خبرنامہ نمبر 980/2025
کوئٹہ، 09 فروری
وزیر اعلیٰ بلوچستان میر سرفراز بگٹی نے خضدار سے اغوا ہونے والی خاتون کی بازیابی پر اطمینان کا اظہار کرتے ہوئے قانون نافذ کرنے والے اداروں کی کوششوں کو سراہا ہے انہوں نے لیویز، پولیس، ضلعی انتظامیہ اور معاونت کار اداروں کو خاتون کی بازیابی کیلئے کامیاب کارروائی پر شاباش دی ہے وزیر اعلیٰ بلوچستان میر سرفراز بگٹی نے کہا کہ اغواء ہونے والی خاتون کی بازیابی سے انصاف اور قانون کی بالادستی کی صورت میں حکومت پر عوام کا اعتماد بحال رہا ہے انہوں نے قانون کی حکمرانی کی اہمیت کو اجاگر کرتے ہوئے اس بات پر زور دیا کہ عوام کو انصاف فراہم کرنے میں حکومت کا عزم مضبوط ہے وزیر اعلیٰ بلوچستان میر سرفراز بگٹی نے قانون نافذ کرنے والے اداروں کی بروقت کارروائی کو سراہا جس کے نتیجے میں اغوا کی واردات کا حل نکالا گیا انہوں نے کہا کہ واقعہ کی تمام پہلوؤں سے تحقیقات جاری ہیں اور متاثرہ خاندان کو انصاف ضرور ملے گاوزیر اعلیٰ بلوچستان میر سرفراز بگٹی نے کہا کہ “پہلے بھی کہا، اب بھی کہتا ہوں، ریاست مظلوم کے ساتھ کھڑی تھی اور کھڑی رہے گی۔
خبرنامہ نمبر 981/2025
کوئٹہ، 09 فروری:وزیر اعلیٰ بلوچستان میر سرفراز بگٹی نے خضدار سے اغوا ہونے والی خاتون کی بازیابی پر اطمینان کا اظہار کرتے ہوئے قانون نافذ کرنے والے اداروں کی کوششوں کو سراہا ہے انہوں نے لیویز، پولیس، ضلعی انتظامیہ اور معاونت کار اداروں کو خاتون کی بازیابی کیلئے کامیاب کارروائی پر شاباش دی ہے وزیر اعلیٰ بلوچستان میر سرفراز بگٹی نے کہا کہ اغواء ہونے والی خاتون کی بازیابی سے انصاف اور قانون کی بالادستی کی صورت میں حکومت پر عوام کا اعتماد بحال رہا ہے انہوں نے قانون کی حکمرانی کی اہمیت کو اجاگر کرتے ہوئے اس بات پر زور دیا کہ عوام کو انصاف فراہم کرنے میں حکومت کا عزم مضبوط ہے وزیر اعلیٰ بلوچستان میر سرفراز بگٹی نے قانون نافذ کرنے والے اداروں کی بروقت کارروائی کو سراہا جس کے نتیجے میں اغوا کی واردات کا حل نکالا گیا انہوں نے کہا کہ واقعہ کی تمام پہلوؤں سے تحقیقات جاری ہیں اور متاثرہ خاندان کو انصاف ضرور ملے گاوزیر اعلیٰ بلوچستان میر سرفراز بگٹی نے کہا کہ ”پہلے بھی کہا، اب بھی کہتا ہوں، ریاست مظلوم کے ساتھ کھڑی تھی اور کھڑی رہے گی۔”
خبرنامہ نمبر 982/2025
نصیرآباد9فروری:سپرنٹنڈنگ انجینئر ایریگیشن سرکل نصیرآباد ڈویژن غلام سرور بنگلزئی نے کہا ہے کہ استامحمد کی عوام کو آبنوشی کی فراہمی کے لیے ایریگیشن اپنا مثبت کردار ادا کر رہا ہے اس وقت شہر سے گزرنے والی خانپور کینال میں پانی وافر مقدار میں موجود ہے لوگوں کی مشکلات کو مدنظر رکھ کر محکمہ ایریگیشن کے انجینئرز اور عملہ سرگرم عمل ہیں۔ ان خیالات کا اظہار انہوں نے استا محمد سٹی کو پانی کی فراہمی کے حوالے سے کینالز کے جائزے کے موقع پر بات چیت کرتے ہوئے کیا ایس ای ایریگیشن غلام سرور بنگلزئی نے کہا کہ صوبائی وزیر ایریگیشن میر محمد صادق عمرانی صوبائی سیکرٹری ایریگیشن حافظ عبدالماجد کمشنر نصیرآباد ڈویژن معین الرحمن خان اور چیف انجینیئر کینالز ناصر مجید کی ہدایت کی روشنی میں استامحمد سٹی کی عوام کی مشکلات کو مدنظر رکھ کر اقدامات کیے گئے ہیں تاکہ لوگوں کو آبنوشی کی فراہمی جاری رکھی جائے اس حوالے سے محکمہ ایریگیشن محکمہ پبلک ہیلتھ انجینئرنگ کے ساتھ عوام کے مفاد میں تعاون کو یقینی بنا رہا ہے اس کے علاوہ کیرتھرکینال کی دیگر تمام ذیلی شاخوں میں بھی پانی کی دستیابی کا عمل جاری ہے اس حوالے سے ایگزیکٹو انجینئر کیر تھر کینال کو سختی کے ساتھ ہدایات دی گئی ہیں کہ وہ بہتر معنوں میں اپنی فرائض منصبی سرانجام دیں اور لوگوں کو جو مشکلات درپیش ہیں ان کے لیے فوری طور پر اقدامات کریں تاکہ محکمے کی کارگردگی میں مزید بہتری آ سکے اس حوالے سے محکمہ ایریگیشن کے تمام عملہ کو بھی ہدایت دی گئی ہیں انشاء اللہ ہماری بھرپور کوشش رہے گی کہ مفاد عامہ میں مزید بہتری لائی جائے ہمارے ان اقدامات سے لوگوں مستفید ہوں گے اور اس کے دور رس نتائج برآمد ہوں گے ہماری بھرپور کوشش ہے کہ اس مرتبہ ربی سیزن کی جو بمپر کرافٹ فصل تیار ہو رہی ہے اسے کسی قسم کا نقصانی عمل نہ پہنچے کیونکہ یہاں کے لوگوں کا زیادہ تر گذر بسر ذراعت سے ہی وابستہ ہے ہم نہیں چاہتے کہ لوگوں کو مالی مشکلات سے نبرد آزما ہونا پڑے کیرتھر کینال میں زرعی پانی کے متعلق سندھ ایریگیشن سے متواتر رابطے میں ہیں ہماری بھرپور کوشش ہے کہ اپنے جائز حصے کے پانی کے حصول کو ہر صورت یقینی بنایا جا سکے اس سلسلے میں ایریگیشن ڈیپارٹمنٹ کے صوبائی وزیر میر محمد صادق عمرانی نے وفاقی دارالحکومت میں سندھ ایریگیشن کے اعلی حکام سے بھی ملاقات کر کے صوبہ بلوچستان کے پانی کی فراہمی کے حوالے سے اپنے خدشات ان کے سامنے رکھے ہیں۔
خبرنامہ نمبر 983/2025
استامحمد9فروری:13واں سندھ بلوچستان سردار رستم خان جمالی اور سردار ناصر خان جمالی ٹورنامنٹ پی سی بی اسٹیڈیم استامحمد میں منعقد کیا گیا تقریب میں صوبائی وزیر لائیو سٹاک سردارزاد فیصل خان جمالی نے بطور مہمان خصوصی شرکت کی جبکہ دیگر مہمانوں میں ڈپٹی کمشنر استامحمد ارشد حسین جمالی سابق وزیر داخلہ زبیر خان جمالی، میئر میونسپل کارپوریشن میر مظفر خان جمالی، ڈسٹرکٹ چیئرمین سالار خان سمیت اسسٹنٹ کمشنر استامحمد محمد رمضان اشتیاق نے بھی شرکت کی۔ دادو اور کوئٹہ کی ٹیموں کے درمیان فائنل میچ میں ونر رنر میں ٹرافیاں اور نقد انعام تقسیم کئے تقریب سے خطاب کرتے ہوئے صوبائی وزیر لائیو سٹاک سردار زادہ فیصل خان جمالی اور ڈپٹی کمشنر ارشد حسین جمالی نے کہا کہ استا محمد نوجوانوں کی جانب سے کھیلوں کے مقابلوں میں زیادہ حصہ لینا بہترین عمل کی نشانیاں ہے ضلع انتظامیہ اور صوبائی انتظامیہ کی یہی کوشش رہے گی کہ یہاں کے کھلاڑیوں کو زیادہ سے زیادہ مواقع فراہم کیے جائیں تاکہ وہ کھیلوں کی سرگرمیوں کی جانب راغب ہوں اور منفی سرگرمیوں کے عمل سے اجتناب کریں ہمیں صحت مند معاشرے کی تشکیل کے لیے اپنا کردار ادا کرنا ہوگا تاکہ نوجوان نسل میں صحت مندانہ سرگرمیوں کی فراہمی کو جاری رکھا جا سکے یہ عمل نوجوانوں کے بہتر مستقبل کو سنوارنے میں سود مند ثابت ہوگا۔
