25-12-2024

خبرنامہ نمبر 8010/2024
کوئٹہ 25 دسمبر: گورنر ہاؤس کوئٹہ میں بانی پاکستان قائد اعظم محمد علی جناح کی 148ویں یوم پیدائش کی مناسبت سے ایک خصوصی تقریب منعقد کی گئی جس میں گورنر بلوچستان جعفرخان مندوخیل، صوبائی وزیر تعلیم راحیلہ حمیدخان درانی، صوبائی پارلیمانی سیکرٹریز برکت علی رند، حاجی ولی محمد نورزئی، نوابزادہ زرین مگسی، میر عطاواللہ لانگو، ملک نسیم انور کاسی، سحرگل خلجی، نصیر خان اچکزئی، سجاد رہیسانی اور اٹل خان سمیت دیگر اہم اشخاص اور پاکستان مسلم لیگ ن کے وکلاء بھی موجود تھے. اس موقع پر گورنر بلوچستان جعفرخان مندوخیل نے کہا کہ آج قائد اعظم کی یوم ولادت کا دن ہے، وہ ایک بہت بڑے لیڈر تھے. اگر قائد اعظم نہیں ہوتے تو ہمیں آزاد ملک حاصل نہیں ہوتا، تقریب میں پاکستان مسلم لیگ ن کے قائد میاں محمد نواز شریف کی سالگرہ اور کرسمس ڈے کی خوشی میں بھی الگ الگ کیک کاٹے گئے. گورنر مندوخیل نے کہا کہ میاں محمد نواز شریف قوم کے قائد ہیں اور آج کے دن سب کو مبارک پیش کرتا ہوں، گورنربلوچستان نے کرسمس ڈے کی مناسبت سے تمام مسیحی برادری کو مبارکباد دی اور ان کے ساتھ یکجہتی کا اظہار کیا.