21-12-2024

خبرنامہ نمبر 7926/2024
کوئٹہ21 دسمبر: گورنر بلوچستان جعفرخان مندوخیل نے وزیرستان میں دہشتگردوں کے خلاف آپریشن کے دوران سیکورٹی فورسز کے جوانوں کی شہادت پر گہرے رنج ودکھ کا اظہار کیا ہے. اپنے ایک مذمتی بیان میں گورنر بلوچستان نے کہا کہ کہ وقت آپہنچا ہے کہ ہم تمام تخریب کاروں اور دہشت گردوں کے ناپاک عزائم کو خاک میں ملانے کیلئے ٹھوس اقدامات اٹھائیں. شہدا کے لواحقین سے یکجہتی کا اظہار کرتے ہوئے گورنر بلوچستان کہا ہے کہ شہداء کی قربانیوں کی بدولت امن و ترقی کو مزید فروغ ملے گا. دنیا گواہ ہے کہ دہشت گردی کے خلاف جنگ میں پاکستان اور اس کے عوام نے بےشمار قربانیاں دی ہیں. انہوں نے جنوبی وزیرستان میں شہید ہونے والے بہادر جوانوں کے سوگوار خاندانوں کے ساتھ پوری یکجہتی اور ہمدردی کا اظہار کیا۔