کی۔ وفد میں ضلع کی اہم سیاسی و سماجی شخصیات جن میں اصغر خان اوتمانخیل (چیئرمین ڈسٹرکٹ کونسل) طاہر خان ناصر (چیئرمین میونسپل کمیٹی، سردار عبدالناصر جوگیزئی، عبید اللہ اوتمانخیل اورٹھیکیدار بختیار کبزئی شامل تھے۔ملاقات کے دوران نہایت خوشگوار ماحول میں ضلع کو درپیش دیرینہ مسائل اور انتظامی امور پر تفصیلی تبادلہ خیال کیا گیا۔ایم پی اے حاجی محمد خان طور اوتمانخیل اور ضلعی چیئرمینوں نے اس بات پر زور دیا کہ انتظامیہ اور منتخب نمائندوں کے درمیان بہتر کوآرڈینیشن ہی سے ضلع لورالائی کو ایک مثالی ضلع بنایا جا سکتا ہے ڈپٹی کمشنر حسیب شجاع نے وفد کی تجاویز کا خیر مقدم کیا اور یقین دلایا کہ عوامی مسائل کا حل ان کی اولین ترجیح رہے گی صوبائی حکومت کی ترجیحات کو مدنظر رکھا جائے گا اور مل جل کر ایک ٹیم کی صورت میں کام کیا جائے گا۔
