خبرنامہ نمبر 68/2025کوئٹہ 3 جنوری۔ وزیر اعلٰی بلوچستان میر سرفراز بگٹی نے جمعہ کو ٹیلی فون پر سابق صوبائی وزیر عبدالخالق ہزارہ سے رابطہ کیا اور ان کی مزاج پرسی کرتے ہوئے ان کے ساتھ پیش آنے والے واقعہ سے متعلق بات چیت کی وزیر اعلٰی میر سرفراز بگٹی نے عبدالخالق ہزارہ کو آگاہ کیا کہ پولیس واقعہ کی تمام پہلووں سے تحقیقات کررہی ہے جس کی پیش رفت سے آپ کو متواتر آگاہ رکھا جائے گا، وزیر اعلٰی نے عبدالخالق ہزارہ کی جلد صحت یابی کیلئے دعا اور نیک خواہشات کا اظہار کیا، ہزارہ ڈیموکریٹک پارٹی کے چئیرمین و سابق صوبائی وزیر عبدالخالق ہزارہ نے وزیر اعلٰی بلوچستان میر سرفراز بگٹی کا شکریہ ادا کرتے ہوئے واقعہ کی تحقیقات پر اطمینان کا اظہار کیا۔﴾﴿﴾﴿﴾﴿خبرنامہ نمبر 69/2025 کوئٹہ 3 جنوری۔ صوبائی وزیر سردار عبدالرحمن کھتیران نے سابق وزیر عبد الخالق ہزارہ پر قاتلانہ حملے کی مذمت کی ہے یہاں سے جاری اپنے بیان میں صوبائی وزیر سردار عبدالرحمن کھتیران نے خالق ہزارہ کی جلد اور مکمل صحت یابی کیلئے دعا اور نیک خواہشات کا اظہار بھی کیا۔﴾﴿﴾﴿﴾﴿خبرنامہ نمبر 70/2025کوئٹہ 3 جنوری۔ ترجمان بلوچستان حکومت شاہد رند نے جمعہ کو ہزارہ ڈیموکریٹک پارٹی کے چئیرمین و سابق صوبائی وزیر عبدالخالق ہزارہ سے رابطہ کیا اور ان کی مزاج پرسی کرتے ہوئے وزیر اعلٰی میر سرفراز بگٹی کی جانب سے صحت یابی کیلئے نیک خواہشات کا اظہار کیا، ترجمان صوبائی حکومت نے عبدالخالق ہزارہ کو بتایا کہ ڈی آئی جی پولیس اعتزاز احمد گورایا اس واقعہ کو ذاتی طور پر دیکھ رہے ہیں ایک ملزم کو گرفتار کرلیا گیا ہے واقعہ کی تمام پہلووں سے تحقیقات کی جاررہی ہیں شاہد رند نے عبدالخالق ہزارہ کی جلد صحت یابی کیلئے دعا کی۔﴾﴿﴾﴿﴾﴿خبرنامہ نمبر 71/2025چمن 3 جنوری۔ اسسٹنٹ کمشنر صدر امتیاز علی بلوچ اور رسالدار جہانگیر خان کاکڑ نے چمن کے مختلف علاقوں میں جاری انسداد پولیو مہم کے دوران پولیو ٹیموں اور انکی سیکیورٹی پر مامور لیویز فورس کی کام اور کاکردگی کا جائزہ لیا اس دوران اے سی نے لیویز فورس کو ہدایات دیتے ہوئے کہا کہ ڈیوٹی کے دوران غفلت لاپرواہی اور سستی کا مظاہرہ کرنے والوں کیخلاف سخت کارروائی عمل میں لائی جائے گی اور کہا کہ ڈیوٹی کے دوران الرٹ اور چوکنا رہیں اور پولیو ٹیموں کے ساتھ آخر وقت تک موجود رہیں اس موقع پر اے سی چمن نے والدین کو سمجھاتے ہوئے درخواست کی کہ تمام والدین اپنے 5 سال تک کی بچوں کو پولیو کے دو قطرے ہر بار ضرور پلایں تاکہ ان کے بچے عمر بھر کے معزوری سے محفوظ رہیں چمن میں شدید سردی کے باوجود پولیو مہم آج پانچویں روز کامیابی سے جاری ہے۔﴾﴿﴾﴿﴾﴿خبرنامہ نمبر 72/2025چاغی 3 جنوری۔ ڈپٹی کمشنر چاغی عطائ المنیم نے جمعہ کو گردی جنگل کیمپ کا دورہ کیا، جہاں انہوں نے مقامی بزرگوں سے ملاقات کی اور جاری پولیو مہم کی پیش رفت کا جائزہ لیا دورے کے دوران ڈپٹی کمشنر نے مقامی بزرگوں کے ساتھ ایک نشست کی، جس میں علاقے کے بنیادی مسائل، سہولیات اور سیکیورٹی کے معاملات پر تفصیلی گفتگو کی گئی مقامی رہائشیوں نے اپنے مسائل اور مطالبات پیش کیے، جنہیں ڈپٹی کمشنر نے غور سے سننے کے بعد ان کے حل کے لیے بھرپور تعاون کی یقین دہانی کرائی ڈپٹی کمشنر عطائ المنیم نے پولیو مہم میں شامل ویکسینیشن ٹیموں کی کارکردگی کا جائزہ لیا اور انہیں ہدایت دی کہ وہ 100 فیصد بچوں کو پولیو سے بچاوکے قطرے پلانے کو یقینی بنائیں انہوں نے ٹیموں پر زور دیا کہ وہ عوام میں پولیو ویکسین کے حوالے سے شعور اجاگر کریں تاکہ مہم کامیابی سے ہمکنار ہوعلاقے کی بہتری کے لیے ڈپٹی کمشنر نے متعلقہ محکموں کو فوری اقدامات کی ہدایت کی اور یقین دلایا کہ عوام کے مسائل حل کرنے کے لیے حکومت ہر ممکن اقدامات اٹھائے گی ان کا کہنا تھا کہ حکومت عوام کی فلاح و بہبود کے لیے پرعزم ہے اور ترقیاتی منصوبوں کی تکمیل اولین ترجیح ہے ڈپٹی کمشنر عطائ المنیم کی جانب سے کی گئی اس کاوش کو مقامی آبادی نے سراہا اور امید ظاہر کی کہ ان کے مسائل جلد حل ہوں گے۔﴾﴿﴾﴿﴾﴿
خبرنامہ نمبر73/2025
خبرنامہ نمبر78/2025کوئٹہ 03 جنوری 2025: محکمہ ملازمت ہائے عمومی نظم و نسق کے ایک اعلامیے کے مطابق مجاز اتھارٹی (وزیر اعلیٰ بلوچستان)کی پیشگی منظوری کے ساتھ درج ذیل پوسٹنگ/ ٹرانسفرز عوامی خدمت کے مفاد میں فوری طور پر اور اگلے احکامات تک عمل میں لائی گئی ہیں جس کے مطابق یاسر اقبال دشتی(BCS/B-18) کو ڈپٹی کمشنر خضدار سے ایس اینڈ جی اے ڈی میں رپورٹ کرنے کو کہا اور عبد الوہاب زہری (BCS/B-18) کو ایڈیشنل ڈپٹی کمشنر (جنرل) کو جھل مگسی سے ڈپٹی کمشنر خضدار تعینات کر دیا گیا ہے۔
خبرناامہ نمبر79/2025موسیٰ خیل 03 جنوری 2025:ڈپٹی کمشنر کیپٹن ریٹائرڈ جمعہ داد مندوخیل نے آج لیویز چیک پوسٹ ڈاکیان اور لیویز تھانہ تنگی سر کا دورہ کیا دورے کے دوران انہوں ملازمین کی حاضری اور ان کے کارکردگی کا بغور جائزہ لیا ۔ اس موقع پر انہوں نے سختی سے ہدایات دیتے ہوئے کہا کہ وہ ہر وقت چوکس اور تیار رہیں اور وقت کی پابندی کو یقینی بنائیں اور مشکوک افراد کی نقل و حرکت پر کڑی نظر رکھیں تاکہ کوئی ناخوشگوار واقع رونما نہ ہو انہوں نے مزید کہا کہ لیویز فورس کی کارکردگی براہِ راست عوام کی تحفظ سے جڑی ہوئی ہے۔اس لئے کسی بھی قسم کی غفلت یا کوتاہی ہرگز برداشت نہیں کیجاٸیگی انہوں نے واضح کیا کہ اگر کوئی بھی اہلکار اپنی ذمہ داری میں کوتاہی کا مرتکب پایا گیا تو اس کے خلاف سخت کارروائی عمل میں لائی جائے گی اسکے بعد ڈپٹی کمشنر نے تحصیل کمپلکس درگ کا بھی دورہ کیا اور جاری کام کا جاٸزہ لیا کام کو تسلی بخش قرار دیا اور مزید کام کو بہتر اور جلد از جلد کام کو مکمل