10-05-2025

خبرنامہ نمبر 3472/2025
کوئٹہ۔ 10 مئی۔وزیر اعلیٰ بلوچستان میر سرفراز بگٹی نے بھارتی جارحیت کے خلاف پاک فوج اور فضائیہ کے دندان شکن جواب پر افواج پاکستان کو خراج تحسین پیش کیا ہے اپنے ایک بیان میں وزیراعلیٰ نے کہا کہ پاک فوج اور فضائیہ نے بھرپور انداز سے دشمن کو مؤثر جواب دیا ہے آپریشن بنیان المرصوص پاک افواج اور فضائیہ کی پیشہ ورانہ صلاحیتوں کا اعتراف ہے انہوں نے کہا کہ ہماری افواج ہمارا فخر ہے جنہوں نے ہمیشہ ملکی دفاع اور سالمیت کے لیے سرزمین پاکستان اور اسکے سرحدوں کی حفاظت کی ہے وزیر اعلیٰ نے کہا کہ پاکستان ایک امن پسند ملک ہے لیکن کسی بھی بیرونی جارحیت کا منہ توڑ جواب دینے کی صلاحیت رکھتا ہے پاکستان نے سفارتی محاذ پر بھی عالمی برادری کو بھارت کے ناپاک عزائم سے آگاہ کیا ہے وزیر اعلیٰ نے کہا کہ آپریشن بنیان المرصوص قومی یکجہتی اور وحدت کا عملی ثبوت ہے پوری قوم اپنے افواج کے شانہ بشانہ کھڑی ہے اور دشمن کسی غلط فہمی میں نہ رہے کہ وہ اپنے ناپاک عزائم میں کامیاب ہوگا وزیر اعلیٰ نے کہا کہ پاکستان ہمیشہ زندہ باد۔

خبرنامہ نمبر 3473/2025
وزیر اعلیٰ بلوچستان میر سرفراز بگٹی نے کہا ہے کہ پاکستان نے بھارتی جارحیت کا بھرپور اور فیصلہ کن جواب دے کر نہ صرف اپنی عسکری برتری ثابت کی بلکہ دشمن کو پسپائی اختیار کرنے پر مجبور کر دیا سماجی رابطے کی سائٹ ایکس (سابق ٹوئٹر) پر اظہار خیال کرتے ہوئے میر سرفراز بگٹی نے کہا کہ ہماری مسلح افواج، بالخصوص پاک فضائیہ نے جس مہارت، دلیری اور پیشہ ورانہ ذمہ داری کا مظاہرہ کیا وہ قابلِ فخر اور قوم کے لیے باعثِ اطمینان ہے وزیر اعلیٰ بلوچستان نے کہا کہ بھارتی حدود کے اندر گہرائی میں کی گئی مؤثر اور درست کارروائی نے دشمن کو نہ صرف حیرت زدہ کیا بلکہ اسے غیر ملکی قوتوں سے جنگ بندی کے لیے مداخلت کی اپیل پر مجبور کر دیا انہوں نے کہا کہ پاکستان کا یہ مضبوط اور فوری ردعمل اس بات کا واضح پیغام ہے کہ ہماری قوم دشمن کی کسی بھی مہم جوئی کا فوری، بھرپور اور مؤثر جواب دینے کی مکمل صلاحیت رکھتی ہے انہوں نے کہا کہ اس عظیم کامیابی پر سیاسی و عسکری قیادت، افواجِ پاکستان اور پوری قوم کو دلی مبارکباد پیش کرتے ہیں میر سرفراز بگٹی نے کہا کہ پوری قوم نے جس اتحاد، یگانگت اور عزم کا مظاہرہ کیا وہ وطن سے سچی وابستگی کا ثبوت ہے وزیر اعلیٰ بلوچستان نے ان سپاہیوں اور شہریوں کو بھی خراجِ عقیدت پیش کیا جنہوں نے مادرِ وطن کے تحفظ کے لیے اپنی جانوں کا نذرانہ پیش کیا ان کا کہنا تھا کہ شہداء کی یہ قربانیاں ہمیشہ یاد رکھی جائیں گی اور انہی کی بدولت آج پاکستان ایک مضبوط اور خوددار ملک کے طور پر ابھر رہا ہے.

