خبر نامہ نمبر 1435/2025کوئٹہ 26 فروری:
گورنر بلوچستان شیخ جعفرخان مندوخیل سے پاکستان میں تعینات نیدر لینڈ کی سفیر (Mrs. Henny de Vries) نے ملاقات کی۔ ملاقات میں پاکستان اور نیدر لینڈ کے خوشگوار تعلقات اور خطے میں رونما ہونے والی سیاسی و معاشی تبدیلیوں سمیت باہمی دلچسپی کے امور پر تبادلہ خیال کیا گیا۔ دونوں رہنماؤں نے اس بات پر اتفاق کیا کہ پاکستان اور نیدرلینڈ دونوں ممالک کے درمیان کئی نئے شعبوں میں مزید تعلقات قائم کرنے کے روشن امکانات موجود ہیں۔ گورنر مندوخیل نے کہا کہ بلوچستان میں زیر زمین پانی کی گرتی ہوئی صورتحال گمبھیر ہوتی جا رہی ہے۔ ضرورت اس امر کی ہے زیر زمین پانی کی سطح اوپر لانے کیلئے مختلف اضلاع میں ڈیمز تعمیر کرانے کی ضرورت ہے. انہوں نے کہا کہ پاکستان کی کل آبادی کا بڑا حصہ نوجوانوں پر مشتمل ہے جوکہ خوش آئند ہے لیکن تعلیم اور روزگار کے مواقع فراہم کرنا ایک چیلنج بھی ہے۔ گورنر بلوچستان جعفر خان مندوخیل نے کہا کہ پاکستان کا مستقبل بلوچستان سے وابستہ ہے. یہاں امن و امان کی صورتحال میں بہتری آ رہی ہے۔ عصر حاضر کے جدید تقاضوں کے پیش نظر ہمیں حصول تعلیم کے ساتھ جدید مہارتیں سکھانے پر بھی توجہ دینی ہوگی۔ اس کیلئے صوبہ بھر میں تمام فنی و تیکنیکی اداروں کو فعالیت اور گیارہ پبلک سیکٹر یونیورسٹیز میں آئی ٹی کورسسز شروع کرانا ہماری ترجیحات میں شامل ہیں. بلوچستان کی بڑی آبادی آج زراعت سے وابستہ ہے. توانائی کی کمی پر سولر انرجی کے شعبے میں سرمایہ کاری کرنے سے بآسانی قابو پایا جا سکتا ہے۔ اپنی نئی نسل کو تعلیم کے زیور سے آراستہ کرنے اور کوالٹی ایجوکیشن کو آگے بڑھانے میں ترقی ممالک اور انٹرنیشنل اداروں کی رہنمائی اور معاونت مددگار ثابت ہوگی. آخر میں گورنر بلوچستان اور نیدرلینڈ کی سفیر کے درمیان یادگاری شیلڈز کا تبادلہ کیا گیا۔
خبر نامہ نمبر 1437/2025پنجگور 26 فروری:
اسسٹنٹ کمشنر پنجگور زاہد شاہوانی نے میٹرک کے امتحانی مراکز کا دورہ کیا۔ ان میں وشبود گرمکان سوردو سمیت دیگر میل اور فیمیل کے امتحانی مراکز شامل ہیں۔ اسسٹنٹ کمشنر نے سینٹرز میں تعینات اسٹاف سے ملاقات کی اور صورتحال کا جائزہ لیا۔ انہوں نے کہا کہ محکمہ تعلیم اور صوبائی حکومت کی واضح ہدایات کی روشنی میں نقل کی روک تھام کیلئے ہرممکن اقدامات کریں گے کوئی بھی امیدوار نقل کرتے ہوئے پکڑا گیا تو ان کے پیپرز ضبط کریں گے۔ انہوں نے کہا کہ نقل نوجوان نسل کے مستقبل کیلئے تباہ کن ہے اس کو جڑ سے ختم کرنے کی ضرورت ہے اس سلسلے میں والدین سمیت تمام مکاتب فکر کے لوگ اپنا کردار ادا کرنا چاہیے
خبر نامہ نمبر 1438/2025تربت 26 فروی:
اسسٹنٹ کمشنر تُربت محمد جان بلوچ کی زیر صدارت ڈپٹی کمشنر آفس میں رمضان المبارک کے دوران سستا بازار کے قیام اور خودساختہ مہنگائی پر قابو پانے کے حوالے سے اجلاس منعقد ہوا اجلاس میں انجمن تاجران تُربت کے چیئرمین نثار احمد جوسکی، اسحاق روشن دشتئی، اعجاز جوسکی،پولیس،لوکل گورنمنٹ کے نمائندگان، انچارج ٹاسک فورس پرائس کنٹرول کمیٹی نیاز احمد، میجر عبد السلام بلوچ سمیت دیگر نے شرکت کی۔ اجلاس میں رمضان المبارک کے دوران عوام کو ریلیف فراہم کرنے، سستا بازار کے قیام اور منافع خوری کی روک تھام کے اقدامات پر تفصیلی تبادلہ خیال کیا گیا۔ اسسٹنٹ کمشنر تُربت محمد جان بلوچ نے کہا کہ رمضان کے مقدس مہینے میں دکانداروں کو کم منافع اور زیادہ ثواب کمانے کی سوچ اپنانا ہوگی۔ انہوں نے تاجروں کو یقین دلایا کہ سستا بازار میں ہر تاجر اپنی اشیاء فروخت کر سکتا ہے اور انتظامیہ کی جانب سے انہیں مکمل تعاون فراہم کیا جائے گا۔انجمن تاجران تُربت کے نمائندوں نے کہا کہ دکانداروں کو چاہیے کہ وہ اس مقدس مہینے میں عوام کی مشکلات کا خیال رکھیں اور مہنگائی پر قابو پانے میں انتظامیہ سے مکمل تعاون کریں۔
خبر نامہ نمبر 1439/2025تربت 26 فروری:
محکمہ صحت کی خالی آسامیوں کے لیے مکران میڈیکل کالج تربت میں ٹیسٹ کا انعقاد کیاگیا جس کے مطابق مکران میڈیکل کالج تربت میں محکمہ صحت کی خالی آسامیوں پر تعیناتی کے لیے گریڈ 1 سے گریڈ 14 تک کے امیدواروں کے لیے ٹیسٹ منعقد کیا گیا۔ ان ٹیسٹوں کی نگرانی ایم ایس ٹیچنگ ہسپتال ڈاکٹر عبد الوحید بلیدی نے کی اس موقع پر ڈاکٹرعبدالوحید بلیدی نے کہا کہ تمام بھرتیاں مکمل طور پر میرٹ کی بنیاد پر کی جائیں گی اور شفافیت کو ھر صورت یقینی بنایا گا ان کا مزید کہنا تھا کہ محکمہ صحت میں قابل اور مستحق افراد کی تعیناتی ہماری اولین ترجیح ہے، اسی مقصد کے تحت ان ٹیسٹوں کا انعقاد کیا گیا تاکہ تمام امیدواروں کو مساوی مواقع فراہم کیے جا سکیں ٹیسٹ میں شرکت کرنے والے امیدواروں نے بھی انتظامات پر اطمینان کا اظہار کیا اور امید ظاہر کی کہ میرٹ پر مبنی بھرتیوں سے علاقے میں صحت کی سہولیات مزید بہتر ہوں گی
خبر نامہ نمبر 1440/2025پنجگور 26 فروری:
ڈپٹی سیکریٹری پلاننگ اینڈ ڈویلپمنٹ، سمیع اللہ کاکڑ نے ضلع ایجوکیشن آفیسر پنجگور، محمد جان، ڈسٹرکٹ آفیسر ایجوکیشن (خواتین)، مس کلثوم رشید اور ڈپٹی ڈسٹرکٹ آفیسر ایجوکیشن (خواتین)، مس سادیہ اسلام کے ہمراہ ایس ایس سی سالانہ امتحانات کے مختلف مراکز کا اچانک دورہ کیا۔ انہوں نے گورنمنٹ بوائز ہائی اسکول ملک آباد واشبود، گورنمنٹ گرلز ہائر سیکنڈری اسکول گرامکان پنجگور، گورنمنٹ بوائز ہائر سیکنڈری اسکول گرامکان پنجگور، گورنمنٹ گرلز ہائی اسکول تَسپ، گورنمنٹ بوائز ہائی اسکول تَسپ، گورنمنٹ گرلز ہائی اسکول عیسیٰ قلات، اور گورنمنٹ بوائز ہائر سیکنڈری اسکول عیسیٰ کا معائنہ کیا اور امتحانات کے مجموعی انتظامات کا جائزہ لیا معائنہ کے دوران تمام امتحانی مراکز میں بہترین انتظامات دیکھنے میں آئے۔ امتحانی عمل خوش اسلوبی سے جاری تھا، امتحانی نشستوں کی شاندار ترتیب دیکھی گئی، اور کسی بھی قسم کی نقالی (Impersonation) کا کوئی واقعہ سامنے نہیں آیا۔ سیکیورٹی کے سخت اور مؤثر انتظامات موجود تھے، جبکہ نگران عملہ پوری جانفشانی اور ذمہ داری کے ساتھ اپنے فرائض انجام دے رہا تھا ڈپٹی سیکریٹری پلاننگ اینڈ ڈویلپمنٹ، سمیع اللہ کاکڑ نے امتحانی مراکز میں فراہم کی گئی سہولیات اور مجموعی نظم و ضبط پر اطمینان کا اظہار کیا اور انتظامیہ کی کارکردگی کو سراہا۔ انہوں نے طلبہ کو ایمانداری اور محنت کے ساتھ امتحانات دینے کی ہدایت کی اور کہا کہ شفاف امتحانی نظام کسی بھی تعلیمی نظام کی کامیابی کی ضمانت ہوتا ہے۔اس موقع پر متعلقہ تعلیمی افسران نے بھی امتحانات کے سلسلے میں کیے گئے اقدامات پر بریفنگ دی اور یقین دہانی کرائی کہ امتحانات کا عمل مکمل شفافیت کے ساتھ جاری رکھا جائے گا۔
خبر نامہ نمبر 1441/2025تربت/ بلیدہ 26 فروری:
کیچ تھیلیسمیا کیئر سنٹر کے زیر اہتمام بلیدہ میں مکران بھر کا سب سے بڑا ایک روزہ بلڈ ڈونیشن کیمپ لگایا گیاجس میں مجموعی طور پر 450 بلڈ بیگز تھیلیسمیا کے مریض بچوں کے لیے عطیہ کیے گئییہ بلڈ ڈونیشن کیمپ بلیدہ کے دو مختلف مقامات پر منعقد کیا گیا۔ پہلا کیمپ مینا ز بلیدہ میں معروف سماجی و کاروباری شخصیت حاجی برکت بلیدئی کی سربراہی میں لگایا گیا جہاں 389 یونٹ خون عطیہ کیا گیا۔ دوسرا کیمپ بٹ بلیدہ میں معروف سماجی شخصیت اور ڈائریکٹر رہشون ہائی اسکول شاہ فیصل کی قیادت میں منعقد ہوا جہاں 61 یونٹ خون تھیلیسمیا کے مریض بچوں کے لیے عطیہ کیا گیا یہ امر قابل ذکر ہے کہ ہر سال کی طرح اس سال بھی بلیدہ میناز کے بلڈ ڈونیشن کیمپ نے اپنے تمام سابقہ ریکارڈ توڑ دیے اور سب سے زیادہ خون تھیلیسمیا کے مریض بچوں کے لیے فراہم کیا۔منتظمین نے بلیدہ زامران کے تمام خون عطیہ کرنے والوں کا شکریہ ادا کیا جنہوں نے ہمیشہ کی طرح اس مرتبہ بھی انسان دوستی کا مظاہرہ کیا اور اس کیمپ کو کامیاب بنایا۔ اس موقع پر خاص طور پر حاجی برکت بلیدئی، سر شاہ فیصل، سر ظہور ملنگ اور دیگر افراد کی کاوشوں کو سراہا گیا جنہوں نے بلڈ کیمپ سے قبل بھرپور مہم چلائی اور لوگوں کو اس نیک کام میں شرکت کی ترغیب دی.