کرنے کی ہدایات دی تاکہ اسسٹنٹ کمشنر اپنے دفتر میں بیٹھ کر اپنے فراٸض کی بہتر اداٸیگی کو یقینی بناسکے اور عوام کو ان کی دہلیز پہ انصاف میسر ھو اور عوام موسٰی خیل سفر سے تکالیف سے بچ سکیں ڈپٹی کمشنر نے لیویز تھانہ درگ کا بھی دورہ کیا اور لیویز اہلکاروں کو ہدایات جاری کی کہ وہ اپنے فراٸض بہترین انداز میں ادا کریں مشکوک افراد پہ نظر رکھیں خاص منشیات اور اسلحے کے کاروبار کرنے والے افراد کے خلاف گھیرا تنگ کریں اور ان کے خلاف سخت ایکشن لیں لیویز اہلکاران نے یقین دلایا کہ وہ کسی قسم کی کوتاہی نہیں کرینگے۔
خبرنامہ نمبر80/2025
مسلم باغ3 جنوری،2025:
ڈائریکٹر جنرل بلوچستان فوڈ اتھارٹی عتیق اللہ خان کی خصوصی ہدایت پر فوڈ اتھارٹی کی زونل انسپیکشن ٹیم نے مسلم باغ کے مختلف علاقوں میں موبائل لیب کے ہمراہ ملک شاپس و مختلف کھانے پینے کے مراکز کامعائنہ کیا۔ دوران انسپیکشن دودھ میں ملاوٹ پر تین ملک شاپس جبکہ صفائی اور ایس او پیز کی خلاف ورزی سمیت مختلف وجوہات پر کل 9 کھانے پینے کے مراکز پر جرمانے عائد کیے گئے۔ترجمان بی ایف اے کے مطابق مسلم باغ میں عوامی شکایات کے ازالے کیلئے دودھ کے معیار کی جانچ کے لیے کوئٹہ ہیڈ کوارٹر سے بھیجی گئی موبائل لیب کے ذریعے دکانوں سے نمونے حاصل کر کے موقع پر ٹیسٹ کیے گئے۔ معائنے کے دوران ملاوٹ شدہ دودھ فروخت کرنے والے دکانداروں کے خلاف پانی اور خشک پاؤڈر کی آمیزش کے علاوہ دکانوں میں صفائی کی ناقص صورتحال پر کارروائی کی گئی۔علاوہ ازیں 3 گوشت فروشوں کو صفائی کی خراب صورتحال اور گوشت اسٹوریج کے ناقص انتظامات پر جرمانہ کیا گیا جبکہ دو جنرل اسٹورز سے زائد المعیاد جوس اور پیکٹ مصالحے برآمد ہوئے جنہیں موقع پر تلف کر کے دکانداروں کو جرمانہ کیا گیا۔
خبرنامہ نمبر 81/2025خضدار:3 جنوری2025: صوبائی وزیر بلدیات سردار کوہیار خان ڈومکی کی چیف آفیسر میونسپل کارپوریشن خضدار کا دورہ کیا اس موقع پر سردار زادہ دینار ڈومکی بھی ان کے ہمراہ تھے ۔ چیف آفیسر میونسپل کارپوریشن خضدار وڈیرہ صالح جاموٹ نے صوبائی وزیر کو کارپوریشن کے حوالے سے مکمل بریفنگ دی ۔صوبائی وزیر نے محکمہ بلدیات کو مذید ترقی دینے اور منصوبے لانے کے عزم کا اظہار کیا اور مختلف امور پر گفتگو کی انہوں نے میونسپل کارپوریشن خضدار کی کارکردگی کو سراہادریں اثنا انجمن تاجران خضدار کے صدر حافظ حمیداللہ مینگل نے جمعرات کے روز صوبائی وزیر بلدیات سردار کوہیار خان ڈومکی سے ملاقات کی انہیں خضدار آنے پر خوش آمدید کہا اور ڈومکی قبیلے کے سربراہ بننے پر مبارکباد پیش کی ۔ صوبائی وزیرِ بلدیات سردار کوہیار خان ڈومکی حافظ حمیداللہ مینگل سے گفتگو کرتے ہوئے کہاکہ ان کی نمائندگی عوام ہی کے لئے ہے اور وہ اپنی تمام تر صلاحیتیں عوام کے مسائل و مشکلات کے حل کے لئے صرف کرکے ان کے اعتماد پر پورا اترنے کی کوشش کریں گے۔اس موقع پرسردار بلند خان غلامانی جمیل قادر زہری و دیگر نے صوبائی وزیر سے ملاقات کی۔