خبرنامہ نمبر 3474/2025
صوبائی وزیر صنعت و تجارت بلوچستان سردار کوہیار خان ڈومکی نے پاک بھارت سیز فائر کا خیر مقدم کرتے ہوئے پاک افواج کی جرات مندانہ کارروائیوں پر انہیں زبردست خراجِ تحسین پیش کیا ہے اپنے ایک بیان میں انہوں نے کہا کہ پاکستان نے ایک بار پھر دنیا پر یہ ثابت کر دیا ہے کہ وہ کسی بھی جارحیت کا منہ توڑ جواب دینے کی مکمل صلاحیت رکھتا ہے سردار کوہیار خان ڈومکی نے کہا کہ پاک فضائیہ کے شاہینوں نے نہ صرف دشمن پر بلکہ پوری دنیا پر اپنی صلاحیتوں کا لوہا منوا لیا ہے۔ رافیل جیسے جدید اور مہنگے طیارے کو مار گرانا ایک تاریخی کارنامہ ہے، جس نے نہ صرف دشمن کے غرور کو خاک میں ملایا بلکہ دنیا کو بھی حیران کر دیا انہوں نے کہا کہ اللہ کی نصرت اور قوت ایمانی ہماری مسلح افواج کا حقیقی اثاثہ ہیں، جو ہر محاذ پر انہیں کامیابیاں عطا کرتی ہیں۔ سردار کوہیار کا کہنا تھا کہ شہادت ایک مومن کے لیے اللہ تعالیٰ کا عطا کردہ افضل ترین انعام ہے، اور یہی سوچ ہماری افواج کے عزم و ہمت کا سرچشمہ ہے صوبائی وزیر نے کہا کہ اس حالیہ جنگی محاذ پر کامیابی قوم کے لیے باعثِ فخر ہے، اور اس موقع پر آرمی چیف جنرل سید عاصم منیر، دیگر عسکری سربراہان اور ہر جوان شاباش کے مستحق ہیں، جنہوں نے جرات، حکمت اور پیشہ ورانہ مہارت سے دشمن کے ناپاک عزائم خاک میں ملا دیے سردار کوہیار خان ڈومکی نے مزید کہا کہ بھارت کو اب سبق سیکھ لینا چاہیے اور امید ہے کہ مودی سرکار دوبارہ پاکستان کے خلاف کسی مہم جوئی کی جرأت نہیں کرے گی۔ انہوں نے کہا کہ دشمن مخالف جنگ میں جس قومی اتحاد اور یکجہتی کا مظاہرہ دیکھنے میں آیا، وہ واقعی قابلِ دید اور پاکستان کے روشن مستقبل کی ضمانت ہے۔