خبر نامہ نمبر 1442/2025ژوب26فروری:۔
ایس پی سید عبدا لصبور نے کہا ہے کہ منشیات فروشوں کے خلاف گرینڈ اپریشن شروع کیا جائے رمضان المبارک میں ٹریفک پلان پر ہر صورت عملدرآمدg یقینی بنایا جائے ان خیالات کا اظہار انہوں نے پولیس افیسران کی اجلاس کی صدارت کرتے کیا اجلاس میں ایس ڈی پی او قیصر زمان ایس ایچ او محمد عارف سب انسپکٹر حبیب الرحمان اے ایس آئی سید امین شاہ اور دیگر بھی موجود تھے ایس پی سید عبدا لصبور نے پولیس حکام کو سختی سے ہدایت کرتے ہوئے کہا کہ ماہ رمضان المبارک میں ٹریفک کو رواں دواں رکھنے اور حادثات سے بچاؤ کیلئے تمام اقدامات کو یقینی بنایا جائے تمام افیسران اور اہلکار شاہراہوں پر موجود رہینگے بازاروں میں ٹریفک پولیس اہلکار ٹریفک پلان پر ہر صورت عملدرآمد کو یقینی بنائیں انہوں نے کہا کہ منشیات فروشوں کے خلاف کاروائیوں کو مزید تیز کرتے ہوئے گرینڈ اپریشن شروع کرے اس حوالے سے پولیس کاروائی میں کسی قسم کی سفارش یا دباو قبول نہ کرے منشیات فروش کوئی بھی ہو کے خلاف سخت سے سخت کاروائی عمل میں لائی جائے منشیات ایک ایسی لعنت ہے جس سے گھرانے اجڑ جاتے ہیں پولیس ہر قسم کی دباو سے بالاتر ہو کر کاروائی تیز کرے انہوں نے کہا کہ رمضان المبارک میں سلیازہ تفریحی مقام جانے والے شاہراہ کی کڑی نگرانی کی جائیگی شاہراہ پر تیز رفتاری اور کم عمر بچوں کو موٹرسائیکل اور گاڑی چلانے کی اجازت نہیں دی جائے گی خلاف ورزی کرنے والوں کے خلاف کارروائی کی جائیگی
خبر نامہ نمبر 1443/2025دالبندین26فروری:
ڈپٹی کمشنر چاغی عطاء المنعم کی زیر صدارت رمضان المبارک کی آمد کے پیش نظر سستا بازار کے حوالے سے انجمن تاجران کی میٹنگ منعقد ہوئی۔عوام کو رمضان المبارک میں ریلیف دینے کیلیے سستا بازار کا انعقاد ہوگا، جہاں مختلف اشیاء خوردونوش، گوشت، اور دودھ سستے داموں میں عوام الناس کو ملے گے۔
خبر نامہ نمبر 1444/2025لورالائی 26فروری:۔
وومن ڈیولپمنٹ ڈیپارٹمنٹ حکومت بلوچستان کے زیر اہتمام وزارت انسانی حقوق کی اشتراک سے گورنمنٹ گرلز ہائی سکول کینٹ میں وومن رائٹس اینڈ جینڈر وائلنس کے حوالے سے ایک اہم آ گہی سیشن کا انعقاد کیا گیا جس میں ریجنل ڈائریکٹر ہیومن رائٹس اسفندیار خان بادینی ڈپٹی کمشنر لورالائی میران خان بلوچ ڈسٹرکٹ ایجوکیشن آ فیسر فوزیہ درانی، ڈپٹی ڈائریکٹر سوشل ویلفیئر عالم خان لون، سرکاری محکموں کے آ فسران، سکولوں کے اساتذہ، طلباء و طالبات اور سماجی تنظیموں کے نمائندوں و دیگر خواتین و حضرات نے شرکت کی۔اس موقع پر ریجنل ڈائریکٹر ہیومن رائٹس اسفندیار خان بادینی نے انسانی حقوق خصوصاً خواتین کے حقوق، صنفی تشدد سے بچاؤ کے بارے بات چیت کرتے ہوئے کہا کہ 8 مارچ خواتین کے عالمی دن کے مناسبت سے منایا جاتا ہے. قانون کی روشنی میں ہر ایک کے حقوق کی تحفظ ہے اس حوالے سے ابی سے پورے ملک میں پروگرام جاری ہیں انہوں نے کہ انصاف اور ناانصافی ہر دور میں ہوتا آ رہا ہے۔اس ضمن میں بہت سے ادارے کام کر رہے ہیں۔ہر ادارے کا ایک ویژن ہوتا ہے۔ انسان پیدائشی طور پر عدم تحفظ کا شکار ہوتا ہے وہ اپنے تحفظ کی تلاش میں ہوتا ہے اس لیے انسانی حقوق کے اداروں کا قیام ناگزیر ہیسب سے پہلے گھر سے حق تلفی شروع ہوتی ہے ہر شخص چھوٹا بڑا مرد عورت قانون کے نظر برابر ہیں۔ کسی کی پگڑی اچھالنے کی ضرورت نہیں ہے۔ انہوں نیکہاکہ ہر مذہب اور قانون مساوات کی بات کرتا ہے مقررین نے کہاکہ قانون میں عورت کوئی بھی شعبہ اختیار کر سکتے ہیں 10، 20 سال پہلے پولیس لیویز میں خواتین کا تصور نہیں کر سکتا تھا۔ وقت کے ساتھ ماحول بہتر ہوگا خواتین کو مواقع دیں قانون انھیں کوئی بھی شعبہ منتخب کرنے کی آ ذادی دیتا ہے لیکن ہماری سوسائٹی میں اجازت نہیں صرف 5 فیصد نہیں بلکہ ہر سکول۔ دفتر میں خواتین کو مواقع دیں انہوں نیکہاکہ پہلے جنگ عظیم اور دوسری جنگ عظیم میں انسانیت کی تباہی ہوئی جن میں سب سے زیادہ متاثر خواتین اور بچے ہوتے ہیں۔ تقریب سے ڈپٹی ڈائریکٹر سوشل ویلفیئر عالم خان لون، سوشل ویلفیئر آ فیسر ماہ جبیں نے بھی خطاب کیا۔ تقریب میں پوچھے گئے سوالات کے جوابات بھی دئے۔اخر میں مس روبینہ زہری نے کہا کہ لورالائی میں ہیومن رائٹس کے حوالے سے قانون تک خواتین کی رسائی میں مدد کیا جاسکتا بلوچستان کے چھ ڈویژن میں ہمارے ادارے موجود ہیں۔ لورالائی میں بھی وومن بازار، وومن شلٹر کراسس سنٹر اسسٹبلش کررہے ہیں ہر ایک اپنے اپلیکیشنز جمع کراسکتے ہیں۔
خبر نامہ نمبر 1445/2025نصیرآباد26فروری:۔
ضلع نصیر آباد میں ماہ رمضان کے حوالے سے اقدامات کا سلسلہ شروع ہو گیا ڈپٹی کمشنر نصیر آباد منیر احمد خان کاکڑ اور ایڈیشنل ڈپٹی کمشنر نصیر آباد عبدالحمید تھہیم کی زیر صدارت احترام رمضان اور ماہ رمضان میں عوام کو سستی اشیاء خوردونوش کی فراہمی کے حوالے سے تاجران اور ٹریڈ یونین کے نمائندگان کا اجلاسز منعقدہ ہوئے جن میں انجمن تاجران کے صدر مختلف ٹریڈ یونینز کے نمائندگان شریک تھے اسسٹنٹ کمشنر ڈیرہ مراد جمالی مجیب الرحمن ساتکزئی بھی موجود تھے اجلاسز کا مقصد ماہ مقدس میں عوام کو ریلیف کی فراہمی کو یقینی بنانے کے لیے پیشگی اقدامات کرنا ہے ڈپٹی کمشنر نصیر آباد منیر احمد خان کاکڑ نے اجلاس سے خطاب کرتے ہوئے کہا کہ ماہ مقدس میں سبزی فروٹ گوشت سمیت دیگر اشیا خوردونوش کی قیمتوں کو برقرار رکھنے اور عوام کو سستے داموں اشیاء خوردونوش کی فراہمی کو یقینی بنانے کے لیے نصیرآباد ضلع انتظامیہ ہر ممکن اقدامات کو یقینی بنائے گی اس حوالے سے سستے بازار بھی قائم کیے جائیں گے تاکہ عوام وہاں سے معیاری اور سستے دامو ایشائخوردونوش کی خریداری کو یقینی بنائیں اس حوالے سے ہماری تاجران کے ساتھ اجلاس کرنے کا مقصد بھی یہی ہے کہ مفاد عامہ میں بہتر سے بہتر اقدامات کیے جائیں تاجر برادری پر بھی لازم ہے کہ وہ بحیثیت انسانیت کے اس ماہ مقدس میں لوگوں کو سستے داموں اشیاء خردونوش کی فراہمی کو یقینی بنائیں خود ساختہ مہنگائی برپا کرنے والوں کے خلاف کاروائی عمل میں لائی جائے گی جبکہ ضلع انتظامیہ کی جانب سے ماہ صیام کے دیگر ایام میں سستے بازار کے علاوہ بھی مانیٹرنگ کا سلسلہ جاری رکھا جائے گا تاکہ تمام اشیاء کے نرخ ناموں کا جائزہ لیا جائے اور ان اقدامات سے لوگوں کے بہتر مفاد میں کام جاری رکھا جائے ماہ صیام کے موقع پر احترام میں رمضان کا بھی خاص خیال رکھا جائے گا غیر ضروری ہوٹلز کو کسی صورت کھلنے نہیں دیں گے اس حوالے سے سخت اقدامات کیے جائیں گے
خبر نامہ نمبر 1446/2025زیارت 26فروری:۔
ڈپٹی کمشنر ذکاء اللہ درانی, اسسٹنٹ کمشنر محمدافضل، فوکل پرسن منسٹر فوڈ حاجی راز محمد دمڑ، ڈپٹی کنزرویٹر فاریسٹ حسیب خان کاکڑ، ڈپٹی ڈائریکٹر منیر احمد ترین نے ڈپٹی کمشنر آفس میں پودا لگا کر موسم بہار شجر کاری مہم کا افتتاح کیا شجر کاری مہم میں دس ہزار سے زائد درخت لگائے جائیں گے۔ ڈپٹی کمشنر ذکاء اللہ درانی نے کہا کہ ہر شہری ایک درخت لگا کر مون سون شجر کاری مہم میں ضرور حصہ لیں اور شجر کاری مہم کو کامیاب بنائیں تمام سرکاری دفاتر، اسکولوں اور کالجوں میں درخت لگاکر موسم بہار شجر کاری مہم کو کامیاب بنائیں انہوں نے کہا کہ درخت زمین کا زیور ہیں درخت زمین کو کٹاؤ سے روکتے ہیں زمین کی دلکشی میں اضافہ کرتے ہیں ماحول پر خوش گوار اثرات مرتب کرتے ہیں درختوں کی حفاظت کرکے ہم ملک کو جنت نظیر بنا سکتے ہیں۔ درختوں کی کٹائی کو ہرگز برداشت نہیں کریں گے۔ ہر حال میں درختوں کی حفاظت کریں گے اور درختوں کی کٹائی میں ملوث افراد کے خلاف قانون کے مطابق کاروائی کریں گیانہوں نے کہا کہ شجرکاری ایک قومی مہم ہے اس کی کامیابی کے لیے سب کو کردار ادا کرنا ہوگا