خبرنامہ نمبر 984/2025
حب 9 فروری۔ صوبائی مشیر ماحولیات و موسمیاتی تبدیلی بلوچستان نسیم الرحمان خان ملاخیل نے لسبیلہ و حب کا دورہ کیا۔ اس موقع پر انہوں نے مختلف فیکٹریز اور پلانٹ کا معائنہ کیا اور ماحولیاتی قوانین کی خلاف ورزی کرنے اور ماحولیاتی آلودگی پھیلانے والی فیکٹریز و پلانٹ کے مالکان پربرہمی کا اظہار کرتے ہوئے انہیں تنبیہ کی کہ وہ ماحولیاتی قوانین پر سختی سے عمل کریں انہوں نے کہا کہ کسی بھی فیکٹری یا پلانٹ مالکان کو ہرگز یہ اجازت نہیں دی جائے گی کہ وہ ماحولیاتی آلودگی کا باعث بنیں جس سے رہائشی علاقے متاثر ہوں اور علاقے کے عوام صحت اور زندگی متاثر ہو صوبائی مشیر نے تمام فیکٹریز مالکان کو سختی سے ہدایت کی کہ اپنی فیکٹریز اور پلانٹ کے دھوئیں، کیمیکل کے اخراج کے نظام کو ماحولیاتی قوانین کے مطابق بہتر بنائیں تاکہ شہر کے ماحول پر کوئی منفی اثر نہ پڑے قوانین کی پاسداری نہ کرنے والوں کے خلاف سخت سے سخت کاروائی کرتے ہوئے ان کی فیکٹریز سیل اور بھاری جرمانہ عائد کئے جائیں گے۔انہوں نے کہا کہ وزیراعظم پاکستان میاں نواز شہباز شریف اور وزیراعلیٰ بکوچستان میر سرفراز بگٹی کی بھی موسمیاتی تبدیلی اور ماحولیاتی حوالے سے سخت احکامات ہیں۔اس موقع پر علاقے کے عوام نے صوبائی مشیر نسیم الرحمان ملاخیل کے دورہ حب و لسبیلہ کو سراہتے ہوئے عوام نے انہیں مسائل سے آگا ہ کیا صوبائی مشیر نے انہیں اپنے اور اپنے محکمہ کی جانب سے ہر ممکن تعاون کی یقین دہانی کراتے ہوئے کہا کہ خدارا اپنے بچوں کے محفوظ مستقبل کی خاطر ماحولیاتی آلودگی کے پیش نظر ہونے والے خطرات سے نمٹنے کے لئے یونائیٹڈ نیشن ایجنڈا 2030 کے تحت پائیدار ترقی کے اہداف کے لئے آج ہی سے اپنے ارد گرد کے ماحول کو صاف ستھرا رکھنے کے لئے عملی اقدامات کریں اور ہر شہری اپنے گھروں اور گلی محلوں میں کم سے کم ایک درخت ضرور لگائے جس سے صدقے جاریہ بھی ہوگا اور گرمی کی شدت کو کنٹرول کرنے کے ساتھ ساتھ ماحول کے خوشگوار بنانے میں معاون ثابت ہوگا انہوں نے اہل علاقہ سے کہا کہ ماحولیاتی آلودگی پھیلانے والے یا ماحولیاتی قوانین کی خلاف ورزی کرنے والے پلانٹ فیکٹری، ادارے کی محکمہ ماحولیات کے عملے کو نشاندہی کریں اور اپنی شکایات درج کرا کرذمہ دار شہری ہونے کا ثبوت دیں اور صوبے بھر کے ماحولیاتی نظام کو بہتر کرنے میں محکمہ ماحولیات کا ساتھ دیں تاکہ ایسی فیکٹری یا کارخانوں کے خلاف بروقت کاروائی عمل میں لائی جاسکے۔