خبرنامہ نمبر 3475/2025
کوئٹہ 10 مئی 2025: صوبائی مشیر برائے کھیل و امورِ نوجوانان محترمہ مینا مجید بلوچ نے کہا ہے کہ وطن عزیز پاکستان کی جانب سے شروع کیے گئے آپریشن بنیان مرصوص کا آغاز درحقیقت پاکستانی عوام کے دل کی آواز اور ایک دیرینہ قومی خواہش کی تکمیل ہے۔ دشمن کی جانب سے شب خون مارنے کی بزدلانہ کوشش نہ صرف بین الاقوامی قوانین کی صریح خلاف ورزی تھی بلکہ اس نے خطے کے امن کو داؤ پر لگا دیا۔ لیکن تاریخ گواہ ہے کہ جب بھی ہمارے قومی وقار، سلامتی اور خودمختاری کو للکارا گیا، پاکستان کی افواج نے جرات و بہادری کی نئی مثالیں قائم کیں۔ اپنے جاری بیاں میں انکا کہنا تھا کہ آپریشن بنیان مرصوص نہ صرف ایک عسکری کارروائی ہے بلکہ یہ پاکستان کے پُرامن عزائم اور مضبوط دفاع کا مظہر بھی ہے۔ دشمن کو یہ پیغام دینا ناگزیر تھا کہ ہم امن چاہتے ہیں، لیکن اگر ہمارے امن کو کمزوری سمجھا گیا تو ہم بھرپور جواب دینے کی بھرپور صلاحیت رکھتے ہیں۔ بھارتی جارحیت کا منہ توڑ جواب دے کر پاک افواج نے یہ واضح کر دیا ہے کہ پاکستان کی سرزمین پر میلی نظر ڈالنے والا ہر قدم پچھتائے گا۔ ان کا مزید کہنا تھا کہ پاکستانی افواج نے دشمن کی اہم تنصیبات پر کامیاب حملے کر کے نہ صرف دشمن کے ناپاک عزائم خاک میں ملا دیے بلکہ پوری قوم کا سر فخر سے بلند کر دیا۔ یہ آپریشن اس بات کی دلیل ہے کہ پاکستان کا دفاع ناقابل تسخیر ہے، اور پوری قوم، بالخصوص ہماری نوجوان نسل، اپنی افواج کے شانہ بشانہ کھڑی ہے۔ انکا مزید کہنا تھا کہ میں بطور مشیر کھیل و امورِ نوجوانان اس بات پر فخر کرتی ہوں کہ ہماری نوجوان نسل میں حب الوطنی کا جذبہ پوری شدت سے موجود ہے۔ ہمارے نوجوان نہ صرف کھیلوں کے میدان میں بلکہ قوم کے ہر محاذ پر ملک کا نام روشن کرنے کے لیے تیار ہیں۔ آج ہمیں یکجہتی، عزم، اور اتحاد کی پہلے سے کہیں زیادہ ضرورت ہے، اور اللہ کے فضل و کرم سے قوم کے یہ سپوت ہر چیلنج کا سامنا کرنے کے لیے ہمہ وقت تیار ہیں جبکہ میں اپنے دل کی گہرائیوں سے پاک افواج کو خراجِ تحسین پیش کرتی ہوں جنہوں نے ایک بار پھر دنیا کو یہ بتا دیا کہ پاکستان ایک پرامن لیکن غیرت مند اور خودمختار ریاست ہے۔
خبرنامہ نمبر 3476/2025
ضلع حب 10مئی :صدرمملکت آصف علی زرداری کے ترجمان برائے بلوچستان صوبائی وزیر زراعت میر علی حسن زہری کی ہدایت پر بھارت کی حالیہ جارحیت کے خلاف پیپلزپارٹی اورمسلم لیگ ن کی مشترکہ ریلی کا انعقاد کیا گیا چیرمین ضلع کونسل جاویدجمالی صوباء وزیرکے پرسنل سیکرٹری میر علی اصغر زہری پیپلزپارٹی رہنماحاجی ملوک بنگلزئی اور میئرحب وڈیرہ بابوفیض شیخ کی زیرقیادت ہزاروں افرادنے ریلی میں شرکت کی ریلی کے شرکاء نے افواج پاکستان کے شہداء کی قربانیوں کو خراج تحسین پیش کرتے ہوئے کہا کہ ملکی وقارکی سربلندی کیلئے افواج پاکستان کے شہداء کی قربانیاں رائیگاں نہیں جائینگی ریلی سے چیئرمین ضلع کونسل جاویدجمالی نے اپنے خطاب میں کہا کہ اللہ کی نصرت سے پاک آرمی ایئرفورس اور نیوی مل کر ہندوستان کی اینٹ سے اینٹ بجادیں گے ہندو فوج کی چیخیں پوری دنیا سن لے گی انہوں نے کہا کہ افواج پاکستان کے ادارے دشمن کے سامنے سیسہ پلاء دیوار بن کرکھڑے ہیں پوری قوم افواج پاکستان کے پشت پر کھڑی ہے دشمن کو وہ سبق سیکھائیں گے کہ جو تاریخ میں یاد رکھا جائے گا مودی حکومت نے کس کو للکارا ھے ریلی کے شرکاء سے دیگر مقررنین میئر حب وڈیرہ بابو فیض محمد شیخ قباِئلی شخصیت حاجی ملوک بنگلزء صوباء وزیرکیفوکل پرسن شریف پالاری نے اپنے خطاب میں کہا کہ ریلی میں محب وطن شہریوں نیبھرپور شرکت کر کے اپنے قومی اتحاد کا عملی مظاہرہ کیاہیافواج پاکستان کے سپہ سالارآرمی چیف عاصم منیرکی قیادت میں مسلح افواج دشمن کامقابلہ کرنے اوراسے شکست فاش دینے کیلئیملکی سلامتی کے ادارے الرٹ ہیں اہل بلوچستان بھی افواج پاکستان کی کامیابی کیلئے دعاگوہیں کارریلی پیپلزپارٹی سیکرٹریٹ سے شروع ہوکر لسبیلہ پریس کلب پر اختتام پزیرہوئے.

