23-12-2024

خبرنامہ نمبر 2024/7956
گوادر/پسنی23دسمبر: اسسٹنٹ کمشنر مہیم خان گچکی اور لیفٹیننٹ کرنل (پی سی جی) شہزاد نے شپانکو بازار میں گورنمنٹ بوائز ہائی اسکول کا دورہ کرتے ہوئے تعلیمی ماحول اور سہولیات کا جائزہ لیا۔ اس دوران انہوں نے اسکول کے مختلف شعبوں، بشمول واش رومز، پانی کی ٹینکی، اور اسکول گراؤنڈ کا معائنہ کیا اور ہیڈماسٹر نصیر احمد اور عاشق بلوچ سے ملاقات کی۔اس موقع پر اسکول انتظامیہ نے اسکول میں سولر سسٹم کی تنصیب کی درخواست پیش کی، جس پر لیفٹیننٹ کرنل شہزاد نے مثبت ردعمل دیتے ہوئے یقین دہانی کرائی کہ اسکول میں سولر سسٹم اور واٹر فلٹر کی فراہمی کو یقینی بنایا جائے گا۔ انہوں نے کہا کہ واٹر فلٹر کے لیے ایسی جگہ منتخب کی جائے گی جہاں طلبہ اور اساتذہ کے ساتھ ساتھ مقامی آبادی بھی اس سہولت سے فائدہ اٹھا سکے۔بعد ازاں، اسسٹنٹ کمشنر مہیم خان گچکی نے اسکول میں گرلز انٹر کالج کی تعلیمی سرگرمیوں کا بھی جائزہ لیا اور طلبہ و طالبات کو بہتر سہولیات کی فراہمی کے عزم کا اعادہ کیا۔انتظامیہ کی اس کوشش سے ظاہر ہوتا ہے کہ وہ تعلیمی اداروں کی بہتری اور طلبہ کی ضروریات کو پورا کرنے کے لیے پرعزم ہے۔ سولر سسٹم اور واٹر فلٹر کی فراہمی سے اسکول کے طلبہ کو بنیادی سہولیات میسر آئیں گی، جو نہ صرف ان کے تعلیمی معیار میں اضافہ کرے گی بلکہ علاقے کی ترقی میں بھی معاون ثابت ہوگی۔یہ دورہ تعلیمی اداروں کے مسائل کو حل کرنے اور انہیں جدید سہولیات سے آراستہ کرنے کی جانب ایک اہم قدم قرار دیا جا رہا ہے۔