خبرنامہ نمبر7943/2024
کوئٹہ23 دسمبر2024: بلوچستان ہائی کورٹ کے جج جسٹس عبداللہ بلوچ پر مشتمل الیکشن ٹریبونل نے صوبائی اسمبلی کے حلقہ پی بی -31 سے جمیعت علمائے اسلام ف کے رہنما میر زابد ریکی کی کا میابی کے خلاف میر مجیب الرحمٰن محمد حسنی کی جانب سے دائر کردہ انتخابی عذرداری کیس کا محفوظ فیصلہ سنایا.فیصلے کے مطابق جسٹس عبداللہ بلوچ نے میر مجیب الرحمٰن محمد حسنی کی جانب سے دائر کردہ انتخابی عذرداری درخواست ناکافی اور ناقص شواہد اور عدم ثبوت کی بنیاد پر خارج کرنے کا حکم دیا۔
دریں اثناء جسٹس عبداللہ بلوچ نے میر زابد ریکی کی انتخابات میں جیت کو برقرار رکھا۔ میر زابد ریکی کی جانب سے کامران مرتضیٰ ایڈووکیٹ،قاضی نجیب ایڈووکیٹ اور بلوچ خان ایڈووکیٹ جبکہ الیکشن کمیشن کی جانب سے اسسٹنٹ ڈائریکٹر شہزاداسلم اور نصیر احمد نے کیس کی پیروی کی ۔
Financial year 2025-26 budget of the Province, Balochistan is an outlook of care for the…