خبرنامہ نمبر82/2025گوادر/ پسنی03جنوری2025 :تٔحصیل پسنی کے علاقے کلمت میں اسسٹنٹ کمشنر مہیم خان گچکی کی قیادت میں ایک اہم کھلی کچہری کا انعقاد کیا گیا، جس میں لائن ڈیپارٹمنٹس کے افسران، مقامی عوامی نمائندے، شہریوں، پاک آرمی اور پاک نیوی کے افسران نے شرکت کی۔ اس کھلی کچہری کا مقصد عوامی مسائل کو براہ راست سننا اور ان کے حل کے لیے اقدامات اٹھانا تھا۔کھلی کچہری میں سب سے اہم موضوع تعلیم کے مسائل رہا۔ شہریوں نے شکایت کی کہ کلمت میں گورنمنٹ گرلز اور بوائز اسکولز میں اساتذہ کی کمی، ناکافی کلاس رومز، چار دیواری، پانی کی ٹینکیاں اور بجلی کی سہولتوں کا فقدان ہے۔ مزید برآں، مضافاتی علاقوں جیسے جونز اور بل میں سرکاری اسکولوں کی عدم موجودگی کی نشاندہی کی گئی، جہاں صرف این جی اوز کے رضاکار اساتذہ خدمات انجام دے رہے ہیں۔ عوام نے ان علاقوں میں سرکاری اسکولوں کے قیام کا مطالبہ کیا۔شہریوں نے صاف پانی کی قلت پر گہری تشویش کا اظہار کیا۔ انہوں نے بتایا کہ کلمت کا اہم ذریعہ آب رسانی ایک ڈیم ہے جو ٹوٹ پھوٹ کا شکار ہے۔ عوام نے مطالبہ کیا کہ پانی کی فراہمی کے لیے واٹر ٹینکرز کا انتظام کیا جائے۔ پبلک ہیلتھ کے انجینئر نے شرکا کو یقین دہانی کرائی کہ کلمت کو روزانہ ٹینکرز کے ذریعے پانی سپلائی کیا جا رہا ہے۔عوام نے شکایت کی کہ 24 گھنٹوں میں سے صرف 6 گھنٹے بجلی فراہم کی جاتی ہے، اور بجلی کی ترسیل کا نظام، جیسے ٹرانسفارمرز، کھمبے اور لائنز، انتہائی ناقص ہیں۔ شہریوں نے نئے ٹرانسفارمرز اور بہتر نظام کی فراہمی کا مطالبہ کیا۔صحت کے حوالے سے عوام نے بی ایچ یو کی عمارت کی خستہ حالی اور دوائیوں کی قلت پر روشنی ڈالی۔ شہریوں کا کہنا تھا کہ موجودہ دوائیاں آبادی کے تناسب سے ناکافی ہیں، جس کے باعث بیمار افراد کو شدید مشکلات کا سامنا ہے۔عوام نے علاقے کی خستہ حال سڑکوں کی تعمیر و مرمت کا مطالبہ کیا۔ماہی گیروں نے سمندری حدود میں غیر قانونی ٹرالنگ پر تشویش ظاہر کی، جو سمندری حیات کے لیے خطرہ اور ماہی گیروں کی روزی پر منفی اثر ڈال رہی ہے۔ اس موقع پر محکمہ فشریز کے اسسٹنٹ ڈائریکٹر اور نیوی کے افسران نے غیر قانونی ٹرالنگ روکنے کے لیے سخت اقدامات کی یقین دہانی کرائی، جبکہ اسسٹنٹ ڈائریکٹر فشریز کو فوری کارروائی کے احکامات جاری کیے گئے۔عوام نے سمندری کٹاؤ سے تحفظ کے لیے پروٹیکشن وال کی تعمیر اور سرکاری لائبریری کے قیام کا مطالبہ کیا۔ طلبہ نے بتایا کہ تقریباً 90 کے قریب طلبہ مطالعے کے لیے لائبریری کے منتظر ہیں۔اس موقع پر اسسٹنٹ کمشنر مہیم خان گچکی نے عوام کو یقین دلایا کہ ان مسائل کے حل کے لیے متعلقہ حکام سے رابطہ کیا جائے گا اور جلد عملی اقدامات اٹھائے جائیں گے۔ کھلی کچہری میں عوام نے مسائل سننے اور ان کے حل کے لیے بھرپور تعاون پر انتظامیہ کا شکریہ ادا کیا۔