خبرنامہ نمبر 3477/2025
تربت 10 مئی2025:سپرنٹنڈنٹ آف پولیس کیچ کیپٹن (ر) زوہیب محسن کے زیر صدارت امن و امان کے قیام اور کرائم کنٹرول پر اعلیٰ اجلاس منعقد ھوا اجلاس میں ضلع بھر کے ایس ڈی پی اوز، ایس ایچ اوز اور دیگر پولیس افسران نے شرکت کی۔ اجلاس کا مقصد امن و امان کے قیام، جرائم کے سدباب اور جاری مقدمات کی پیش رفت کا تفصیلی جائزہ لینا تھا اجلاس میں تمام افسران سے سنگین نوعیت کے مقدمات کی فرداً فرداً رپورٹ طلب کی اور ناقص کارکردگی کے حامل افسران کو سخت وارننگ جاری کرتے ہوئے ایک ہفتے کے اندر مؤثر پیش رفت یقینی بنانے کی ہدایت دی۔ ایس پی کیچ نے زور دیا کہ پولیس کی اولین ترجیح عوام کے جان و مال کا تحفظ اور علاقے میں پائیدار امن کا قیام ہے۔ افسران کو ہدایت کی گئی کہ وہ اپنی ذمہ داریاں دیانت داری، فرض شناسی اور پیشہ ورانہ مہارت کے ساتھ انجام دیں تاکہ ضلع بھر میں امن و استحکام کو مزید مضبوط بنایا جا سکے.

خبرنامہ نمبر 3478/2025
تربت10مئی 2025:چیئرمین میونسپل کارپوریشن بلخ شیر قاضی کی قیادت میں میونسپل کارپوریشن تربت کی جانب سے شہر میں صفائی، نکاسی آب اور ماحولیاتی بہتری کے لیے ایک منظم مہم جاری ہے۔ اس سلسلے میں چیئرمین تربت نے گزشتہ روز سنگانی سر ہسپتال محلہ کا دورہ کیا اور سیوریج لائن کی صفائی کے کام کا تفصیلی معائنہ کیا انہوں نے موقع پر موجود صفائی عملے کی کارکردگی کو سراہتے ہوئے ان کی پیشہ ورانہ محنت اور جذبے کی تعریف کی، اور کہا کہ شہریوں کو صاف اور صحت مند ماحول فراہم کرنا میونسپل کارپوریشن کی بنیادی ذمہ داری ہے جسے ہر ممکن وسعت کے ساتھ نبھایا جائے گا اس موقع ایڈووکیٹ قاسم گاجیزئی سمیت دیگر بھی ان کے ہمراہ تھے جنہوں نے صفائی مہم پر اطمینان کا اظہار کیا۔ عوامی حلقوں نے اس اقدام کو خوش آئند قرار دیتے ہوئے چیئرمین میونسپل کارپوریشن سے صفائی، نکاسی آب اور دیگر بلدیاتی مسائل کے حل کے لیے تسلسل کے ساتھ عملی اقدامات جاری رکھنے کا مطالبہ کیاچئیرمین تربت نے اس موقع پر یقین دہانی کرائی کہ شہر کی بہتری کے لیے ہر ممکن اقدامات کیے جائیں گے اور شہریوں کے مسائل ترجیحی بنیادوں پر حل کیے جائیں گے۔

خبرنامہ نمبر 3479/2025
پنجگور 10 مئی 2025:ورلڈ تھیلیسیمیا ڈے کے موقع پر پنجگور میں تھیلیسیمیا سے متعلق آگاہی کے لیے واک اور تقریب کا انعقاد کیا گیا۔ واک کا آغاز گرلز ہائی اسکول چتکان سے ہوا جو بازار کی مختلف گلیوں سے گزرتی ہوئی بسم اللہ چوک پر اختتام پذیر ہوئی، جہاں تھیلیسیمیا سے متاثر بچوں اور ان کے والدین سمیت بڑی تعداد میں شہریوں نے شرکت کی بعدازاں ٹیچنگ اسپتال پنجگور میں ایک تقریب منعقد ہوئی جس میں کمانڈنٹ پنجگور رائفلز بریگیڈیئر عارف وسیم راجہ، ایم ایس ڈاکٹر وزیر احمد، اے سی زاہد شاہوانی، ڈی پی او آصف مستوہی سمیت دیگرافسران اور سماجی کارکنان، والدین اور متاثرہ بچے شریک ہوئے تقریب میں اس موروثی مرض سے متعلق آگاہی کی کمی پر تشویش کا اظہار کیا گیا اور شادی سے قبل تھیلیسیمیا کیرئیر ٹیسٹ کو ضروری قرار دیا گیا۔ اس موقع پر بریگیڈیئر عارف وسیم راجہ نے 25 مستحق مریضوں میں 30،000 روپے فی کس نقد امداد تقسیم کی اور قندیل تھیلیسیمیا کیئر سینٹر کے لیے 5 لاکھ روپے امداد کا اعلان کیا۔ قندیل سینٹر کی ٹیم نے بتایا کہ پنجگور میں اس وقت 225 سے زائد بچے تھیلیسیمیا کا شکار ہیں، جنہیں ماہانہ خون کی ضرورت پڑتی ہے۔ سینٹر اب تک 100 بچوں کا علاج پشاور اور کراچی میں کروا چکا ہے، جن میں سے 90 بچوں کو اب باقاعدہ خون کی ضرورت نہیں رہی۔