خبر نامہ نمبر 1447/2025کوئٹہ 26 فروری۔
ایڈیشنل کمشنر (جنرل) کوئٹہ محمد انور کاکڑ کی زیر صدارت ڈسٹرکٹ ایجوکیشن گروپ کا جائزہ اجلاس منعقد ہوا۔ اجلاس میں ڈی اے او میل، ڈی ای او فیمیل نے شرکت کی اس کے علاؤہ تمام ڈسٹرکٹ کے متعلقہ ڈی ڈی اوز، یونیسف کے نمائندوں، ڈسٹرکٹ خزانہ آفیسر، ڈسٹرکٹ ہیلتھ آفیسر اور مرسی کور کے نمائندوں نے شرکت کی۔ اجلاس میں ایڈیشنل ڈپٹی کمشنر کو پچھلے مہینے کی تمام رپورٹ پیش کردی گئی جس میں ان اسکولوں کی رپورٹ میں مختلف این جی اوز، یونیسف اور مرسی کور کی جانب سے ترقیاتی کام جاری ہے۔اجلاس میں آر ٹی سی ایم کی جانب سے ایڈیشنل ڈپٹی کمشنر کو کوئٹہ کے تمام اساتذہ غیر حاضر اساتذہ اور مسلسل غیر حاضر اساتذہ کے بارے تفصیلی رپورٹ پیش کی گئی۔ جن اسکولوں میں اساتذہ، اسکولوں میں بچے ذیادہ اساتذہ کم ہے اور اساتذہ کی تعداد ذیادہ اور بچوں کی تعداد کم ہے انکے بارے تفصیل پیش کی گئی۔ایڈیشنل ڈپٹی کمشنر کوئٹہ نے کہا جن اسکولوں میں اساتذہ کی ضرورت ہے ان اسکولوں میں اساتذہ کو ٹرانسفر کیے جائیں جن اسکولوں میں اساتذہ کی تعداد ذیادہ ہے۔ایڈیشنل ڈپٹی کمشنر کوئٹہ نے کہا کہ جن اسکولوں میں اساتذہ کی سخت ضرورت ہے ان میں جلد ڈیٹا مکمل کرکے کنٹرکٹ بنیادوں پر اساتذہ کی بھرتی کی جائیگی۔ اجلاس میں یونیسف کی جانب سے ایڈیشنل ڈپٹی کمشنر کو اے ایل پی اسکولوں کے بارے میں تفصیلی بریفنگ دی گئی جس کو ایڈیشنل ڈپٹی کمشنر نے سراہا۔ اجلاس میں میں اسکولوں کے کلسٹر بجٹ کے بارے بھی تفصیلی رپورٹ پیش کی گئی۔ ایڈیشنل ڈپٹی کمشنر کوئٹہ نے سختی سے ہدایات دیتے ہوئے کہا کہ ضلع کوئٹہ میں میل اور فیمیل عیوضی اساتذہ کی نشاندہی کی جائیں اور اسکے خلاف سخت سے سخت کاروائی کی جائیں۔اسکے ہدایات جاری کرتے ہوئے کہا کہ تمام اسکولوں میں کلاس فور سٹاف میں کمی کے حوالے سے جلد ازجلد اپنا ڈیٹا جمع کریں تاکہ ڈسٹرکٹ لیول کمیٹی اسکولوں میں سٹاف کی کمی کا مراسلہ سکریٹری کو بھجوا دیے۔اجلاس کے آخر میں ایڈیشنل ڈپٹی کمشنر کوئٹہ نے بات چیت کرتے ہوئے کہا کہ ضلعی انتظامیہ جہاں بھی محکمہ تعلیم کو مسائل درپیش ہو انتظامیہ اپنا بھرپور کردار ادا کریگی۔
خبر نامہ نمبر 1448/2025کوئٹہ26 فروری:۔
علاقائی موسمیاتی مرکز بلوچستان کے مطابق بدھ اور جمعرات کو صوبے کے بیشتر علاقوں میں موسم جزوی طور پر ابر آلود رہنے کا امکان ہے۔ تاہم ضلع چاغی، نوشکی، پشین، کوئٹہ، قلعہ سیف اللہ، سوراب، قلات، بولان، مستونگ، خضدار، پنجگور، واشک، خاران، کیچ، جھل مگسی اور خضدار سمیت چند ایک مقامات پر بوندا باندی بارش کا امکان ہے۔ گزشتہ 24 گھنٹوں کے دوران مسلم باغ میں (2.0)، زیارت (1.5)، پشین (0.25)، چمن میں (0.25) ملی میٹر بارش ریکارڈ کیا گیا جبکہ قلات میں سب سے کم درجہ حرارت 8 ریکارڈ کیا گیا۔
خبر نامہ نمبر 1449/2025بارکھان 26 فروری:۔
ڈپٹی کمشنر عبداللہ کھوسہ نے بلوچستان بورڈ آف انٹرمیڈیٹ اینڈ سیکنڈری ایجوکیشن کے زیر اہتمام میٹرک کے سالانہ امتحانات میں امتحانی سینٹر گورنمنٹ بوائز ماڈل ہائی سکول کا دورہ کیا۔ اسسٹنٹ کمشنرخادم حسین بھی انکے ہمراہ تھے۔ انہوں نے جاری امتحان میں بچوں کے رول نمبر سلپ چیک کیں اور امتحانی عملے سے امتحان کے بہتر انعقاد اور طلباء کی حاضری کے بارے میں بھی دریافت کیا۔ نیز حاضری شیٹ کا بھی معائنہ کیا۔ اس موقع پر ڈپٹی کمشنر عبداللہ کھوسہ نے گفتگو کرتے ہوئے کہا کہ امتحان لینے والے عملے کی ذمہ داری ہے کہ شفاف امتحان کو یقینی بنائے۔ تمام امتحانی مراکز کی مانیٹرنگ روزانہ کی بنیاد پر کر رہے ہیں۔ اس کے علاوہ الگ الگ چھاپہ مار ٹیمیں مانیٹرنگ کو موثر بنانے کے لئے اپنا کردار ادا کر رہی ہیں۔ انہوں نے کہا کہ امتحانات کی مانٹیرنگ کے لیے ذاتی طور پر متحرک ہوں کیونکہ نقل مافیا کی حوصلہ شکنی ہم سب کی مشترکہ ذمہ داری ہے۔ انہوں نے مزید کہا کہ صاف اور شفاف امتحانات کا انعقاد ہی اچھے مستقبل کی علامت ہے۔ ہر امتحانی مرکز کے باہر سکیورٹی کے موثر انتظامات کیے گئے ہیں۔ تمام امتحانی مراکز میں ضلعی انتظامیہ کے آفیسران ڈیوٹیاں سرانجام دینگے جو امتحان کے دوران سخت اور کھڑی نظر رکھیں گے امتحان کے دوران سخت سکیورٹی فراہم کی جائیگی تاہم کسی بھی سینٹر میں ناخوشگوار واقعہ رونما ہوا تو بروقت ایکشن لیا جائے۔ امتحانی مراکز میں غیر متعلقہ افراد کو کسی صورت داخلے کی اجازت نہیں ہوگی۔
خبر نامہ نمبر 1450/2025زیارت 26 فروری:۔
گورنمنٹ آف بلوچستان کے واضح احکامات کی روشنی میں ڈپٹی کمشنر زیارت ذکاء اللہ درانی کی زیر صدارت رمضان المبارک کے مقدس مہینے میں عوام کو ریلیف دینے کے سلسلے میں پرائس کنٹرول کمیٹی کا اجلاس منعقد ہوا۔ اجلاس میں اسسٹنٹ کمشنر محمد افضل انجمن تاجران کے نمائندے اور تمام سٹیک ہولڈرز نے شرکت کی۔ اجلاس میں ڈپٹی کمشنر زیارت ذکاء اللہ درانی نے کہا کہ رمضان المبارک کے مقدس مہینے میں زیارت کے دونوں تحصیلوں میں سنجاوی اور کواس زیارت میں ڈسٹرکٹ انتظامیہ کی طرف سے سستا بازار لگائیں گے جس میں عوام کو معیاری اور کم قیمت پر چیزوں کی فراہمی کو یقینی بنایا جائے گا ڈسٹرکٹ انتظامیہ زیارت اور سنجاوی میں ڈیلی وزٹ کریں گے اور چیزوں کو چیک کریں گے سرکاری نرخ نامے کی پابندی نہ کرنے والے دکانداروں کو جرمانہ اور ان کے خلاف سخت قانونی کاروائی کی جائے گی انہوں نے کہا کہ دکاندار رمضان المبارک کے مقدس مہینے کا خیال رکھتے ہوئے گرانفروشی سے مکمل پرہیز کریں گرانفروشی غیر معیاری اشیاء بھیجنے والوں کو قانون کے مطابق سخت سزا ملے گی۔
خبر نامہ نمبر 1451/2025کوئٹہ 26 فروری:۔
وزیر اعلیٰ بلوچستان میر سرفراز بگٹی کی زیر صدارت بدھ کے روز چیف منسٹر سیکرٹریٹ میں بلوچستان ایوی ایشن ونگ کا جائزہ اجلاس منعقد ہوا جس میں ونگ کی تنظیم نو، فعالیت اور اس کے عوامی فلاحی استعمال کے امور پر تفصیلی غور کیا گیا اجلاس میں ڈائریکٹر جنرل ایوی ایشن ونگ بلوچستان کیپٹن علی آزاد نے تفصیلی بریفنگ دی اجلاس میں چیف سیکرٹری بلوچستان شکیل قادر خان، پرنسپل سیکرٹری بابر خان، سیکرٹری خزانہ عمران زرکون اور دیگر متعلقہ حکام بھی شریک تھے جائزہ اجلاس میں بلوچستان ایوی ایشن ونگ کو نہ صرف وی آئی پی موومنٹ بلکہ اسے ہنگامی صورتحال، ریسکیو اور ایمرجنسی سروسز میں وسعت لانے کے لیے بھی بروئے کار لانے کا فیصلہ کیا گیا وزیر اعلیٰ بلوچستان میر سرفراز بگٹی نے اجلاس میں اظہار خیال کرتے ہوئے کہا کہ بلوچستان حکومت ایوی ایشن ونگ کو جدید تقاضوں کے مطابق فعال بنانے کے لیے تمام وسائل بروئے کار لائے گی اور اس ونگ کو عوامی فلاح کے لیے ایک موثر ادارہ بنایا جائے گا انہوں نے کہا کہ ینگ پائلٹس ٹریننگ پروگرام کے تحت بلوچستان کے نوجوانوں کو بین الاقوامی معیار کی تربیت فراہم کر کے انہیں بہترین کیریئر کے مواقع دیے جائیں گے جو صوبے میں ترقی اور خوشحالی کے نئے دروازے کھولے گا انہوں نے کہا کہ ہم نے جدید ایوی ایشن سہولیات کو عوامی فلاح کے لیے استعمال کرنے کا فیصلہ کیا ہے تاکہ کسی بھی ہنگامی صورت حال میں فوری ردعمل دیا جا سکے