خبرنامہ نمبر 985/2025
گوادر:ڈائریکٹر جنرل گوادر ڈویلپمنٹ اتھارٹی شفقت انور شاہوانی کی ہدایت پر گوادر ڈویلپمنٹ اتھارٹی کے زیر اہتمام موسمیاتی تبدیلیوں، سمندر کی سطح میں اضافے، زیرِ زمین پانی کی سطح میں تغیر اور پائیدار منصوبہ بندی پر تین روزہ ورکشاپ آج اختتام پذیر ہوا۔ ورکشاپ کے دوران ماہرین نے موسمیاتی تبدیلیوں کے اثرات اور ان سے نمٹنے کے لیے مختلف عملی تدابیر پر روشنی ڈالی اور اس بابت فوری اقدامات کو ناگزیر قرار دیا گوادر کے مستقبل کی بقا کے لیے تمام اسٹیک ہولڈرز کو مشترکہ کردار ادا کرنے پر زور دی، ورکشاپ کے ایک حصے کے طور پر شرکاء کو فیلڈ ٹرپ کے ذریعے شہر کے متاثرہ علاقوں، وٹلینڈز اور نکاسی آب کے مسائل کا مشاہدہ کرایا گیا، جہاں انہیں موسمیاتی چیلنجز کو براہِ راست سمجھنے کا موقع ملا۔ ماہرین نے گوادر کے ماحولیاتی مسائل کے ممکنہ حل پر بھی تبادلہ خیال کیا۔ اختتامی تقریب میں سپرنٹنڈنٹ انجینئر جی ڈی اے نادر بلوچ، پرنسپل جی ڈی اے ہائیر سیکنڈری اسکول راجہ امتیاز حسین، ماہر ماحولیات و کلائمیٹ چینج ڈاکٹر پزیر احمد، ڈپٹی ڈائریکٹر ماحولیات عبد الرحیم بلوچ، ڈپٹی ڈائریکٹر ایچ آر ایم نظر محمد اور دیگر معززین نے شرکت کی۔ اس موقع پر شرکاء میں اسناد تقسیم کی گئیں، اور جی ڈی اے کی جانب سے موسمیاتی تبدیلیوں سے متعلق تحقیقی و عملی اقدامات جاری رکھنے کے عزم کا اعادہ کیا گیا۔ یہ ورکشاپ گوادر کی پائیدار ترقی کے لیے ایک اہم سنگِ میل ثابت ہوگی، جس میں حاصل شدہ معلومات کو عملی اقدامات میں ڈھالنے پر زور دیا گیا۔ تین روزہ ورکشاپ میں یونیورسٹی آف گوادر، جی ڈی اے ہائیر سیکنڈری اسکول، گرلز ڈگری کالج سمیت مختلف تعلیمی اداروں کے طلبہ و اساتذہ نے شرکت کی۔ قبل ازیں، جی ڈی اے نے ماحولیاتی تبدیلیوں کے اثرات اور پائیدار منصوبہ بندی کی بہتری کے لیے این ای ڈی یونیورسٹی کراچی کے ماہرین کو گوادر مدعو کیا تھا تاکہ شہر کی موسمیاتی صورتحال اور ممکنہ حل کا تفصیلی جائزہ لیا جا سکے۔
خبرنامہ نمبر 986/2025
لورالائی 9فروری:کمشنر لورالائی ڈویژن سعادت حسن نے تحصیل میختر کا دورہ کیا انہوں نے اسسٹنٹ کمشنر میختر کے زیر تعمیر دفتر اور رہائش گاہ کا معائنہ کیا کمشنر نے زیر تعمیر منصوبوں کا بغور جائزہ لیا۔ اس موقع پر اسسٹنٹ کمشنر میختر یحییٰ خان کاکڑ، ایکسین بلڈنگ سی اینڈ ڈبلیو احمد دین اور دیگر متعلقہ آ فسران بھی موجود تھے۔ کمشنر سعادت حسن نے اس موقع پر کہا کہ موجودہ حکومت جاری ترقیاتی منصوبوں پر پیش رفت اور اس کی جلد و معیاری تکمیل کو یقینی بنارہی ہے کسی بھی منصوبے میں ناقص مٹیریل کا استعمال ناقابل برداشت ہیں انہوں نے کہاکہ اسسٹنٹ کمشنر میختر کے آفس اور رہائش گاہ کی تعمیر سے یہاں پر آ فسران اورا سٹاف کی موجودگی سے علاقے میں امن وامان میں سمیت علاقے کے لوگوں کے لئے روز مرہ کاموں میں بھی سہولت ہوگی ایکسین بلڈنگ سی اینڈ ڈبلیو احمد دین نے کمشنر لورالائی ڈویژن کو جاری کام کے حوالے سے بریفنگ دی۔انہوں نے بتایا کہ 5 ملین روپے سے اسسٹنٹ کمشنر میختر کادفتر اور رہائش گاہ زیر تعمیر ہے جس میں تین بڑے ہال دو کوارٹر بھی شامل ہیں انہوں نے اس منصوبے کی تکمیل 28, فروری 2025 تک یقینی بنانے کا عہد کیا کمشنر نے جاری ترقیاتی کام پر اطمینان کا اظہار کیا