خبرنامہ نمبر 3480/2025
پنجگور 10 مئی 2025:بھارتی جارحیت اور عام شہریوں پر بلاجواز حملوں کے خلاف پنجگور میں ضلعی انتظامیہ اور سول سوسائٹی کی جانب سے پاک فوج سے اظہارِ یکجہتی کے لیے ایک احتجاجی ریلی نکالی گئی۔ ریلی کی قیادت اسسٹنٹ کمشنر گوارگو آغا ظفر بلوچ نے کی، جس میں طلباء، اساتذہ اور مختلف مکاتبِ فکر سے تعلق رکھنے والے افراد نے شرکت کی ریلی ڈپٹی کمشنر آفس سے شروع ہو کر ماڈل چوک تک ھوتے ھوئے مختلف شاہراہوں سے گزرتا ھوا میں چوک پر جلسہ کا شکل خیر کرگیا اس موقع پر اے سی گوارگو آغا ظفر بلوچ اور ڈسٹرکٹ ایجوکیشن آفیسر سعید اکبر بلوچ نے خطاب کرتے ہوئے کہا کہ پاکستان ایک پرامن ملک ہے، لیکن اگر اس کی خودمختاری یا شہریوں پر حملہ کیا گیا تو اس کا بھرپور جواب دیا جائے گا۔ انہوں نے بھارتی اقدامات کو بزدلانہ اور دہشت گردی قرار دیتے ہوئے کہا کہ پاکستانی عوام اپنے ملک کے دفاع کے لیے ہر وقت تیار ہیں۔

خبرنامہ نمبر 3481/2025
تربت/تمپ 10 مئی 2025 گورنمنٹ ڈگری کالج تمپ میں پرنسپل پروفیسر داو?د کی زیرِ صدارت والدین کمیٹی کا اجلاس منعقد ہوا جس میں والدین کے ساتھ ساتھ مقامی عمائدین نے بھی شرکت کی اور مثبت ردِ عمل کا اظہار کیا اجلاس میں ڈویژنل مانیٹرنگ آفیسر مکران، پروفیسر برکت اسماعیل نے کی خصوصی طور پر شرکت کی جنہوں نے طلباء کی تعلیمی اور سماجی تربیت میں والدین کے کلیدی کردار پر زور دیا۔ انہوں نے حاضری، نظم و ضبط اور کردار سازی کے معاملات میں والدین اور ادارے کی مشترکہ ذمہ داری کو اجاگر کیا اور دستیاب وسائل میں مل کر کام کرنے کی ضرورت پر زور دیا آجلاس کو کالج پرنسپل پروفیسر داو?د نے کالج کی تعلیمی پیشرفت اور درپیش چیلنجز پر تفصیلی بریفنگ دی، جس پر والدین نے کالج کی کاوشوں کو سراہا اور ڈی ایم او و اے ڈی ایم او کا اجلاس میں شرکت پر شکریہ ادا کیا آجلاس میں متفقہ طور پر فیصلہ کیا گیا کہ طلباء اور ادارے کی بہتری کے لیے والدین اور کالج انتظامیہ مل کر تعاون جاری رکھیں گے۔