[: خبرنامہ نمبر83/2025کراچی 03 جنوری2025: گورنر بلوچستان جعفرخان مندوخیل نے ہزارہ ڈیموکریٹک پارٹی کے سربراہ اور سابق صوبائی وزیر عبدالخالق ہزارہ پر حملہ کی شدید الفاظ مذمت کی ہے. اپنے ایک بیان میں گورنر بلوچستان نے کہا کہ عبدالخالق ہزارہ ایک سیاسی شخصیت ہیں لہٰذا ان کو علاج معالجے کی فوری طور پر تمام طبی سہولیات فراہم کرنے کی خصوصی ہدایت بھی کی. گورنر بلوچستان جعفرخان مندوخیل نے عبدالخالق ہزارہ کی جلد صحت یابی کیلئے نیک تمناؤں کا اظہار کیا
خبرنامہ نمبر 2024/84گوادر3جنوری :ـایڈیشنل ڈپٹی کمشنر (جنرل) ڈاکٹر عبدالشکور کی زیر صدارت انسداد پولیو مہم کے پانچویں روز کے سیکنڈ اور آخری کیچ اپ ڈے کا اہم اجلاس منعقد ہوا۔ اجلاس میں ڈسٹرکٹ ہیلتھ آفیسر ڈاکٹر عبداللطیف دشتی، ڈبلیو ایچ او کے نمائندے ڈاکٹر ظفر اقبال، اور دیگر متعلقہ اسٹیک ہولڈرز نے شرکت کی۔اجلاس کے دوران انسداد پولیو مہم کے دوران درپیش چیلنجز اور آئندہ کے لیے حکمت عملی پر تبادلہ خیال کیا گیا۔ بتایا گیا کہ مہم کے دوران سوشل موبلائزیشن اور آگاہی مہم کی کمی محسوس کی گئی، جس کے نتیجے میں انکاری والدین اور غیر دستیاب بچوں کی تعداد میں اضافہ ہوا۔ اجلاس میں عزم کیا گیا کہ آئندہ مہم سے قبل سوشل موبلائزیشن اور وسیع پیمانے پر آگاہی مہم کا آغاز کیا جائے گا تاکہ زیادہ سے زیادہ بچوں کو ویکسین فراہم کی جا سکے۔اجلاس میں فراہم کردہ معلومات کے مطابق، مہم کے دوران 12 والدین نے بچوں کو ویکسین دلوانے سے انکار کیا، جبکہ 144 بچے غیر دستیاب رہے۔ ڈسٹرکٹ ہیلتھ آفیسر کو ہدایت کی گئی کہ ان انکاری والدین اور غیر دستیاب بچوں کو فوری طور پر کور کرنے کے لیے اقدامات کریں۔اجلاس میں مہم کے دوران سیکیورٹی انتظامات پر بھی گفتگو ہوئی۔ شرکاء کو بتایا گیا کہ مہم کے زیادہ تر دنوں میں سیکیورٹی انتظامات تسلی بخش نہیں رہے، تاہم ایک دن میں مناسب سیکیورٹی رہی ہے، اس کے علاوہ یو سی ایم اوز نے بتایا کہ ان کے پاس سیکیورٹی ایا ہی نہیں ہے۔اس دوران ایڈیشنل ڈپٹی کمشنر اجلاس میں بتایا کہ آئندہ کے انسدا پولیو مہم کے دوران سیکیورٹی کو بہتر بنائیں گے۔اجلاس میں زیرو ڈوز بچوں کے مسئلے پر بھی بات چیت ہوئی۔ ڈسٹرکٹ ہیلتھ آفیسر کو ہدایت کی گئی کہ وہ فوری طور پر زیرو ڈوز بچوں کے اعداد و شمار کو مکمل کریں اور انہیں ویکسین فراہم کریں۔اجلاس کے اختتام پر ایڈیشنل ڈپٹی کمشنر ڈاکٹر عبدالشکور نے تمام متعلقہ حکام کو مہم کے دوران درپیش چیلنجز کو جلد از جلد حل کرنے کی ہدایت کی اور آئندہ کے لیے جامع حکمت عملی تیار کرنے پر زور دیا۔ اجلاس میں تمام شرکاء نے مہم کو مزید مؤثر اور کامیاب بنانے کے عزم کا اظہار کیا۔