وزیر اعلیٰ میر سرفراز بگٹی نے کہا کہ بلوچستان ایوی ایشن ونگ کے تحت نوجوانوں کے لیے ینگ پائلٹس ٹریننگ پروگرام غیر معمولی اہمیت کا حامل ہے جو صوبے میں ہوا بازی کے شعبے کو فروغ دینے کے لیے کلیدی کردار ادا کرے گا انہوں نے کہا کہ اس پروگرام کے ذریعے نوجوانوں کو جدید تربیت فراہم کر کے مقامی سطح پر ہوا بازی کے ماہرین تیار کیے جائیں گے جو مستقبل میں نہ صرف بلوچستان بلکہ پورے پاکستان کے لیے فائدہ مند ثابت ہوں گے انہوں نے اس بات پر زور دیا کہ ایوی ایشن ونگ کے تحت نوجوان پائلٹس کو پیشہ ورانہ تربیت دے کر ملازمت کے نئے مواقع پیدا کیے جائیں گے جس سے بلوچستان کے نوجوانوں کو عالمی معیار کی ہوا بازی کی مہارت حاصل کرنے اور ایوی ایشن کے شعبے میں آگے بڑھنے کے مواقع میسر آئیں گے وزیر اعلیٰ بلوچستان نے اجلاس کے دوران ہدایت کی کہ ایوی ایشن ونگ کے بنیادی ڈھانچے کو مزید مستحکم کیا جائے اور اس کے تمام شعبوں میں بہتری لانے کے لیے عملی اقدامات کیے جائیں اور ایک جامع روڑ میپ تیار کرکے پیش کیا جائے میر سرفراز بگٹی نے کہا کہ بلوچستان میں پائلٹس کی تربیت کے لیے ایک منظم طریقہ کار اپنایا جائے گا تاکہ نوجوانوں ک عالمی معیار کی ہوا بازی کی ٹریننگ دی جاسکے اجلاس میں اس عزم کا اظہار کیا گیا کہ ایوی ایشن ونگ کو جدید خطوط پر استوار کر کے اسے نہ صرف بلوچستان بلکہ پورے پاکستان کے لیے ایک ماڈل ایوی ایشن ونگ کے طور پر تیار کیا جائے گا،م جو نہ صرف وی آئی پی موومنٹ بلکہ ہنگامی صورتحال، ریسکیو سروسز اور عوامی فلاح کے دیگر منصوبوں میں بھی بھرپور کردار ادا کرے گا۔
خبر نامہ نمبر 1452/2025کوئٹہ، 26 فروری:۔
وزیر اعلیٰ بلوچستان میر سرفراز بگٹی سے نیدرلینڈز کی پاکستان میں تعینات سفیر ہینی ڈی ویریز نے بدھ کو یہاں چیف منسٹر سیکرٹریٹ میں ملاقات کی، ملاقات میں تعلیم، زراعت، واٹر مینجمنٹ سمیت دیگر شعبوں میں تعاون اور باہمی دلچسپی کے امور پر تفصیلی تبادلہ خیال کیا گیا جبکہ افغان مہاجرین کے امور پر بھی گفتگو ہوئی جس میں مہاجرین کی واپسی، رجسٹریشن اور حکومت پاکستان کے اقدامات پر تبادلہ خیال کیا گیا وزیر اعلیٰ بلوچستان نے نیدرلینڈز کی سفیر کو صوبے میں گورننس کی بہتری، نوجوانوں کی بہبود اور مفاد عامہ کے منصوبوں سے آگاہ کیا انہوں نے بتایا کہ بلوچستان حکومت صوبے کے نوجوانوں کو آکسفورڈ سمیت دنیا کے معروف تعلیمی اداروں میں اسکالرشپ دے رہی ہے تاکہ وہ اعلیٰ تعلیم حاصل کر سکیں وزیر اعلیٰ نے بتایا کہ ہر ضلع سے بلوچستان بورڈ کے میٹرک کے پوزیشن ہولڈر طلبہ و طالبات اور سویلین شہداء کے بچوں کے سولہ سالہ تعلیمی اخراجات صوبائی حکومت برداشت کرے گی وزیر اعلیٰ نے اس موقع پر بتایا کہ بلوچستان حکومت 30 ہزار نوجوانوں کو مختلف شعبوں میں تربیت فراہم کرکے مرحلہ وار بیرون ملک بھیجے گی تاکہ وہ ہنر مند بن کر ملک کی ترقی میں اپنا کردار ادا کریں چیف منسٹر یوتھ اسکلز ڈویلپمنٹ پروگرام کے تحت سینکڑوں نوجوانوں کو بااختیار بنایا جا رہا ہے جو نہ صرف اپنے خاندانوں کی کفالت کریں گے بلکہ پاکستان کے لیے زر مبادلہ بھی حاصل کریں گے وزیر اعلیٰ میر سرفراز بگٹی نے اس بات پر بھی روشنی ڈالی کہ تاریخ میں پہلی بار بلوچستان میں اقلیتی برادری کے لیے سالانہ 100 اسکالرشپس رکھی گئی ہیں جبکہ ٹرانس جینڈر کمیونٹی کے لیے بھی سالانہ 100 اسکالرشپس مختص کی گئی ہیں تاکہ وہ بھی تعلیم اور ترقی کے مواقع سے مستفید ہو سکیں وزیر اعلیٰ نے کہا کہ میرٹوکریسی کو فروغ دے کر بلوچستان کے نوجوانوں کو ترقی کے یکساں مواقع فراہم کیے جا رہے ہیں انہوں نے صوبے میں امن و امان کی صورتحال پر روشنی ڈالتے ہوئے کہا کہ حالات اتنے خراب نہیں جتنا تاثر دیا جاتا ہے۔ انہوں نے واضح کیا کہ بلوچستان کے تمام اضلاع میں حکومت کی رٹ مکمل طور پر قائم ہے اور عالمی برادری کو بھی زمینی حقائق کے مطابق اپنا تاثر درست کرنا ہوگاافغان مہاجرین کے حوالے سے بات کرتے ہوئے وزیر اعلیٰ نے کہا کہ ون ڈاکومنٹ رجیم کے تحت افغان مہاجرین کی رجسٹریشن جاری ہے اور پاکستان نے ایک طویل عرصے تک افغان مہاجرین کی میزبانی کی ہے۔ انہوں نے کہا کہ افغانستان میں استحکام آنے پر مہاجرین کو رضا کارانہ طور پر واپسی کے لیے کہا گیا ہے۔ وزیر اعلیٰ نے مزید بتایا کہ حکومتی اقدامات کے نتیجے میں پاک افغان سرحدی علاقوں سے روزانہ تقریباً پانچ ہزار باشندے پاسپورٹ کے ذریعے سفر کرتے ہیں، جو ایک مثبت پیش رفت ہے وزیر اعلیٰ بلوچستان نے نیدرلینڈز کی سفیر کو یوتھ اسکلز ڈویلپمنٹ پروگرام اور سماجی خدمات میں تعاون کی دعوت دیتے ہوئے کہا کہ بلوچستان حکومت اس معاونت کو خوش آمدید کہے گی۔ انہوں نے نیدرلینڈز کی سفیر کے ساتھ صوبے میں زراعت اور پانی کے بہتر استعمال سے متعلق بھی تبادلہ خیال کیا اور اس سلسلے میں باہمی تعاون کی ضرورت پر زور دیا نیدرلینڈز کی سفیر ہینی ڈی ویریز نے بلوچستان حکومت کے اقدامات کو سراہا اور مختلف شعبوں میں تعاون بڑھانے کے عزم کا اظہار کیا۔
خبر نامہ نمبر 1453/2025ضلع چمن 26فروری:۔
ڈی سی چمن حبیب احمد بنگلزئی کی زیر صدارت پرائس کنٹرول کمیٹی مجسٹریٹ چمن کا اجلاس منعقد کیا گیا اجلاس میں چمن کا ماہ رمضان کیلئے اشیاء خوردونوش اور دیگر ضروری اشیاء کی نئی قیمتوں کا تعین کر کے سرکاری نرخ نامہ جاری کر دیا گیا اجلاس میں دودھ دہی فروشان اور مالکان اور ٹیلرز ماسٹر ایسوسی ایشن چمن کیلئے قیمتیں مختص کر دیئے گئے اجلاس سے خطاب کرتے ہوئے ڈی سی چمن نے کہا کہ نئے نرخ نامے کے تحت دودھ فی کلو 160 ہولسیل145, دہی 170 روپیے کے حساب سے خرید وفروخت کیا جائے گا اور چمن میں کپڑوں کی سادہ اور ڈیزائن سلائی 1000سے لیکر 1200 روپیے تک اور فی واسکٹ کی مختلف اقسام کی سلائی ریٹ 1400سے 2000 روپیے تک مقرر کر دی گئی ہے اسی طرح دیگر اشیاء خوردونوش کی قیمتوں کا تعین ایک ہفتہ پہلے جاری کر دیا گیا ہے اس موقع پر ڈی سی چمن نے پرائس کنٹرول کمیٹی کی اجلاس سے خطاب کرتے ہوئے کہا کہ اس مقدس مہینہ ماہ رمضان میں سرکاری نرخ نامے ایس او پیز سیفٹی پریکاشنز صفائی ستھرائی معیار اور میعاد کا خیال نہ رکھنے والے تمام دکانداروں اور کاروباری حضرات کیخلاف سخت سے سخت قانونی کارروائی عمل میں لائی جائے گی انہوں نے اس موقع پر پرائس کنٹرول کمیٹی کے سربراہ اور تحصیلدار چمن اور ایس ایچ او پولیس تھانہ چمن اور دیگر متعلقہ آفیسرز کو ہدایات جاری کرتے ہوئے کہا کہ ماہ رمضان میں سرکاری نرخ نامے پر عملدرآمد کیلئے روزانہ کی بنیاد پر مختلف دکانوں اچانک دورہ کریں اور پرائس کنٹرول کمیٹی کی اصولوں کی پاسداری نہ کرنے والے دکانداروں اور کاروباری حضرات کو جرمانہ اگر ضروری سمجھا گیا تو دکان کو سیل کریں اور انھیں جیل بھیج دیں انہوں نے کہا کہ اس مقدس مہینے میں ہمیں اپنے عوام کیلئے آسانیاں پیدا کرنے کیلئے متحرک ہونا چاہئے تاکہ عوام سوکھی اور مطمئن رہیں
خبر نامہ نمبر1456/2025