خبرنامہ نمبر 3482/2025
سبی 10 مئی :کمشنر سبی ڈویژن سید زاہد شاہ اور ضلعی انتظامیہ کے تعاون سے ڈسٹرکٹ فٹبال ایسوسی ایشن کے زیر اہتمام جشن سبی میلہ 2025 کی مناسبت سے گزشتہ شام آل بلوچستان جشن سبی چیلنج کپ فٹبال ٹورنامنٹ اختتام پزیرہوگیا۔ ٹورنامنٹ میں بلوچستان بھر سے 08 ٹیموں نے شرکت کی۔فائنل میچ افغان فٹبال کلب چمن اور خروٹ آباد کوئٹہ کے درمیان کھیلا گیا۔سنسنی خیز مقابلے کے بعد چمن کی ٹیم نیفائنل میچ جیت لیا۔ اس موقع پر کمشنر سبی ڈویژن سید زاہد شاہ مہمان خصوصی تھے۔فائنل میچ کے موقع پر صدر فٹبال ایسوسی ایشن منیر احمد رند کے علاوہ بڑی تعداد میں تماشائی موجود تھے۔ کمشنر سبی سید زاہد شاہ نے جیتنے والی ٹیم اور رنر اپ کو ٹرافیاں تقسیم کیں اور فٹبال ایسوسی ایشن سے منسلک لوگوں میں انعامات تقسیم کیے گئے فٹبال ایسوسی ایشن کے صدر نے کمشنر سبی کو سوئنیر بھی پیش کیا۔

خبرنامہ نمبر 3483/2025
کوئٹہ۔ 10مئی:صوبائی وزیر خزانہ ومعدنیات میر شعیب نوشیروانی نے بھارتی جارحیت کے خلاف پاک فوج اور فضائیہ کی بروقت اور موثر کارروائی کو سراہتے ہوئے کہا ہے کہ دشمن کی ناپاک سازشوں کو ناکام بنانے میں ہماری مسلح افواج نے ایک بار پھر اپنی پیشہ ورانہ مہارت، جرات اور عزم کا شاندار مظاہرہ کیا ہے۔اپنے ایک بیان میں میرشعیب نوشیروانی نے کہا کہ آپریشن بنیان المرصوص قومی وقار، یکجہتی اور دفاع وطن کے لیے افواج پاکستان کے غیر متزلزل عزم کا مظہر ہے۔ انہوں نے کہا کہ اس آپریشن کے ذریعے دشمن کو واضح پیغام دیا گیا ہے کہ پاکستان اپنی خودمختاری اور سرحدوں کے تحفظ کے معاملے میں کسی بھی مہم جوئی کو برداشت نہیں کرے گا۔وزیر خزانہ نے کہا کہ پاکستان ایک پرامن ملک ہے، لیکن دفاع وطن کے لیے ہر حد تک جانے کی صلاحیت اور ارادہ رکھتا ہے۔ انہوں نے اس امر پر اطمینان کا اظہار کیا کہ پاکستان نے نہ صرف عسکری میدان میں بلکہ سفارتی محاذ پر بھی مؤثر انداز سے بھارت کے توسیع پسندانہ عزائم کو بے نقاب کیا ہے۔میر شعیب نوشیروانی نے کہا کہ پوری قوم پاک فوج، فضائیہ اور دیگر سیکیورٹی اداروں کے ساتھ سیسہ پلائی دیوار کی طرح کھڑی ہے، اور ہر پاکستانی دشمن کے عزائم کو خاک میں ملانے کے لیے تیار ہے۔انہوں نے اس موقع پر شہداء کو خراج عقیدت پیش کرتے ہوئے کہا کہ ان کی قربانیاں ہمارے لیے مشعل راہ ہیں، اور ملکی دفاع کے لیے ان کا عزم و حوصلہ قابل تحسین ہے۔صوبائی وزیر خزانہ نے دشمن کو متنبہ کرتے ہوئے کہا کہ کسی بھی قسم کی مہم جوئی یا غلط فہمی کی صورت میں اسے سنگین نتائج بھگتنا ہوں گے، کیونکہ ہم پاکستانی ایک مضبوط، متحد اور باوقار قوم ہیں۔