خبرنامہ نمبر 987/2025
گوادر: گوادر ڈویلپمنٹ اتھارٹی کے ڈائریکٹر جنرل شفقت انور شاہوانی کی سربراہی میں ایک اعلیٰ سطحی وفد نے انسٹیٹیوٹ آف اسٹریٹیجک اسٹڈیز اسلام آباد کا دورہ کیا۔ڈائریکٹر آئی ایس آئی ایس ڈاکٹر طلعت شبیر، ریسرچ فیلو اسداللہ خان اور دیگر کے ساتھ تفصیلی میٹنگ ہوئی۔ اس موقع پر وفد کو ملک کے اس نامور پالیسی ادارے کی جانب سے کی جانے والی تحقیق اور شائع شدہ مطالعات پر تفصیلی بریفنگ دی گئی۔ اس موقع پر ڈائریکٹر جنرل جی ڈی اے نے چین پاکستان اقتصادی راہداری (CPEC) کے تحت جاری منصوبوں، خاص طور پر جی ڈی اے پاک چین فرینڈشپ اسپتال کے مثبت اثرات پر گفتگو کی گئی۔ اس اسپتال کی بدولت مکران کے ہزاروں مستحق مریضوں کو جدید اور معیاری طبی سہولیات مفت فراہم کی جا رہی ہیں، سی پیک منصوبوں میں ہسپتال اورپاک چائنا ٹیکنیکل انسٹی ٹیوٹ کے ثمرات عوام تک پہنچ رہے ہیں جسے سی پیک کے شاندار عوامی منصوبوں میں شمار کیا جاتاہے۔ سی پیک کے ناقدین بھی ان منصوبوں کے متعرف ہیں۔جی ڈی اے اور انسٹیٹیوٹ آف اسٹریٹیجک اسٹڈیز نے باہمی اشتراک سے ایک تحقیقی پلیٹ فارم کے قیام پر اتفاق کیااور باہمی تعاون کے یاداشتوں پر دستخط کئے جو خطے میں ترقیاتی منصوبہ بندی کے لیے رہنمائی فراہم کرے گا۔ اس پلیٹ فارم کا بنیادی مقصد مقامی آبادی، خصوصاً نوجوانوں اور خواتین کی امنگوں کو ترقیاتی منصوبوں میں شامل کرنا ہے تاکہ پائیدار اور متوازن ترقی کو یقینی بنایا جا سکے۔ اس موقع پر بلو اکانومی کے بے پناہ امکانات پر بھی تفصیلی تبادلہ خیال ہوا۔ سمندری وسائل کو بروئے کار لاتے ہوئے خطے میں معاشی ترقی کو فروغ دینے کے حوالے سے مختلف امکانات پر غور کیا گیا، جس سے مقامی افراد کے لیے روزگار کے مواقع بھی پیدا ہوں گے۔ یہ دورہ جی ڈی اے اور انسٹیٹیوٹ آف اسٹریٹیجک اسٹڈیز کے درمیان ایک مثبت اور تعمیری تعاون کیلئے اہمیت کا حامل ہے، جو مستقبل میں خطے کی ترقی اور تحقیق کے فروغ میں مددگار ثابت ہوگا۔
خبرنامہ نمبر 988/2025
وزیر اعلیٰ بلوچستان میر سرفراز بگٹی اتوار کو پارلیمانی سیکرٹری اقلیتی امور سنجے کمار پنجوانی کے ہاں گئے جہاں انہوں نے ان کے چچا کی وفات پر دکھ و افسوس کا اظہار کیا وزیر اعلیٰ نے لواحقین سے یکجہتی کا اظہار کرتے ہوئے کہا کہ دکھ کی اس گھڑی میں سوگوار خاندان کے غم میں برابر کے شریک ہیں اس موقع پر وزیر اعلیٰ کے ہمراہ صوبائی وزراء اور اراکین صوبائی اسمبلی بھی موجود تھے۔