نصیرآباد26فروری:۔ڈپٹی ڈائریکٹر بے نظیر انکم سپورٹ پروگرام نصیرآباد شبیر مگسی نے مختلف سینٹرز کا دورہ کیا اور غریب عوام میں حکومت پاکستان کی جانب سے فراہم کی گئی رقوم منتقلی کے عمل کا جائزہ لیا انہوں نے سینٹرز پر تعینات عملے کو سختی کے ساتھ ہدایات دی کہ یہ رقم ہمارے پاس ایک امانت ہے جسے صحیح معنوں میں مستحقین تک منتقل کروانا ہماری ذمہ داری ہے عملے کی جانب سے غیر انتظامی امور اور امدادی رقوم سے کٹوتی کا عمل کبھی بھی برداشت نہیں کریں گے جس حوالے سے اقدامات کیے گئے ہیں انہیں صحیح معنوں میں پایہ تکمیل تک پہنچایا جائے ہماری بھرپور کوشش رہے گی کہ سینٹرز کے سرپرائز وزٹ کر کے مستحقین سے بھی ملاقات کی جائے اور انہیں رقوم کی فراہمی کے حوالے سے آگاہی حاصل کریں تاکہ صاف اور شفاف طریقے سے امدادی رقم کی فراہمی کو پایہ تکمیل تک پہنچایا جائے انہوں نے کہا کہ ہماری بھرپور کوشش رہے گی کہ رقم کی منتقلی کو شفاف آئینے کی مانند رکھا جائے اگر کوئی بھی شخص یا ڈیوائس ہولڈر امدادی رقوم سے کٹوتی کے عمل میں ملوث پایا گیا تو اس کے خلاف سخت اور فوری ایکشن لیا جائے گا جس کی ذمہ داری متعلقہ افراد پر عائد ہوگی اس لئے ضروری ہے کہ ڈیوائس ہولڈرز کو چاہیے کہ وہ حکومتی احکامات پر عملدرآمد کو یقینی بنائیں اور غریب لوگوں کی امانت بغیر کسی کٹوتی کے ان کے حوالے کریں اور دعائیں حاصل کریں
خبر نامہ نمبر1457/2025
کوئٹہ 26 فروری:۔بلوچستان حکومت کے ترجمان شاہد رند نے کہا ہے کہ وزیر اعلیٰ بلوچستان میر سرفراز بگٹی کی جانب سے اپوزیشن لیڈر عمر ایوب کو بلوچستان کے دورے کی باضابطہ دعوت دی گئی تھی تاکہ وہ خود آکر صوبے کے زمینی حقائق کا مشاہدہ کریں اور صورتحال کا براہ راست جائزہ لیں تاہم بجائے اس کے کہ وہ اس دعوت کو قبول کرتے انہوں نے سیاسی انتشار پر مبنی بیانیہ برقرار رکھا جس سے ان کی غیر ذمہ داری اور آئینی منصب سے ناآگاہی ظاہر ہوتی ہے بدھ کو چیف منسٹر سیکرٹریٹ میں ایک پریس کانفرنس سے خطاب کرتے ہوئے ترجمان بلوچستان حکومت نے کہا کہ وزیر اعلیٰ بلوچستان نے گزشتہ روز اپوزیشن لیڈر سے تفصیلی بات چیت بھی کی اور انہیں ہر ممکن سہولت اور سیکورٹی کی یقین دہانی کروائی۔ بلوچستان حکومت نے انہیں ہر ضلع کا دورہ کرانے کی پیشکش کی تاکہ وہ خود حقائق کو دیکھ سکیں لیکن انہوں نے اس موقع سے فائدہ اٹھانے کے بجائے الزامات کی سیاست کو ترجیح دی شاہد رند نے کہا کہ نان ایشوز کو ایشو بنا کر عمر ایوب نے واضح کر دیا کہ وہ بطور اپوزیشن لیڈر اپنے آئینی عہدے کے تقاضے نبھانے میں ناکام ہیں انہوں نے کہا کہ بلوچستان حکومت الزام تراشی کی سیاست سے گریز کرنا چاہتی ہے، لیکن یہ حقیقت سب کے سامنے ہے کہ خیبرپختونخوا میں جہاں ان کی جماعت گزشتہ 10 سال سے حکمرانی کر رہی ہے، وہاں امن و امان کی صورتحال کتنی بہتر ہوئی یہ سب جانتے ہیں ترجمان نے کہا کہ وزیر اعلیٰ بلوچستان کئی مرتبہ ملک کے حقیقی مسائل بشمول امن و امان پر مشاورت اور مذاکرات کی دعوت دے چکے ہیں بلوچستان حکومت آج بھی اس مسئلے کے حقیقی حل کے لیے تیار ہے اور اگر عمر ایوب واقعی مسئلے کے حل میں سنجیدہ ہیں تو کوئٹہ کے دورے کی دعوت اب بھی برقرار ہیانہوں نے کہا کہ عمر ایوب جب بھی بلوچستان آنا چاہیں انہیں مکمل سیکورٹی فراہم کی جائے گی، کیونکہ حکومت کا مقصد سیاسی پوائنٹ اسکورنگ کے بجائے عملی اقدامات کرنا ہے۔ لیکن اگر ان کا مقصد محض الزامات کی سیاست کرنا ہے، تو اس سے نہ خیبر پختونخوا میں امن قائم ہوا، نہ بلوچستان میں ہوگا۔ البتہ ایسی بیان بازی سوشل میڈیا کے ”کی بورڈ وارئیرز” کے لیے ضرور مواد فراہم کرے گی، لیکن حقیقت میں کوئی مسئلہ حل نہیں ہوگا ترجمان بلوچستان حکومت نے مزید کہا کہ قومی شاہراہوں کی بندش کے مسئلے پر وزیر اعلیٰ بلوچستان میر سرفراز بگٹی نے اعلیٰ سطحی اجلاس طلب کر لیا ہے جہاں اس معاملے پر تفصیلی غور کیا جائے گا اس اجلاس میں تمام ضلعی انتظامیہ کو ”تھری ٹئیر فارمولا” کے تحت دی گئی ہدایات کی پیش رفت کا جائزہ لیا جائے گا تاکہ اس مسئلے کا مستقل اور مؤثر حل نکالا جا سکے ترجمان نے کہا کہ بلوچستان حکومت عوامی مسائل کے حل کے لیے عملی اقدامات کر رہی ہے اور تمام فریقین کو ذمہ داری کا مظاہرہ کرنا ہوگا محض بیانات دینے سے مسائل حل نہیں ہوتے، بلکہ ان کے حل کے لیے سنجیدہ اقدامات ضروری ہیں، اور حکومت بلوچستان اس حوالے سے ہر ممکن اقدامات کر رہی ہے شاہد رند نے کہا کہ بلوچستان حکومت ایک متوازن اور حقیقت پر مبنی حکمت عملی کے تحت آگے بڑھ رہی ہے اپوزیشن جماعتوں کو بھی چاہیے کہ وہ عملی طور پر مسائل کے حل میں سنجیدگی دکھائیں، الزامات کی سیاست سے گریز کریں اور عوام کے حقیقی مسائل پر توجہ دیں۔ انہوں نے کہا کہ وزیر اعلیٰ بلوچستان کی قیادت میں حکومت تمام چیلنجز سے نمٹنے کے لیے پرعزم ہے اور عوامی فلاح و بہبود کے لیے ٹھوس اقدامات کیے جا رہے ہیں
خبرنامہ نمبر 1458/2025
کوئٹہ۔ 26 فروری 2025 بلو چستان ہا ئیکورٹ کے جسٹس جنا ب جسٹس عبداللہ بلو چ اور جسٹس اقبال احمد کاسی پر مشتمل دو رکنی بینچ نے قومی شاہراہ این 25کرا چی،خضدار،،خضدار،کچلاک چمن کو دورویہ بنا نے اور سوراب سے گوادر تک شاہراہ کی مرمت اور بحالی کے حوالے سے پیش کی گئی پیشرفت رپورٹ غیر تسلی بخش قرار دیتے ہو ئے اگلی سما عت پر وضاحت کے لئے چیئرمین این ایچ اے اور سیکرٹری پلاننگ ڈویژن کو طلب کر لیا ہے، بینچ نے چیئرمین این ایچ اے کو ہدایت کی کہ قومی شاہرا ہ این 25 کی بروقت تکمیل اور این۔ 85کی مرمت کو یقینی بنانے کے لیے تمام ضروری اقدامات اٹھائے جا ئیں۔ ڈویژنل بینچ نے گزشتہ روز این۔ 25شاہراہ کراچی،خضدار،خضدار، کچلاک- چمن سے متعلق درخواست گزار الہٰی بخش کی جا نب سے دائر ائینی درخواست کی سماعت کی۔ سماعت کے دوران درخواست گزار الہٰی بخش مینگل ایڈووکیٹ،ڈپٹی اٹارنی جنرل نصیر احمد بنگلزئی،اے اے جی نصرت بلو چ،این ایچ اے کے ممبر ویسٹ زون بشارت حسین جی ایم (بلو چستان ویسٹ) گوادرسید اشرف علی شاہڈپٹی ڈائریکٹر (لیگل)این ایچ اے کو ئٹہ عبدالمنان اپنے وکیل نجیب اللہ کاکڑایڈووکیٹ کے ہمرا ہ اور چیف آفیسر میونسپل کا رپوریشن حب نصیب ترین عدالت کے روبرو پیش ہو ئے سماعت کے دوران حکام کی جا نب سے این۔ 25شاہراہ کراچی-خضدار، خضدار-کچلاک- چمن کو دورویہ بنانے/تعمیر کے ساتھ ساتھ سوراب سے گوادر تک کی شاہرا ہ کی مرمت و بحالی کے حوالے سے پیشرفت رپورٹ پیش کی گئی اور بتا یا گیا کہ سی پیک روڈ کو دورویہ بنانے کا حتمی فیصلہ کیا گیا ہے۔ این۔25شاہراہ کراچی-خضدار، خضدار-کچلاک- چمن کے حوالیسے بنچ کو بتا یا گیا کہ اس سلسلے میں بولی18فروری2025ء کو ہونا تھی تاہم PEPRAکے سامنے اس با بت کچھ شکایات اور ٹھیکیداروں کے درخواست زیر التوا ہونے کی وجہ سے اس کی تاریخ میں 4مارچ 2025تک توسیع کی گئی ہے۔سید اشرف علی شاہ، جی ایم (بلوچستان ویسٹ)گوادر نے عدالت کو بتا یا کہ ناگ سے ہوشاب تک سی پیک روڈ کی مرمت کا کام تقریبا 90فیصد مکمل ہو چکا ہے جس کی انہوں نے بعض تصاویر بھی ریکارڈ کیلئے پیش کی۔ بنچ کے ججز نے قرار دیا کہ این ایچ اے قومی شاہراہ 25شاہراہ کو دورویہ کرنے کیلئے مناسب طریقے سے آ گے بڑھنے میں ناکام رہا ہے اور یہ بھی مشاہدے میں آیا ہے کہ متعددسماعتوں کے با وجو د بھی این ایچ اے این۔ 25شاہراہ کی تعمیر صلاحیت کی کمی کی وجہ سے بنیادی طور پر کچھ نہیں کرپایا اور یہاں تک کہ زمین کے حصول تک کی کارروائی بھی مکمل نہیں ہوئی ہے بینچ نے پیش کی گئی رپورٹ غیر تسلی بخش قرار دیتے ہو ئے اسے مسترد کیا اور پلاننگ ڈویژن کی جانب سے نمائندہ اور پیش رفت رپورٹ پیش نہ کر نے پر برہمی کا اظہار کیا بنچ نے چیئرمین این ایچ اے اور سیکرٹری پلاننگ کو ہدایت کی کہ وہ اگلی سماعت پر بذات خود حاضر ہوں اور این۔ 25شاہراہ کراچی-خضدار، خضدار-کچلاک- چمن روڈ کی جلد از جلد تکمیل اور اس حوالے سے تمام مطلوبہ فنڈز کی دستیابی کو یقینی بنائیں۔چیئرمین این ایچ اے کو یہ بھی ہدایت کی گئی ہے کہ وہ اس معاملے کو دیکھیں اور این۔ 25شاہراہ کی بروقت تکمیل اور این۔ 85کی مرمت کو یقینی بنانے کے لیے تمام ضروری اقدامات کریں۔ اگلی تاریخ سماعت پر پیش رفت رپورٹ پیش کی جائے کیونکہ دوہری سڑکوں کی عدم دستیابی سے عوام کو بڑی پریشانی کا سامنا کرنا پڑتا ہے چیف آفیسر میونسپل کارپوریشن حب نے پیش ہو کر پیش رفت رپورٹ جمع کرائی،جو ریکارڈ پر لی گئی ہے اور اس کی کاپی درخواست گزار کے حوالے کر دی گئی ہے بعد ازاں آئینی درخواست کی سما عت 10مارچ 2025تک ملتوی کر دی گئی۔