خبرنامہ نمبر 3484/2025
کوئٹہ 10 مئی۔ڈپٹی کمشنر کوئٹہ کیپٹن (ر) مہراللہ بادینی نے ”کوئٹہ ڈویلپمنٹ پراجیکٹ” (کیو ڈی پی) کے تحت جاری ترقیاتی کاموں کا تفصیلی جائزہ لیا۔ اس موقع پر ان کے ہمراہ پروجیکٹ ڈائریکٹر کیو ڈی پی، اسسٹنٹ کمشنر سٹی اور اسسٹنٹ کمشنر سریاب بھی موجود تھے۔ڈپٹی کمشنر نے ائیرپورٹ روڈ، سمنگلی روڈ، نیو سبزل روڈ اور انسکمب روڈ سمیت مختلف ترقیاتی سائٹس کا معائنہ کیا اور موقع پر جاری کاموں کا جائزہ لیا۔ کیو ڈی پی کے افسران نے ڈپٹی کمشنر کو ان پراجیکٹس کے بارے میں تفصیلی بریفنگ دی، جن میں ترقیاتی عمل، معیار، درپیش چیلنجز اور متوقع تکمیل کی تاریخوں پر روشنی ڈالی گئی۔اس موقع پر ڈپٹی کمشنر نے ہدایات جاری کرتے ہوئے کہا کہ کوئٹہ ڈویلپمنٹ پراجیکٹ کے تحت جاری کاموں کی رفتار میں مزید تیزی لائی جائے اور صفائی و نظم و ضبط کو ہر حال میں یقینی بنایا جائے۔ انہوں نے کہا کہ عوامی مفاد سے جڑے ان منصوبوں میں کسی قسم کی غفلت برداشت نہیں کی جائے گی۔ڈپٹی کمشنر نے تمام متعلقہ افسران کو ہدایت کی کہ ترقیاتی کاموں میں معیار اور شفافیت کو ترجیح دی جائے اور عوام کو جلد از جلد ان منصوبوں کے ثمرات ملنے چاہئیں۔آخر میں انہوں نے اطمینان کا اظہار کرتے ہوئے امید ظاہر کی کہ کیو ڈی پی کے تحت شہر کی بنیادی ڈھانچے میں بہتری آئے گی اور عوام کو سہولیات میسر آئیں گی۔

خبرنامہ نمبر 3485/2025 تمام بلوچستان کے عوام اختلافات کو پس پشت ڈال کر یکجہتی کا مظاہرہ کریں ان خیالات کا اظہار پارلیمانی سیکریٹری سیاحت و ثقافت، لاء اینڈ پارلیمنٹری افئیرز نوابزادہ زرین مگسی نے کی۔ ان کا کہنا تھا کہ موجودہ حالات ہمیں قومی وحدت یکجہتی، سیاسی ذاتی، فکری و دیگر آپسی اختلافات کو بالا طاق رکھتے ہوئے ملکی سلامتی کا و پاک فوج کے ساتھ شانہ بشانہ کھڑے ہونے کا درس دیتا ہے، نوابزادہ زرین مگسی کا مزید کہنا تھا کہ بحیثیت قوم ہم اپنی تمام تر توانائی ملک کی سلامتی، استحکام اور یکجہتی کے لئے وقف کریں۔ اختلافات ہر معاشرے میں ہوتی ہے مگر جب بات وطن کی سلامتی پر ہو تو ہر پاکستانی کا ایک ساتھ دھڑکتا ہے۔ پوری قوم پاک فوج کے ساتھ شانہ بشانہ کھڑی ہے تاکہ دشمن کے ناپاک عزائم کو خاک میں ملائے