خبرنامہ نمبر 1459/2025
خضدار 26 فروری:خضدار محکمہ داخلہ حکومت بلوچستان کی جانب سے اسپیشل انویسٹیگیشن ٹیم کمشنر قلات ڈویژن محمد نعیم خان بازئی کی سربراہی میں تشکیل دیا گیا ہے جس کا پہلا با ضابطہ اجلاس اسپیشل انویسٹیگیشن ٹیم کے چیئرمین کمشنر قلات ڈویژن محمد نعیم خان بازئی کے زیر صدارت منعقد ہوا اسپیشل انویسٹیگیشن ٹیم کے ممبران میں ڈی ائی جی پولیس قلات رینج ڈپٹی کمشنر قلات ایس ایس پی قلات ائی ایس ائی ایم ائی ائی بی کے نمائندے اجلاس میں شریک تھے ہندو برادری کی جانب سے ٹیلی گرافک ایکٹ 1885 اور ایف ائی ار نمبر2024 /82 کے تحت درج ہوا اس کا تفصیلی جائزہ لیا گیا اس دوران ایس ایچ او سٹی قلات عبدالقادر نے کمشنر قلات ڈویژن کو تفصیلی بریفنگ دی انہوں نے کہا کہ ہندو تاجروں کو دہشت گردوں کی جانب سے ان نمبروں سے اغوا برائے تاوان کے لیے کال کیا گیا تھا جس پر پولیس اور متعلقہ ایجنسیوں نے بھرپور کاروائی کرتے ہوئے دو ملزمان کو گرفتار کیااور ان سے دو عدد موبائل اور دو عدد سمز برامد کیے گئے جن کو ہندو تاجروں کو اغوا برائے تاوان کے لیے استعمال کیا گیا تھا اور ملزمان نے دوران تفتیش مزید ملزمان کے بارے میں انکشافات کی اور پولیس جلد دیگر ملزمان کو گرفتار کر کے سخت سے سخت قانونی کاروائی کرے گی اس دوران کمشنر قلات ڈویژن محمد نعیم خان باز ائی نے کہا کہ ایف ائی ار اور تفتیش پولیس کی عین ذمہ داریوں میں شامل ہے لیکن جو بریفنگ ایس ایچ او سٹی قلات کی جانب سے دی گئی ہے اس میں مزید محنت کی ضرورت ہے جو ٹاسک 30 دن کے لیے ہمیں اسپیشل انویسٹیگیشن ٹیم کو دیا گیا ہے تو ائندہ اجلاس میں ہندو برادری کے نمائندوں کو بھی بلایا جائے تاکہ مکمل تفتیش کر کے مجھے رپورٹ پیش کیا جائے اور مجرموں کو کیف کردار تک پہنچایا جا سکے اور یہ آئندہ آنے والی نسلوں کے لیے سبق ہو انہوں نے کہا کہ کے ہمارا ملک اسلامی جمہوریہ پاکستان امن و اشتی بھائی چارگی اور ایک دوسرے کے ساتھ رواداری کا درس دیتا ہے ہندو تاجر اور اقلیتی برادری کی حفاظت اور تحفظ ہماری اہم ذمہ داریوں میں شامل ہے اور انہوں نے خاص کر پولیس لیویز اور ملک میں موجود تمام ایجنسیوں کو سختی سے ہدایت کی کہ ہندو تاجروں اور اقلیتی برادری کی تحفظ کو یقینی بنایا جائے اور اس میں مزید کوئی کوتاہی برداشت نہیں کی جائے گی۔
خبرنامہ نمبر 1460/2025
استامحمد26فروری:ڈپٹی کمشنر استامحمد ارشد حسین جمالی نے آج مختلف امتحانی سنٹرز کا دورہ کیا۔ان کے دورے کا بنیادی مقصد شفافیت کو یقینی بنانا اور نقل جیسی غیر قانونی سرگرمیوں کی روک تھام کرنا تھا اور نقل کی روک تھام کیلئے کئے گئے اقدامات کے حوالے سے مختلف پہلوؤں کا باریک بینی سے جائزہ بھی لیا انہوں نے امتحانی عمل کی نگرانی، پرچوں کی تقسیم، امتحانی عملے کی کارکردگی اور طلبہ کے رویے کا معائنہ کیا نقل کی روک تھام کیلئے معمور ڈیوٹی پر موجود اساتذہ کرام اور انویجلیٹرز کو ہدایت دی کہ وہ کسی بھی غیر قانونی سرگرمی کی فوری اطلاع دیں،تاکہ سخت کارروائی عمل میں لائی جائے۔ڈپٹی کمشنر نے کہاکہ امتحانی ہال میں موبائل فون یا دیگر الیکٹرانک ڈیوائسز کے استعمال کو سختی سے روکا جائے ناقص انتظامات کسی بھی قسم کی بدانتظامی، جیسے پرچوں کی تاخیر، عملے کی لاپرواہی یا سہولیات کی کمی کو فوری حل کرنے کے احکامات جاری کیے تاکہ شفافیت کو یقینی بنانے اور امتحانات میرٹ پر ہوں یہ سب اقدامات اس بات کو یقینی بنانے کے لیے ضروری ہیں کہ امتحانات دیانت داری اور منصفانہ طریقے سے منعقد کئے جا رہے ہیں۔
خبرنامہ نمبر 1461/2025
چیف سیکرٹری بلوچستان شکیل قادر خان اور وفاقی سیکرٹری اکنامک افیئرز ڈویژن کاظم نیاز نے غیر ملکی فنڈ سے چلنے والے ترقیاتی منصوبوں کی پیش رفت کا ایک اہم اجلاس کاجائزہ لیا۔ اجلاس میں کنٹری ڈائریکٹر ورلڈ بینک ناجی بنہاسین، پراجیکٹ ڈائریکٹرز و دیگر نے شرکت کی۔ چیف سیکرٹری نے اقتصادی ترقی اور ترقی کو فروغ دینے میں ان منصوبوں کی اہمیت، غیر ملکی فنڈ کی طرف سے فراہم کردہ وسائل کے بروقت عملدرآمد اور موثر استعمال کی ضرورت پر زور دیا۔ اجلاس میں ترقیاتی منصوبوں سے متعلق تفصیلی پیش رفت کی رپورٹیں پیش کی گئیں، جن میں مختلف جاری اور آنے والے غیر ملکی امداد سے چلنے والے اقدامات کا احاطہ کیا گیا۔ انہوں نے پراجیکٹ کی ڈیڈ لائن کو پورا کرنے کی اہمیت کو اجاگر کیا، اور اس بات کو یقینی بنایا کہ مقاصد صوبے کے ترقیاتی اہداف کے ساتھ ہم آہنگ ہوں۔ غیر ملکی امداد میں مختلف ترقیاتی منصوبے (آبی وسائل کی نگرانی اور انتظام کے لیے صوبائی حکومت کی صلاحیت کو مضبوط کرنا اور بلوچستان میں آبپاشی کی ہدفی اسکیموں کے لیے کمیونٹی پر مبنی پانی کے انتظام کو بہتر بنانا، بلوچستان میں پناہ گزینوں کی معیاری صحت اور تعلیم کی خدمات کو بہتر بنانا. دیہی علاقوں کے لوگوں کے لیے روزگار کے مواقع پیدا کرنا اور بلوچستان کے منتخب اضلاع میں کاروباری اداروں کی پائیداری حاصل کرنا، معاش اور ضروری خدمات کو بہتر بنانا اور منتخب کمیونٹی سیلابوں میں سیلاب کے خطرے سے بچاؤ کو بڑھانا ) شامل ہیں۔ ورلڈ بینک پراجیکٹس کے علاؤہ سعودی فنڈ، عمانی گرانٹ اور چائنیز فنڈڈ پراجیکٹس کا بھی جائزہ لیا گیا۔
خبرنامہ نمبر 1462/2025
کوئٹہ: بلوچستان سر مایہ کاری بورڈ کے وائس چیئرمین بلال خان کاکڑنے سیکرٹری فشریزاینڈ کوسٹل ڈویلپمنٹ جاوید انور شاہوانی سے انکے دفتر میں ملاقات کی، اس موقع پر بلوچستان پبلک پرائیویٹ پارٹنر شپ اتھارٹی کے چیف ایگزیکٹو آفیسر ڈاکٹر فیصل کاکڑ اور دیگر بھی موجودتھے، ملاقات میں صوبے میں ماہی گیری کی صنعت کی ترقی، مچھلی، جھینگے اور کیکڑے کی فارمنگ سمیت ساحلی علاقوں میں بڑے پیمانے پر فش کیچ فارمنگ اور دیگر منصوبوں میں سرمایہ کاری کے ممکنہ امکانات پر تبادلہ خیال کیا گیا۔ بلال خان کاکڑنے اس موقع پر گفتگو کرتے ہوئے کہا کہ بلوچستان کے طویل ساحل کو یہاں کی ترقی و خوشحالی کیلئے برویئے کار لایا جا سکتا ہے، ہم نے ملکی و غیر ملکی سطح پر بڑے کاروباری اداروں کیساتھ رابطے کئے ہیں اور متعدد کمپنیوں نے بلوچستان کی ساحلی ترقی اور ماہی گیری کے شعبوں میں سرمایہ کاری میں دلچسپی کا اظہار کیا ہے، بلوچستان کی سمندری حدود میں 40 بڑی مچھلیوں کی اقسام، 8 لینڈنگ سائٹس اور 25 سے زیادہ ماہی گیری کی بستیاں پائی جاتی ہیں جن میں 82,543 ماہی گیر اور 10,932 رجسٹرڈکشتیاں شامل ہیں۔ سال 2023 میں بلوچستان کے ساحل پر 137,950 میٹرک ٹن مچھلی پیدا ہوئی جس کی مالیت 105.08 ملین امریکی ڈالر ہے، جس میں سے، 86 فیصد برآمد کیا گیا مگر زیادہ ترمچھلی قیمت میں اضافے اور مناسب پروسیسنگ کے بغیر فروخت کی جاتی ہے۔ بلوچستان کی ساحلی پٹی، مچھلی کی فارمنگ اور پروسیسنگ میں سرمایہ کاری کے اہم مواقع فراہم کرتی ہے۔انہوں نے کہا کہ بلوچستان کے ساحلی علاقوں میں فش کیچ فارمنگ کیساتھ ساتھ جھینگے اور کیکڑے کی فارمنگ کیلئے سرمایہ کاروں کو راغب کیا جائیگا تاکہ ساحلی علاقوں سمیت بلوچستان کے عوام کو روزگار کے نئے مواقع ملیں اور صوبے کے ریونیو میں اضافہ ہو۔