خبرنامہ نمبر 3486/2025
کوئٹہ (10 مئی 2025) – وزیر اعلیٰ بلوچستان کی مشیر برائے محکمہ ترقی نسواں ڈاکٹر ربابہ خان بلیدی نے مدرز ڈے کے موقع پر تمام ماؤں کو خراج تحسین پیش کرتے ہوئے کہا ہے کہ ماں ایک ایسا رشتہ ہے جو خلوص، قربانی اور محبت کی اعلیٰ ترین مثال ہے۔ معاشرے کی تعمیر و ترقی میں ماؤں کا کردار بنیادی حیثیت رکھتا ہے۔ ماں کی گود وہ پہلی درسگاہ ہے جہاں انسان زندگی کے ابتدائی اسباق سیکھتا ہے۔ ماں ایک ایسی ہستی ہے جس کی زندگی قربانیوں سے عبارت ہوتی ہے۔ ڈاکٹر ربابہ خان بلیدی نے کہا کہ وقت کے ساتھ دنیا بدلتی ہے، رویے بدلتے ہیں، ترجیحات بدل جاتی ہیں لیکن ماں کا کردار کبھی نہیں بدلتا۔ اس کی دعائیں ہر زمانے میں کارگر اور اس کا پیار ہر دور میں بے لوث رہتا ہے۔انہوں نے مزید کہا کہ ماں صرف گھر کی چار دیواری تک محدود نہیں، بلکہ وہ ہر شعبہ زندگی میں ایک بنیاد ہے۔ وہ اگر ڈاکٹر ہے تو مسیحا بھی ہے، اگر استاد ہے تو علم کا سرچشمہ ہے، اگر محنت کش ہے تو معاشی چراغ بھی ہے۔ لیکن ان سب حیثیتوں سے پہلے وہ ماں ہے، اور یہی اس کی سب سے بڑی شناخت ہے۔ آج کا دن ہمیں یاد دلاتا ہے کہ اولاد کے لئے ماں کی قربانیاں، محبت و شفقت وہ قرض ہے جو کوئی ادا نہیں کر سکتا۔ ماں کی خدمت، عزت اور دعا انسان کی دنیا اور آخرت خبرنامہ نمبر 3487/2025
اسلام آباد 10 مئی۔سابق چیئرمین سینیٹ صادق سنجرانی نے پاک بھارت سیز فائر کا خیرمقدم کرتے ہوئے اپنے ایک بیان میں کہا ہے کہ مسلح افواج کو بھارت کو منہ توڑ جواب دینے پر خراج تحسین پیش کرتے ہیں پاکستان نے ثابت کردیا کہ وہ کسی بھی جارحیت کامنہ توڑ جواب دینے کی بھرپور قوت رکھتا ہے،صادق سنجرانی نے کہا کہ ہماری فضائیہ کے شاہینوں نہ صرف دشمن پر بلکہ پوری دنیا پر اپنی دھاک بٹھادی ہے رافیل جیسا طیارہ گراکر پاک فضائیہ نے پوری دنیا کوحیران کردیا،صادق سنجرانی نے کہا کہ اللہ کی نصرت اور قوت ایمانی مسلح افواج کی میراث ہے مسلح افواج اور ہر مومن شہادت کو اللہ کا عطاء کردہ افضل ترین ایوارڈ سمجھتا ہے،صادق سنجرانی نے کہا کہ امید ہے مودی اب دوبارہ پاکستان کیخلاف کسی مہم جوئی کی کوشش نہیں کریگا،صادق سنجرانی نے جنگی محاز کی کامیابی پر آرمی چیف سید عاصم منیر دیگر سربراہان افسران اور جوانوں کو مبارکباد پیش کرتے ہوئیکہا ہے کہ دشمن مخالف جنگ میں پاکستانی قوم کا اتحاد دیدنی تھا۔

خبرنامہ نمبر 3488/2025 وزیر اعلیٰ بلوچستان کی مشیر برائے محکمہ ترقی نسواں، ڈاکٹر ربابہ خان بلیدی نے بھارت کی اشتعال انگیزیوں کے جواب میں پاک فوج کی مؤثر کارروائیوں پر انہیں زبردست خراجِ تحسین پیش کیا ہے۔ اپنے ایک جاری کردہ بیان میں ڈاکٹر ربابہ خان بلیدی نے کہا کہ آپریشن ‘بنیان المرصوص’ بہادری، پیشہ ورانہ مہارت اور حب الوطنی کی درخشاں مثال ہے۔ قوم کو اپنی بہادر افواج پر ناز ہے جنہوں نے دشمن کو منہ توڑ جواب دے کر وطن کا وقار بلند کیا۔ پاک فوج کی جرات، حکمت اور جذبے کی تعریف کرتے ہوئے ڈاکٹر ربابہ خان بلیدی نے کہا کہ جس جرات، حکمت اور جذبے سے پاک فوج نے دشمن کو جواب دیا، وہ پوری قوم کے لیے باعثِ فخر ہے۔ انہوں نے کہا کہ پاکستان نے ہمیشہ امن کی خواہش کی، مگر اپنی سلامتی پر کسی صورت سمجھوتہ نہیں کیا۔ افواجِ پاکستان نے دشمن کو دندان شکن جواب دے کر نئی تاریخ رقم کی ہے۔ پاک فوج کی جرات مندانہ کارروائی دنیا کے لیے پیغام ہے کہ ہم امن پسند ضرور ہیں، مگر کمزور نہیں ہیں۔ پاکستان ایک ذمہ دار ایٹمی طاقت ہے، لیکن اپنی خودمختاری پر کوئی سمجھوتہ ممکن نہیں۔پاک فوج کے افسر اور جوان قوم کا فخر اور پاک دھرتی کے حقیقی محافظ ہیں۔ ڈاکٹر ربابہ خان بلیدی نے مزید کہا کہ دشمن کے ناپاک عزائم کو ناکام بنانے کے لیے قوم یکجہتی کے ساتھ متحد ہے، اور آپریشن ‘بنیان المرصوص’ دشمن کی شکست، عسکری قوت، قومی اتحاد اور پختہ عزم کا مظہر ہے۔سنوار سکتی ہے۔