خبرنامہ نمبر 1463/2025
گوادر: ایڈیشنل ڈپٹی کمشنر جنرل ڈاکٹر عبدالشکور نے ڈسٹرکٹ ایجوکیشن آفیسر زاہد حسین کے ہمراہ ضلع گوادر کے مختلف امتحانی مراکز کا دورہ کیا، جن میں گورنمنٹ گرلز ہائی اسکول گوادر اور گورنمنٹ بوائز ماڈل ہائی اسکول گوادر شامل ہیں۔ اس موقع پر انہوں نے امتحانی ماحول، نظم و ضبط اور نگرانی کے انتظامات کا تفصیلی جائزہ لیا۔دورے کے دوران یہ مشاہدہ کیا گیا کہ امتحانی نگران عملہ مکمل طور پر موجود تھا اور امتحانات منصفانہ ماحول میں جاری تھے۔ نقل کے رجحان کو مؤثر حکمت عملی کے تحت بڑی حد تک کنٹرول کر لیا گیا تھا، جس سے امتحانی شفافیت کو یقینی بنایا جا رہا تھا۔ ایڈیشنل ڈپٹی کمشنر جنرل نے نگران عملے سے امتحانی عمل کے دوران درپیش ممکنہ مسائل کے بارے میں دریافت کیا، تاہم کسی بھی قسم کی پریشانی کی نشاندہی نہیں کی گئی، اور مجموعی امتحانی عمل کو تسلی بخش قرار دیا گیا۔امتحانی مراکز کے اطراف دفعہ 144 پر سختی سے عملدرآمد کیا جا رہا تھا، پولیس اہلکاروں کی موجودگی یقینی بنائی گئی تھی، اور مراکز کے آس پاس غیر متعلقہ افراد یا کسی بھی قسم کے معاون گروہ نظر نہیں آئے، جس سے امتحانات کے دوران غیر ضروری مداخلت کو روکا جا سکا۔
ایڈیشنل ڈپٹی کمشنر جنرل ڈاکٹر عبدالشکور نے امتحانات کے شفاف اور منظم انعقاد پر اطمینان کا اظہار کرتے ہوئے ڈسٹرکٹ ایجوکیشن آفیسر زاہد حسین اور ان کی ٹیم کی کاوشوں کو سراہا۔ انہوں نے اس عزم کا اظہار کیا کہ امتحانی عمل کو اعلیٰ معیار کے مطابق جاری رکھنے کے لیے ہر ممکن اقدامات کیے جائیں گے تاکہ طلبہ کو ایک مثالی اور منصفانہ تعلیمی ماحول فراہم کیا جا سکے۔
خبرنامہ نمبر 1464/1025
کوئٹہ 26 فروری:محکمہ ملازمت ہائے عمومی نظم و نسق کے ایک اعلامیے کے مطابق رمضان شریف میں دفاتر کے اوقات درج ذیل ہونگے جن میں وہ دفاتر جو ہفتے میں پانچ دن کام کرتے ہیں وہ پیر سے جمعرات صبح 9 بجے سے دوپہر 3 بجے اور جمعہ کو صبح 9 بجے سے 1 بجے تک کھلے رہینگے اور وہ وہ دفاتر جو ہفتے میں 6 دن کام کرتے ہیں وہ پیر سے جمعرات اور ہفتے والے دن صبح 9 بجے سے دوپہر 2 بجے تک اور جمعہ کو صبح 9 بجے سے دن 12 بجے تک کھلے رہینگے.
خبرنامہ نمبر 1465/1025
بلوچستان بورڈ کے چیئرمین میراعجاز عظیم بلوچ اور کنٹرولرامتحانات میڈم عابدہ کاکڑ کا گورنمنٹ بوائز ماڈل ہائی سکول ڈھاڈر پر چھاپہ،میٹرک کے جاری امتحانات میں 9جعلی امیدوار وں کے علاوہ 35سے زائد موبائل فونز برآمدکرلئے بورڈ حکام نے امتحانی سینٹر کے عملے پر آئندہ3سالوں کیلئے پابندی عائد کردی۔بدھ کے روز بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ کے چیئرمین میراعجاز عظیم بلوچ نے کنٹرولر امتحانات میڈم عابدہ کاکڑ کے ہمراہ گورنمنٹ بوائز ماڈل ہائی سکول ڈھاڈر کا دورہ کیا جہاں میٹرک کے جاری امتحانات کا جائزہ لیا پیپر کے دوران چیئرمین بورڈ اور کنٹرولرامتحانات نے 9جعلی امیدوار پکڑ لئے جبکہ پیپر کے دوران چیکنگ میں امیدواروں سے 35سے زائد موبائل فونز برآمدکرلئے گئے۔بلوچستان بورڈ کے چیئرمین میراعجاز عظیم بلوچ اور کنٹرولرامتحانات میڈم عابدہ کاکڑ نے امتحانی سینٹر کے عملے کی غفلت پر برہمی کااظہار کرتے ہوئے کہاکہ صوبائی وزیر تعلیم راحیلہ حمید خان درانی،سیکرٹری تعلیم صالح ناصر کی جانب سے نقل کی روک تھام کے حوالے سے خصوصی ہدایات ہیں لیکن امتحانی عملے کی غفلت کی وجہ سے نہ صرف جعلی امیدوار پکڑے گئے ہیں بلکہ پیپر کے دوران نقل کیلئے موبائل کا استعمال بھی کیاجارہاہے جس کی کسی صورت اجازت نہیں دینگے،اس لئے مذکورہ امتحانی سینٹر میں فرائض سرانجام دینے والے عملے کو آئندہ 3سال کیلئے امتحانی مراکز میں ڈیوٹی پر پابندی عائد کی گئی ہے اور یہ عملہ بلوچستان کے کسی بھی امتحانی سینٹرمیں ڈیوٹی سرانجام نہیں دے سکتی۔
خبرنامہ نمبر 1465/1025
بلوچستان بورڈ کے چیئرمین میراعجاز عظیم بلوچ اور کنٹرولرامتحانات میڈم عابدہ کاکڑ کا گورنمنٹ بوائز ماڈل ہائی سکول ڈھاڈر پر چھاپہ،میٹرک کے جاری امتحانات میں 9جعلی امیدوار وں کے علاوہ 35سے زائد موبائل فونز برآمدکرلئے بورڈ حکام نے امتحانی سینٹر کے عملے پر آئندہ3سالوں کیلئے پابندی عائد کردی۔بدھ کے روز بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ کے چیئرمین میراعجاز عظیم بلوچ نے کنٹرولر امتحانات میڈم عابدہ کاکڑ کے ہمراہ گورنمنٹ بوائز ماڈل ہائی سکول ڈھاڈر کا دورہ کیا جہاں میٹرک کے جاری امتحانات کا جائزہ لیا پیپر کے دوران چیئرمین بورڈ اور کنٹرولرامتحانات نے 9جعلی امیدوار پکڑ لئے جبکہ پیپر کے دوران چیکنگ میں امیدواروں سے 35سے زائد موبائل فونز برآمدکرلئے گئے۔بلوچستان بورڈ کے چیئرمین میراعجاز عظیم بلوچ اور کنٹرولرامتحانات میڈم عابدہ کاکڑ نے امتحانی سینٹر کے عملے کی غفلت پر برہمی کااظہار کرتے ہوئے کہاکہ صوبائی وزیر تعلیم راحیلہ حمید خان درانی،سیکرٹری تعلیم صالح ناصر کی جانب سے نقل کی روک تھام کے حوالے سے خصوصی ہدایات ہیں لیکن امتحانی عملے کی غفلت کی وجہ سے نہ صرف جعلی امیدوار پکڑے گئے ہیں بلکہ پیپر کے دوران نقل کیلئے موبائل کا استعمال بھی کیاجارہاہے جس کی کسی صورت اجازت نہیں دینگے،اس لئے مذکورہ امتحانی سینٹر میں فرائض سرانجام دینے والے عملے کو آئندہ 3سال کیلئے امتحانی مراکز میں ڈیوٹی پر پابندی عائد کی گئی ہے اور یہ عملہ بلوچستان کے کسی بھی امتحانی سینٹرمیں ڈیوٹی سرانجام نہیں دے سکتی۔
خبرنامہ نمبر 1466/1025
کوئٹہ 26فروری۔ضلعی انتظامیہ نے پشتو اکیڈمی کو لائبریری ممبرز اور اسٹوڈنٹس کے بار بار درخواستوں اور شکایتوں کی بنیاد پر سیل کردیا۔اس حوالے سے ڈپٹی کمشنر کوئٹہ لیفٹیننٹ(ر)سعد بن اسد کا کہنا ہے کہ پشتو اکیڈمی میں لائبریری موجود ہے جس میں عرصہ دراز سے سٹوڈنٹس پڑھائی کررہے تھے جس کو پشتو اکیڈمی کی انتظامیہ نے سٹوڈنٹس کے لیے بند کردی جس کی بنا پر سٹوڈنٹس اور ممبرز نے بار بار ضلعی انتظامیہ کو شکایات کیں اوردرخواستیں دیے۔ان درخواستوں کی بنیاد پر ڈسٹرکٹ ایجوکیشن آفیسر اور پشتو اکیڈمی کے صدر کو اجلاس کے لیے طلب کیا گیا تاکہ یہ مسلہ حل ہوسکے۔ بار بار رابطہ کرنے پر پشتو اکیڈمی کی طرف سے کسی نے بھی اجلاس میں شرکت نہیں کی۔ جسکے بعد اسسٹنٹ کمشنر سٹی کے ذریعے وارننگ بھی دیے گئے لیکن پشتو اکیڈمی کی طرف دے بار بار ضلعی انتظامیہ کے نوٹس کو نظر انداز کیاگیا اس لیے ضلعی انتظامیہ نے آج پشتو اکیڈمی کو سیل کرکے اسکے انتظامیہ کو طلب کرلیاہیانہوں نے کہا کہ کوئٹہ شہر میں درپیش مسائل حل کرنا ضلعی انتظامیہ کی اولین ذمہ داری ہے۔ ڈی سی آفس میں جو بھی درخواستیں جمع ہوتی ہیں اس پر عملدرآمد ہوتا ہے۔اسی طرح لائبریبری کے سٹوڈنٹس ممبرز نے پچھلے مہینے کی کھلی کچہری اور گزشتہ روز ہونے والی کھلی کچہری میں بھی شکایات جمع کیے تھے جس پر ضلعی انتظامیہ نے عملدرآمد کیا۔
خبرنامہ نمبر 1467/2025
گوادر: اسسٹنٹ کمشنر میر جواد احمد زہری کی زیر صدارت رمضان المبارک کے حوالے سے پرائس کنٹرول کمیٹی کا اجلاس منعقد ہوا، جس میں سستا بازاروں کے قیام کو یقینی بنانے اور شہریوں کو زیادہ سے زیادہ ریلیف اور سبسڈی فراہم کرنے پر غور کیا گیا۔اجلاس میں سیاسی جماعتوں کے نمائندے، ہول سیلرز، سول سوسائٹی، ریٹیلرز، مذہبی رہنما، فوڈ سپلائی کمیٹی، نان بائی، چکن فروش، دودھ فروش، سبزی و پھل فروش سمیت تمام کاروباری برادری اور دیگر متعلقہ اسٹیک ہولڈرز کے ساتھ ساتھ سستا بازاروں کے منتظمین، پولیس کے نمائندے اور صحافی برادری نے شرکت کی۔اس موقع پر اسسٹنٹ کمشنر میر جواد احمد زہری نے کہا کہ رمضان المبارک کے مقدس مہینے میں ہم سب کو مل کر سستے بازاروں کے انعقاد کو ہر صورت یقینی بنانا ہوگا تاکہ عوام کو زیادہ سے زیادہ ریلیف فراہم کیا جا سکے۔بعد ازاں، اسسٹنٹ کمشنر میر جواد احمد زہری اور انجمن تاجران کے صدر غلام حسین نے میڈیا سے گفتگو کرتے ہوئے کہا کہ سستا بازار حکومتِ بلوچستان کی ہدایات کے مطابق لگایا جائے گا، جہاں شہریوں کو عام بازار کے مقابلے میں اشیاء کم قیمت پر دستیاب ہوں گی۔انجمن تاجران کے صدر غلام حسین نے یقین دہانی کرائی کہ تاجر برادری رمضان المبارک کے دوران شہریوں کو زیادہ سے زیادہ سہولت فراہم کرنے کے لیے ہر ممکن تعاون کرے گی۔
خبرنامہ نمبر 1468/2025
حب 26فروری:الیکشن کمیشن کی جانب سے ڈسٹرکٹ کونسل حب کے چیئرمین شپ کی نشست پر ضمنی انتخاب کا عمل شفاف آزادانہ اورپرامن ماحول میں کامیابی سے مکمل کرلیا گیا۔ضمنی الیکشن میں شریک جماعتوں کیامیدواروں کوآزادانہ طریقے سے حق رائے دہی کا ماحول فراہم کیا گیا ڈسٹرکٹ الیکشن کمیشن حب کی درخواست پر ضلعی انتظامیہ حب نے ضمنی الیکشن کے موقع پر کسی بھی ناخوشگوار صورتحال سے نمٹنے کیلئے سیکیورٹی کے غیر معمولی انتظامات کئے پولنگ ڈے کے موقع پر ایس پی آفس حب کی جانب سے خصوصی سیکیورٹی پلان مرتب کیا گیا ریٹرننگ افسر اے سی حب سربلندخان کے دفتر سے پولنگ اورووٹوں کی گنتی کا عمل مکمل ہوتے ہی نتائج جاری کر دیے گئے پاکستان پیپلز پارٹی کے امیدوار جاوید جمالی 13 ووٹ حاصل کر کے کامیاب قرار پائے بھوتانی کاروان کے امیدوار فیض محمد 4 ووٹ حاصل کر سکیجبکہ 2 ووٹ مسترد قرارہائے غیر حتمی اور غیر سرکاری نتائج کیمطابق ڈسٹرکٹ کونسل کیچیئرمین جاوید جمالی منتخب ہوگئے ضمنی الیکشن کے پرامن انعقاداورامن و امان برقرار رکھنے پرڈی آر او ڈپٹی کمشنر حب منصور قاضی نے کہا کہ پرامن، شفاف اور غیر جانبدارانہ الیکشن کے انعقاد پر الیکشن کمیشن کے عملے اور سیکیورٹی جوانوں کو مبارکباد پیش کرتے ہیں صوبائی وزیر زراعت و کوآپریٹومیر علی حسن زہری نے ضمنی الیکشن کے نتائج کے حوالے سے کہا کہ پاکستان پیپلز پارٹی کے امیدوار کی کامیابی 8 فروری کے الیکشن کے مینڈیٹ کا عکاس ہے پیپلز پارٹی کے امیدوار کی جیت سے ثابت ہوگیا کہ حب کے عوام ترقی کے حامی ہیں۔ پیپلز پارٹی ترقی کے سفر کو آگے لے کر جائے گی، اور دریجی سمیت تمام علاقوں میں نئے ترقیاتی منصوبوں پر کام عنقریب شروع ہوگاانہوں نے نومنتخب چیئرمین ضلع کونسل جاوید جمالی کوکامیابی پرمبارکباد پیش کی اوراس توقع کا اظہار کیا کہ وہ ضلع کونسل کے تمام ممبران کو ساتھ لیکرچلیں گے ضلع حب کی ترقی کیلئے پیپلزپارٹی مینڈیٹ کے مطابق عوامی فلاح بہبود کی کیلئے اپنی صلاحیتیں بروئے کارلائیں گے۔
خبرنامہ نمبر 1469/2025
لسبیلہ:ڈپٹی کمشنر لسبیلہ حمیرا بلوچ نے سول ہسپتال روڈ کا سرپرائز وزٹ کیا دوران وزٹ ہسپتال روڈ پر ناجائز تجاوزات کو ہٹانے کے لئیے چیف آفیسر اوتھل حاجی محمد خان دودا کو ہدایات جاری کیں کہ وہ کل سے فوری طور پر سول ہسپتال روڈ پر ناجائز تجاوزات کے خلاف کاروائی عمل میں لائیں ڈپٹی کمشنر لسبیلہ حمیرا بلوچ نے دکانداروں کو ہسپتال روڈ سے اپنے تجاوزات دورکرنے کے احکامات جاری کیں ڈپٹی کمشنر لسبیلہ نے کہا کہ سول ہسپتال روڈ ایمرجنسی کے طور پر استعمال ہوتا ہے یہاں پر ریڑھی بانوں، رکشہ اسثینڈ دکانداروں اور کیبن کے ٹھیکے لگا کر قبضے کرکے ہسپتال کے روڈ دونوں سائیڈز سے تنگ کیا گیا ہے ڈپٹی کمشنر لسبیلہ حمیرا بلوچ نے چیف آفیسر کو ہدایت جاری کیں میونسپل کمیٹی اوتھل کا عملہ روزانہ کی بنیاد پر تجاوزات کے خلاف تابڑ توڑ کاروائیاں جاری رکھیں انہوں نے کہا کہ ناجائز تجاوزات کل سے خود ملبہ ہٹا دیں بصورت دیگرمیونسپل کمیٹی اوتھل کا عملہ تجاوزات اشیاء کو ریڑھی سمیت ضبط کرے گا اور جرمانے بھی عائد کئیے جائینگے دورے کے موقع پر ADC جنرل لسبیلہ سراج احمد بلوچ بھی انکے ہمراہ تھے
خبرنامہ نمبر 1470/2025
کوئٹہ۔26 فروری :ڈویژنل ڈائریکٹر سکولز کوئٹہ ڈویژن سید عارف شاہ کی زیر صدارت ضلع پشین کے محکمہ تعلیم کے آفسران کی کارکردگی کا جائزہ اجلاس منعقد ہوا اجلاس میں ایڈیشنل ڈویژن ڈائریکٹر عبدالمالک،ڈپٹی ڈویژنل ڈائریکٹر ایڈمن علی احمد خان خلجی،اسسٹنٹ ڈائریکٹر کوئٹہ ڈویژن ڈاکٹر محمد ہاشم خان،ڈسٹرکٹ ایجوکیشن آفسر پشین فیض اللہ خان کاکژ،ڈسٹرکٹ ایجوکیشن آفسر(خواتین) خالدہ تاج ڈسٹرکٹ آفسر زاہد خان سمیت آر،ٹی،ایس،ایم کے نمائندوں و دیگر آفسران نے شرکت کی۔اجلاس سے خطاب کرتے ہوئے ڈویژن ڈائریکٹر نے کہا کہ تعلیمی معیار کی بہتری نہایت ضروری اور اولین ترجیحات میں شامل ہے،جدید تدریسی طریقوں،بنیادی سہولیات کی بہتری اور تحقیقی سرگرمیوں کے فروغ سے طلبہ کی تعلیمی صلاحیتوں کو نکھارا اور سنوارا جا سکتا ہے،انہوں نے کہا کہ پیشہ وارانہ تربیت،جدید نصاب اور عملی مہارتوں پر توجہ کر ہمارے طلباء و طالبات کو صوبائی و ملکی سطح پر مقابلہ کرنے کے قابل بنایا جا سکتا ہے انہوں نے مسرت کا اظہار کرتے ہوئے کہا کہ صوبائی حکومت اور تعلیمی اداروں کے مشترکہ اقدامات سے بلوچستان بھر میں شعبہ تعلیم کو مزید موثر اور نتیجہ خیز بنایا رہا ہے تاکہ ہمارے طلباء و طالبات مستقبل کے چیلنجز کا بخوبی مقابلہ کر سکیں تاہم اس ضمن میں کسی قسم کی کوتاہی و لاپرواہی ناقابل برداشت ہے۔اجلاس میں ضلع پشین میں اساتذہ کی برطرفی پر اٹھائے گئے اعتراضات اور اس بابت اساتذہ کو درپیش مسائل پر بھی تبادلہ خیال کیا گیا،اور اس بابت انصاف کے تقاضے پورے کرنے کی یقین دہانی کرائی گئی،بعد آزاں ڈویژنل ڈائریکٹر سید عارف شاہ نے سکولوں میں تعلیمی نظام کی مضبوطی،شفافیت کو یقینی بنانے اور شعبہ تعلیم میں بہتری لانے کے لیے اصلاحات و اقدامات پر زور دیا انہوں نے مزید کہا کہ حکومت بلوچستان تعلیم کے فروغ کے لیے سنجیدہ اقدامات اٹھا رہی ہے تاکہ طلباء کو جدید تعلیمی تقاضوں کے عین مطابق ابتدائی اور معیاری تعلیم فراہم کی جا سکے۔انہوں نے متعلقہ حکام کو ہدایت دی کہ انہوں نے طلباء اور اساتذہ کی صلاحیتوں کو بڑھانے کی مکمل حمایت کا بھی یقین دلایا۔اجلاس سے خطاب کرتے ہوئے ڈپٹی ڈویژنل ڈائریکٹر(ایڈمن) علی احمد خان خلجی نے اس عزم کا اظہار کیا کہ وہ تمام تعلیمی اسٹیک ہولڈرز،تعلیمی اداروں اور پالیسی سازوں کے ساتھ قریبی رابطہ قائم رکھیں گے تاکہ بلوچستان میں تعلیم کے شعبے میں جاری مثبت اور دیرپا اصلاحات متعارف کرائی جا سکیں،دریں اثناء ضلعی ایجوکیشن آفسر پشین فیض اللہ خان کاکڑ نے بریفنگ کے دوران ڈویژنل ڈائریکٹر و دیگر حکام کو جاری سکول داخلہ مہم،تعلیمی منصوبوں کی تکمیل،بنیادی ڈھانچے کی ترقی،تعلیمی پالیسی و مالی معاملات سمیت دیگر اہم امور کی پیشرفت سے متعلق آگاہی فراہم کی۔
